بالله ودي أشوف وجه واحد منكم وهو زعلان

أيوب ماهمه مكلمني بعد المباراة مبسوط و ابوغامد وقت المباراة يقطع ام برود الأعصاب

بس تبون الجد .. والله ماتوقعت الامور بتكون كذا .. كنت متوقع ان المانيو بيفوز وباراحة وبدون أي أداء يذكر من ويجان .. وصار العكس .. ويجان هاجم وحاول كثير .. ماحالفه الحظ .. ومدري كني شفت فيردناند لابس أخضر والا يا احمد

مانشستر حققوا الدوري وما أعتقد ان فيه أحد يشكك في أحقيته .. فريق قدم مستوى مميز هالموسم .. أعتبره أمتع فريق في العالم .. حقق نتائج .. يسجل ويحافظ على تقدمه .. عنده مدرب كفو .. عنده لاعبين كفو .. عنده حكام كفو << والله امزح

مباراة تشيلسي وبولتون ما أعتقد انها تستحق كلام كثير .. وبصراحة كنت متشتت بينها وبين مباراة المان .. ويجان أمتعني اليوم واذا حطيت على مباراتهم أنسى مباراة تشيلسي .. طبعا ً أيضا ً لأنها أهم وكنت ضامن فوزنا لكن أليكس خربها

الهدف اللي جاء فينا السبب الأول والأخير فيه أليكس ولا يُلام عليه بيتر تشيك أبدا ً .. أول شي تشتيت الكورة كان سيء .. ثاني شيء التسديدة ماكانت بذيك القوة لذلك كان يمديه برجله اللي كنها صبة يتصدى لها و الا لا يوقف هالوقفة البايخة

هدفنا شيفا وآآآه يا شيفا .. كل مباراة يلعبها تكون له بصمة .. وتخيلت أول ماجاء الهدف يكون الدوري جانا بأقدام شيفا .. و ليتها صارت .. لكن ماينفعنا التمني الآن .. لكن شكرا ً يا شيفا على كل ما قدمته للفريق .. وأتمنى أن يبقى ويبدع وتبتعد عنه الاصابات

تيري أشوف الشباب شابين في تشيك .. ليه طيب أشوف تشيك خرج خروج سليم لإلتقاط الكرة .. تيري مدري وش جاب يده بس .. بيحمي تشيك يعني !! أصلا ً تشيك أو أي حارس آخر معروفة طلعاته في مثل هالكور .. انقز وامسك الكورة ومد ركبتك عشان تحمي نفسك وخلصنا .. أشوف الاصابة اللي جت تيري بسبة بثارته .. وآآه لو يغيب في النهائي .. قسم بالله مالها داعي

مالودا .. اطلع ما ابي اشوف خشتك :@ .. كالو احتياط ليه .. شيفا احتياط ليه .. عشان مالودا :@ .. خلاص لاعب عطيته فرصة ما قدم لك اللي أنت تبيه .. تجي في مباراة مهمة وكان ممكن تحسم لك الدوري وتلعبه .. للآسف هذي من أخطاء جرانت الكثيرة .. طبعا ً أنتم عارفين المباريات الهامة اللي لعبها .. فنربخشة والريدز ... !!

~~~~

هالفاصلة عشان أقول كلمة مهمة .. تشيلسي ضيع الدوري على نفسه .. وخلونا نرجع لأحداث الموسم شوي بس .. طبعا ً اللي بكتبه ما ينفي ان الفريق تعرض لظروف أخرى جعلته يخسر الدوري .. ولكن خلونا نشوف مشكلة في فريقنا

تشيلسي أمام إيفرتون .. جاء فيه هدف التعادل في الوقت بدل الضائع !!

تشيلسي أمام الفيلا .. جاء فيه هدف التعادل في الوقت بدل الضائع .. وماننسى البلنتي الأضحوكة وقتها !!

تشيلسي أمام السبيرز .. هدف التعادل جاء فينا في الدقيقة 89 !!

تشيلسي أمام ويجان .. جاء هدف التعادل في الدقيقة 90 !!

تشيلسي أمام بولتون .. جاء هدف التعادل ي الدقيقة 90 !!

هذي 15 نقطة راحت بسبب ضعف التركيز في نهاية المباريات .. مع استثناء مباراة أستون فيلا وعلى فكرة الفريق ما حقق أي فوز أو تعادل في الدقائق الخمس الأخيرة أو الوقت بدل الضائع .. سوى مباراة مانشستر من ضربة جزاء !!

الفريق للآسف أضاع الدوري على نفسه .. وما ودي أطول في هالنقطة لأني بكتب كلام ماراح يعجبني قبلكم .. ولا ودي بهالشيء .. كفاية تعادلنا و هزيمة الهلال




ΩΩ وين انت؟ غبت وغابت ايامي .. وين انت؟ رحت .. وهالمدى ظامي ΩΩ

~~~~






لا احد يحتك

~~~~

نقطة أخيرة عشان ما أطول .. تحدث عنها نواف والشباب

بدون مدرب + إصابات + غيابات أفريقية + ضغط في المباريات لتشيلسي فقط

أتوقع ان حصولنا على المركز الثاني أمر ممتاز وسط هذه الظروف .. والا !!

~~~~

تبقت بطولة دوري أبطال أوروبا .. بإذن الله تعالى سنكون الأبطال .. وإن لم نكن سنتحسر بكل تأكيد .. ولكن لن تكون نهاية العالم .. فـ بمدرب جديد .. وبلاعبين جدد .. سنحققها بإذن الله الموسم القادم .. و أتمنى أن يكون تحقيقنا لها الموسم القادم للمرة الثانية

~~~~

هاردلك يا شباب ورده

مبروك لـ جمهور المانيو ورده