24/05/2008, 08:29 AM
|
| عضو سابق في إدارة شبكة الزعيم | | تاريخ التسجيل: 11/04/2003 المكان: USA
مشاركات: 13,487
| |
هلا ياصفر سبعه
يالغالي الجميع يتفق على ان مانشستر يستحق البطوله عطفا على ماقدمة طوال البطوله بشكل عام حيث انه لم يخسر اي مباراه
ثانيا الحظ , ليش ماتقول رعونه مهاجمين تشلسي في اضاعة الفرص
امس كنت اسولف مع عبدالله وقلت له فريق ماسك المباراه 45 دقيقه ولاسجل ولافاز مايستحق الفوز ابدا
ثالثا مانشستر بالشوط الاول كان قادر على حسمها ب4 اهداف على الاقل لولا رعونه تيفيز وكاريك ليش مانقول انه حظ تشلسي تمر الكورة قدام تيفيز مرتين ولايسجل وكذلك كاريك يسددها في يد الحارس
كذلك كرة قيقز اللي خلصها تيري براسه والمرمى فاضي بعد ليش مانقول هذي حظ تشلسي
الحظ جزء من كرة القدم يالغالي سواء مع تشلسي او مع ليفربول او غيره
طيب الجميع يتذكر نهائي الابطال عندما كان ميلان متقدم بثلاثة وعادلها ليفربول في 10 دقائق , وش نسمي هذي بعد ؟
التحكيم انا مابي اتكلم عن التحكيم ابدا , كان بامكان تشلسي يخلصها بدون التحكيم وكذلك مانشستر وماعتقد انه ساعد فريق ما على الفوز ابدا
ولو سجل تيري ركلة الجزاء كان ماطلع كل هالكلام , لو سجل لامبارد فرصة الاشواط الاضافيه ماجاء كل هالكلام , لو سجل دروجبا فرصة الشوط الثاني ماصار كل هالكلام ابدا
ثم خلنا نشوف مسألة ركلة الترجيح واللي يقول قبلوا العشب واشكروا الامطار
هل مانشستر بعد له دخل في هذي ؟ نقول الحكم مانشستراوي وتعاطف مع مانشستر او شارينه مانشستر يقبلها العقل والمنطق ولو انها ضرب من الخيال
بس نقول المطر والا ارضية الملعب تعاطفت مع مانشستر هذي اللي ماراح اصدقها ولا اتخيلها الا اذا شفت الناس يمشون بالشارع بدون ملابس هذا مطر من عند الله وكان تشلسي يلعبون في الرياض كل مبارياتهم ماهم متعودين على الامطار وهذي ارضية ملعب موسكو ماهو ملعب مانشستر , فكل هالعوامل مال مانشستر فيها دخل
ثم ايضا ماهو ذنب مانشستر ان تشلسي ماعنده اكثر من لاعب يتقن ركلات الجزاء , مابي اتكلم عن تيري هو لاعب كبير وكان بيده يسجل اسمه واسم فريقه باحرف من ذهب في تاريخ البطوله بس ضيعها مع انه لعبها صح , بس البطولة يالغالي ماهي مكتوبه لكم ابدا ابدا
على كل حال مانشستر فريق كبير وفاز على فريق كبير ايضا تشلسي , وكل ماصاحب اللقاء من احداث مايقلل من فوز مانشستر ابدا , وصدقني لو اخذها تشلسي كان استحقها عن جداره ايضا خصوصا انه قدم شوط ثاني كامل عن 10 مباريات هالموسم وكان ناقصها لاعب الحسم
خلينا من كل هالكلام , ليش ماتتكلم عن اخطاء مدربكم في اللقاء ؟ ليش مانزل انيلكا من البدايه دامه بيلعب بالخطه هذي واشوف ان انيلكا انسب لها , ليش ماطلعت الخال دروجبا بالشوط الثاني وانت تشوفه متنرفز وطول المباراه اعتراضات واحتجاج على الحكم ؟ وبداية اللقاء بمالودا على ماظن اللي كان تايه بالملعب حتى من مباراه ليفربول ؟ كل هالعوامل من اسباب خسارة تشلسي يعني ماهي كلها مسألة حظ مع اني اؤمن بان الحظ جزء لايتجزأ من كرة القدم
وفمان الله |
