فعل الهلال موثقاً فا البطولات
والكل يشهد منكم سر وجهار
حنا ... اعتدنا نعتلي فالمنصات
هذا الزعيم اليا أشتعل نار في نار
للفوز ... طعم الفوز صوله وجولات
علماً موثق .. ثم يعلن بالأخبار
الكأس تلو الكأس هيهات هيهات
أمراً طبيعي في زعيماً للأقطار
أنت الزعيم مسجلاً فالسجلات
تعبت دواليبك لها دوم زوار
بقيادة البندر له اليوم صولات
بدعماً يجي وافي على كل ما صار
ولمحمد الفيصل نشيل الهتفات
يالله معي بالصفقة أصغار وكبار
ياهلالنا ياهلال كل البطولات
صقفة معي تهتز ذا الدار ذا الدر
ولا قلت راشد جايك الدعم شيكات
لا يابعد حيي ... ولد حر الأحرار
راشد ولد عبدالعزيز الطولات
عبدالعزيز السيف والسيف الأشعار
لجل الزعيم وكلنا نرفع أصوات
اهو البطل ... ثم البطل سيف بتار
لا جيت أعدد نجم .. خفت الملامات
كل الهلال نجوم ... وورود ... وأزهار
قناصاً قناص لا صار صيدات
في قنصته يحكي لنا أسرار وأسرار
ومحمد الدعيع بطل فالمهمات
وبرنسنا التايب تلاعب كالأشجار
ولا جيت للشلهوب تلعب ذا الابيات
ياكنه كوره وتلعب مع الجار
وتمياطنا نواف بالذات بالذات
دكتورنا بالحسم ... للحسم بيطار
والسام سته بالزمان الذي فات
نجماً سطع فوق السماء بكل الأمصار
ياهلالنا ياهلال كل البطولات
صفقة معي تهتز ذا الدار .. ذا الدار