25/05/2008, 02:39 AM
|
 | استشاري سابق للرياضه العربيه والعالميه | | تاريخ التسجيل: 04/08/2005 المكان: الظهران
مشاركات: 8,260
| |
السلام عليكم ورحمة الله وبركاته
انا ما راح اعقب على الاخبار والا النقاشات <=== وش عنده
لكن فيه نقطة تؤرق مضجعي  من يوم الخميس
انا زرت محل اليوفي , وانصدمت بكل أمانة !! ما توقعت التسويق سيء للدرجة هذي ؟؟
طبعا على حسب ما قريت انه اول محل لليوفي خارج ايطاليا , فاذا محل اليوفي الا بتويرنو او ميلانو زي هذا فاقول ورا اليوفي اقتصادهم دمار ورايح فيها
طبعا انا ما تكلمت كذا بس , تكلمت من واقع تجربة , انا زرت محلات الاندية الانجليزيه ( ليفربول ستور + ارسنال + مانشستر + تشيلسي + ايفرتون ) فرق السماء عن الارض عن محل اليوفي !!
محلات الاندية الانجليزيه فيها كل شي تبيه حتى السرير والفراش , يعني يمكن الواحد يأثث شقته بحاجات كثيره من المحل
كتب ودفاتر واقلام والبومات وصور حائطيه وساعات ودببه واشياء كثيره الواحد ما يقدر يحصيها ولابد انه يزور المحل كذا مرة لين يحس انه شبع منه
طبعا الشيرتات والبناطيل حدث ولا حرج ,
ان شاء الله اذا ذكرت ولقيت وقت راح انزل لكم تصوير فيديو لمحل ارسنال من الداخل وبتشوفون وش كبره ووش كثر الاغراض اللي فيه
طبعا كلامي هذا اذا محل اليوفي اللي هنا زي اللي في تورينو , بس اذا يختلف ففيها كلام ثاني
انصدمت بمحل الرياض , ما عنده شي !! لا اكواب ولا ميداليات ولا شي ؟ اللهم شوية شرابات وانتم كرامة وتي شيرتات 4 انواع وسويتر شتوي , واهم شي بالمحل مهوب فيه اللي هو تي شيرت اليوفي الرسمي ؟ ومن زين الشغل يقولون بعد 3 شهور بتجي البضاعة !!
فريت فيه 5 دقائق وما طلعت الا بهالتي شيرت
السؤال اللي يطرح نفسه : هل تسويق الايطاليين كذا حتى بديرتهم ؟ والا هنا الوضع يختلف ؟
هل فيه احد زار ايطاليا ودخل محلات الاندية ؟؟؟
اشوف ارائكم 
في الانتظار ورده |
