بسم الله الرحمن الرحيم
في البداية هاردلك لكل هلالي على وجه الارض الخسارة المتوقعة بصراحة لعدة اسباب ساذكرها لاحقا
لكن قبل ذلك اود ان ارسل اجمل باقة ورود باللونين الاصفر والاسود لاتحاد فصولي وشلته
بتقولون كيف ورد اسود اقول اسكت انت وياه الاتحاد السعودي لو يبي الورد اسود يخليه اسود واللي
بيتكلم بيتوقف ترى يعني خلنا ساكتين احسن
المهم نبدا بالاسباب من وجهة نظري الشخصية :
اول الاسباب معروف للجميع ولايخفى على احد وهو الاتحاد السعودي لمحاربة الهلال وهذه مايبيلها
تفصيل لانها واضحة وضوح الشمس
ثاني الاسباب الاخطاء الدفاعية القاتلة وخاصة من المرشدي للاسف
ثالث الاسباب هو تغييرات الداهية كوزمين واصر على الداهية ولاعزاء للبعض اللي قلب عليه
رابع سبب هو ابتعاد الرئيس عن الفريق في ظروف قاهرة وترك الاداريين حايسين بالتصريحات
البعض يقول انه مع جده الامير سلطان وهذا واجب وانا مع هالكلام لكن هل في ضرر لو تاجلت السفرة
لبعد المباراة ..!!
على العموم انا حطيت هالسبب الاخير لكون الابتعاد جاء لعيون كحيلان سلطان وهو يستاهل الواحد
يتعناله وايضا لان اعضاء الشرف فيهم الخير ويغطون مكان الرئيس
والحين بعد هالاسباب الرئيسية من وجهة نظري تجي النقطة الاهم وهي التعامل مع اللاعبين وخاصة من الجمهور
جمهور الزعيم لاتنسون البطولتين اللي قدموها ابطالنا الشباب علشان خسارة بفعل فاعل وخلونا نرفع
معنوياتهم ونآزرهم وان تأهلنا خير على خير وان طلعنا فالله مو كاتبها وماقصروا العيال وصدقوني
متى ماكان الهلال جاهز نفسيا بس بنفوز على الاتحاد بالثلاثة والاربعة والخمسة ومافي شي صعب على الله
رسالة شخصية مني لكل نجومنا الابطال :
من مشجع هلالي مخلص للشعار ولكم ياابطال ارفعوا رؤوسكم فانتم الزعماء شاء من شاء وابى من ابى وستظلون كذلك باذن الله تعالى
لاعبينا الابطال نحن لانطالبكم بما هو مستحيل لكن نطالب بان تقاتلوا من اجل الشعار في المباراة
القادمة لتثبتون للجميع انه متى ماكان هو هناك عدل سينتصر الحق وباذن الله انتم منتصرين
انتهى
خاص لكل المتغنين بالنتيجة التاريخية :
النصر اكل الاربعة والخمسة والاهلي كذلك و الوطني والقادسية وسبق ان اكلها الاتحاد
والهلال لكن الاهم هل جاء الفوز بعدل ..!!
الموضوع بالزعيم وشبكة الهلال لي شخصيا 