وعليكم السلام ورحمه الله وبركاته

هلا بك اخوي الهاووووي
والحمد لله ع سلامتكـ ماجبت لنا هدايا
وعلى البركه زواج اخوك والفال لك يارب >>>ماقرت الردود ابد


قبل مادخل بالموووضوع ياعمري يانا صرت اشوف وضعك مع الردود اذا رديت على الاعضاء جيت ارد
احس اني فال شين اذا رديت بدري ماترد علينا
ولما تخلص ردود هالمووضووع روح لمووضووع البيض ترى مارديت

ترى ردي هذا ملخبط وشطحاته كثيره لاني قاريه الموضوع اول مانزل وماقريته الحين اتذكر انه عن الجوال


الحمد لله احسب انا بس الي متعقده من الجوال اثاري الناس كلهم
بخـصوص الجوال ورعشته
كثير تحصل هالرعشه لدرجه يشكك الي حــوووله فيــه
مثلا انــا فيني طبع مستحيل مستحيل اكلم بالجوال واحد جنبي بصرف النظر عن من المتصل ولو الكلام مايستاهل اني اطلع بس غصب علي

ومشكله الجوال تحول من لوسيله ترفيه بعد ماكان وسيله لسد الحاجات فقط

حنا الحين وصلت العقده لتلفون البيت الثابت
زمان اذا رن انواع السباق عليه
الحين تغير الحال صرنا انا واختي كل وحده تقول للثانيه ردي لدرجه اننا نتهاوش على من يررد
وكثيررررر مانرد على الثابت نخليه يرن لمن يطفش الي يبينا ضروري بيتصل على جوالتنا الا اذا جتنا تهزئيه من الولده
الشي الي ينرفزني الي يتصل على الثابت ولمن مانرد عليه يروح يتصل على جوال امي بعدين جوال اختي بعدين جوالي لحد مانرد
وللاسف يكون مايبي شي ضروري بس يستغرب وينكم ماتردووون


واحيانا توصل للسب شوي للمتصلين بيني وبين اختي طبعا
مانحب الازعاج وش يبون فينا خصوصا الي يتصل وقت متاخر بدون فايده
وغالبيه الاتصالاات طبعا للمامااا


انا جووالي دايم بغرفتي يعني مادري عنه الاوقت ماجي انام علشان اعدل المنبه الي يبيني ضروري بيرسل مسج
بس الحمد لله ماعندي صديقات مزعجين لاني مو راعيه مكالمات وقلق يومي

ووضع الصامت مو صديقي ابد لان جوالي مو بيدي فماعندي مشكله باي وضع يكون وباي نغمه تكوون
بس لانه بالجامعه صامت فخلاص ايام الاسبوع يكون دايركت صامت

انا مايقهرررني الا الي يتصل اوقات متاااخررررررررره اوقات النووووم
وربي بلاني بناس ماعرفهم يتصلووون وانا نايمه ومن القهررر ارد وانا نصي نوم وتوني بعصب بس اذا صار الصوت خشن اذكر الله واسكره

وانا الاتصااالاات الصباحيه تسبب لي خوووف خصوصا لما اكون بالجامعه
ولاني موسوسه شوي فغالبااا ارتاع لما يكون يكون اتصال من عضووه خصوصا اني مو متعوده على هالتوقيت
على طول يجي ببالي ان عضو مات (وجه يبيكي )

بــاك للاجابه على السؤال

إقتباس وإذا كان معظمنا يسلّم بأنه لا يمكن الاستغناء عن الجوال، إذا ً ما الحل مع هذا القلق؟ وما هي آلية الاستخدام المفترضة والتي من شأنها أن تجعل من الجوال مجرد وسيلة اتصال صوتي؟

وضعه على الصامت لان ماشاءالله اشوفه موضه هاليومين
فمثلا خالي لما يتصلون عليه خلاص يعرفون انه حاط صامت ماييستغربون لو مايرد
واشوفه حل مو مجدي مرره خصوصا لو كانو يبونه ضروري
فالافضل ان الناس تفهم ان جوالك على الصامت وهو بالحقيقه مو صامت

اوو يكون صامت بس الوالده والوالد تحط لهم نغمـه خاصه لانهم الاهم
وامممممممم
او رد على الجوال وشوف وش يبي المتصل واذا سواليف اعتذر باسلوب منمق
وقوول معليه مشـغول شوي مع الاهل بغيت شي طال عمرك

تتعدد الحلول والحل الاجدر يمكن الوضعيه الصامته والي يبيك ضروري بيرسل مسـج




برايفت فيووو
تكفين لاتخليني افكرر بكيف توصل اصواتنا للناس لاني متعقده نفسيا وماحب افكرر بهالاشياء لانها تؤرقني
دايم افكر كيف الحين اكتب ويوصل الكلام للشاشه بسم الله وكيف اسولف مع الناس
وشريط الكاسيت كيف داخله صووت

::
:::
::
ناقدنــا الهاووي
يعطيك العافيه على هالمواضيع السنعــه
ويسعدك يارب