13/05/2008, 01:43 PM
|
 | زعيــم مميــز | | تاريخ التسجيل: 25/09/2005 المكان: بلاد الحرمين
مشاركات: 7,147
| |
أبوغـامد 
1 - الحين حاطين شاشات lcd ولاقدرتوا تشتروا أشرطة وأيدي جديدة للسوني ؟ 
إلى الحيـن تدور عذر لهزيمتـك ذاك اليـوم  ؟
2 - بشر .. شريتوا شريط جديد بدل القديم اللي في المقهى ؟
جب أي شريـط وأهزمـك فيـه .. مالك عـذر
3 - لو سويت لكم تصميم لناصر الفراعنه .. تعلقونه بدل الشبرمي ؟
سو تصمـيم واطبعـه وجبـه ويصيـر خيـر ان شاء الله
4 - الحين ليش مقهاكم كل شهرين يتغير الفلبيني .. وعبدالقادر مسنتر ما تغير ؟؟ صدقني إن البلا من هالمغربي
كل شهرين أجـل
عبدالقادر شارين بطاقته الدوليـه
5 - لو البلياردو اللي جنبكم قفل .. الزباين بأي حمام يدخلون ؟
حقـت الممشـى ولا لايشـرب واجـد
..
1 - كيف ترى فرصة حصول الهلال على الأسيوية الموسم القادم ؟
والله شوف .. اذا أُختيـر الرئيـس في وقـت مُـبكر وتعـاقدت الإدارة مع مُـهاجم سواءاً أجنبـي أو محلـي المهم ينشد به ظهر وكذلك لو تعاقدت مع ظهير أيمن "الرهيب" بهالحالة أضمـن لك الآسيـوية بنسبة 80% بإذن الله 
2 - ماتحس إن دفاع الهلال بيصير شوارع ! خصوصاً بعد قدوم أبو سيقان هوساوي ؟
مستـوى هوساوي الموسم هـذا سيء للأسـف .. لكـن بإذن الله بيتطـور مستـواه ويقـود دفـاع الزعيـم خيـر قيـادة 
3 - من تفضل لرئاسة الهلال .. بندر بن محمد ولا عبدالرحمن بن مساعد ؟
عبـدالرحمن بن مسـاعد .. ماشاء الله الولد يمتلك فكـر عالي وهذا اللي محتاجه الفريـق .. وكذلك لديـه قـدرة ماليـة ممتـازة .. وبإذن الله ستعـود الآسيـوية تحـت قيادتـه
4 - اللقبين اللي اخذهم الهلال هالموسم كفاية ؟
جمهـور الزعيـم طمـاع ,, وبالتـأكيـد مايرضـون الا ببطولات الموسم كلها
وهالموسم أحلى مافيه ان الدوري اخذناه من الاتحاد وعلى ارضهم
وتمنـيت أن 4 الإتحـاد لم تأتـي كي لايظهـر الأقـزام
5 - هل تفضل أن يكون الطقم الإحتياطي للهلال غير الأبيض ؟ مثل الأندية الأوربية
لا .. لأنك لو فكـرت وش بتحطه غير الأبيـض ؟
الأبيـض أرسـم وأفضـل لـون بعـد الأزرق
..
1 - تشيلسي خرج خالي الوفاض هالموسم .. ولكن تبقى فرصة 21 مايو .. كيف ترى حظوظ الفريق ؟
خالي الوفـاض من أي بطولـة لكن قاتـل وقـدم مستوى ممتاز بالرغم من الظروف اللي واجهته وعلى قولة نواف"لو اي فريق تجيه هالظروف كان الحين ينافس لحجز مقعد مؤهل لدوري الأبطال"
والتشامبيـونز قـد يذهـب للمانيـو وهذا توقعـي للأسف .. لعدة أسبـاب أختصـرها بكلمتيـن " حنكـة فيرجـي"
2 - نهائي الأبطال .. هل سيكون نسحة مكررة من نهائي الكأس الموسم الماضي مع المان ؟
ما أتوقـع .. ومن يُـسجل أولاً سيكسـب
واذا لم يسجل أحدهم قبل الآخر فبهذه الحالة قد يتكرر سيناريو الموسم الماضي <<يازينك ساكت
3 - الحين بيسنقوا جاء .. هل تتوقع خروج أحد من الأظهرة اليمين ؟ وكيف ترى بوسينقوا ؟
ما أتوقـع خروج أي ظهيـر .. وبوسينجـوا يلعـب كذلك في الوسط الأيمـن وقـد يحتـاجه المدرب في حال إصابة أحد اللاعبين
4 - من اللاعبين اللي تتوقع يجون لتشيلسي ؟ واللي بيطلعون من تشيلسي ؟ طبعاً تتوقع مرة وتتمنى مرة
التـوقع Out .. فيليبـس ودروجبـا  ومالودا وسيدويل
التوقـع In .. قـدوم فيـا بشرط خروج دروجبـا
وماأتوقـع قـدوم أي لاعـب بشرط المحافظة على اللاعبين الموجودين
التمنـي Out .. "درس نحو وانامدري" سيدويل ومالودا وفيليبس ولامبارد قصدي هيلاريو اعارة "نواف امزح قسم"
التمنـي In .. فيـا .. آلفيـس .. ريـزا 
5 - هل تتوقع بقاء جرانت في تشيلسي لو حقق الأبطال ؟
والله هـذا المُـتوع .. لكن الله يستـر
..
1 - من وقت مانزلت صورة إيسيان وفيريرا ماشفنا أسير ! وش تتوقع سوى يوم شافها ؟ وليش مادخل بعدها للحين ؟
أتوقـع يخـطط يجمع فلوس عشان يشتـري مثـل حـزام فيـريرا DG
إلى الحيـن منقهـر .. ليـه إيسيـان يصـور مع فيريـرا وأنا لا ؟
2 - من من الاعضاء الي تفتقده هنا في الرابطة ؟
يزيد وحسام وعزوز .. (قلب مشقوق)
3 - من تتوقع يفوز بدوري التوقعات ؟ وهل هناك مافيا فيه ؟
مالها الا رجالها
واتوقع يفوز فيها شخص خالف الشروط والمتمثلة بمنع أي عضو من المشاركة في المسابقة وهو لايشارك في الرابطة الا على خفيف
والجزء الآخر من السؤال مافهمته ووديته لترجمة قوقل وطلعلي "جملة غير مفهومة ويُـتوقع انها سبّـة"
4 - هل تتوقع أن يخف عدد مشجعي تشيلسي إذا انتقل دروجبا ولامبارد ؟
حلـوة يخف 
متعـوب عليها
بالتـأكيـد .. كما أن للفريـق مشجعيـن فهنالك مشجعيـن " لاعبيـن" ويفضلونهم على الفريق
5 - رتب أفضل خمس روابط بالنسبة لك ؟
تشيلسي .. الميـلان.. البرشـا .. الريـال .. المانيو
..
1 - وش تفطر ؟ وش تتغدى ؟ وش تتعشى ؟ بالعادة ..
الفطـور .. جبن وعصير
الغـداء .. كبسـة ولا أقـرب تسـالي عقب العصر
العشـاء .. كل يوم مطعم .. بس الغـالب هالأيام " ماك "
2 - وش أفضل مطعم بالنسبة لك ؟ وأفضل وجبة ؟
والله فيه أكثـر من مطعـم .. بقـولك أفضـل ثلاثه
برجر كنج .. دجاج رويـال
مـاك .. بيج تايستـي
بابا جونـز .. بيـروني
3 - شارع في الرياض تقدره ؟
الدائري وحلاته لاصار الخط فاضي"تراه شارع موب طريق"
4 - المطرب المفضل ؟ المطربة المفضلة ؟ الأغنية المفضلة ؟ الممثل المفضل ؟ الممثلة المفضلة ؟ الفلم المفضل ؟ المسلسل المفضل ؟ طبعاً كل الأسئلة عربية .. وأجنبية .. يعني مرة كذا ومرة كذا
المطـرب المفضـل .. أبونـورة
المطربـة المفضـلة .. مافيه وحده معـينه لكن احب أسمع لـ نجـوى وميريـام وشطحات لنانسي
الأغنيـة المفضـلة .. سؤال غبي بس يمكن الأماكن وأحـوال
الممثل المفضل .. فايز المالكي
الممثلة المفضلة .. مثل هالأسئلة توجهها لفهد والله ماعندي ممثلة مفضلة أو بالأصح متابعتي قليله
الفلـم المفضـل .. أيضاً سؤال غبي يمكـن دومبـا آنـد دومبـر
المسلسل المفضـل .. بريـزون بريـك مع اني ماشفت ولا حلقـة
ومالي بالأجنبـي
5 - وش أكثر شيء تطلبه من مقهاكم ؟ وهل تدفع الحساب ولا لا ؟
توفـي وتراميسـو
أكيـد طبعـاً
..
1 - ماذا تعني لك هالاسماء : هلالـــ الجنوب ـــي , أسيــ الزعيم ــر , Mr.GoaL , دنـيـدل , رفـيـع الـشـان , والله ذيب ياسامي ؟
ورا أسمك أول واحد
هلالــ الجنوب ــي .. كعضـو ,, متميـز ومن أفضـل الأعضاء بالشبكـة ,, متميـز بمواضيـع سيرة اللاعبين وكذلك مصمم مميز وفوق هذا أخ وعزيز ويُـقال أنه سيكـون موظفاً في وزارة التربية والتعليم لتميزه في وضع أسئلة إختبار للمدارس
أسيـــ الزعيم ــــر .. مميـز ومن أقدم وأفضل الاعضاء سواءاً في اللجنة الإعلامية أو الإشراف .. وله العديد من البصمات في الشبكة وله اليد الطولى في إنشاء "مجلة عشاق الرياضة"
Mr.GoaL .. والله منيب متكلم لأن مهما تكلمت تبقى شهادتي فيه مجروحه والكل شاهد على تميزه .. تركي
دنيـدل .. نواف ,, والله اخ عزيز وغالي وبرضوا مهما تكلمت عنه والله ما أوفيه حقه .. والله من أميـز الأعضاء خلقـاً ويمتلك قلمـاً مميز لكن شكله حبره يقضى بسرعه لأننا لانرى الا مواضيع قليله له
رفيــع الشــان .. من أفضـل الأعضـاء هذا الموسم ويُـقدم مستويات ممتازه , وهو وجـه واعد وينتظر منه المزيد والمزيد .. بس لويترك عنه خنبقاته "جده"
والله ذيب ياسامي .. والله من أميز وأفضل الأعضاء .. يمتلك قلم مميز ومن أنشط الأعضاء ماشاء الله ,, وله جهود هالموسم في الرابطة أكثر من رائعه ويشكر عليها
2 - أفضل عضو ف رابطتنا هالموسم ؟
فهـد .. محمـد
3 - أفضل موضوع لرابطتنا من يوم بدينا ننزل مواضيع ؟
مجلة عشاق الرياضة
4 - هل العضو هلالـــ الجنوب ـــي سحب البساط من تحتك في مجال التصميم ؟
بالتـأكيـد
5 - بتجاوب على الأسئلة كلها ؟
وش رايـك .. الله يقلعك من العصر وانا اجاوب
متى يجي دورك بس << دلخ
تم وبحمدالله ..
الله يقلعكم من وزارة ..
شرفني مرورك أبوغامد ورده ..
اخر تعديل كان بواسطة » فيلسوف في يوم » 13/05/2008 عند الساعة » 09:07 PM |
