:::... بسمــ اللهـ الرحمنــ الرحيمــ ...:::

:::... السلامــ عليكمــ ورحمهـ اللهـ وبركاتهـ ...:::





أقولـــ يا عيالـــ

وش بلى الناس [ البرشلونيين ] حاقدين علينا

يعني وش الجديد

الموسم اللي راح الليفر مرطقينهم

ومن قبل الليفر تشيلسي

يعني ماهنا جديد

دايم يرطقون على ايدين عيال البريمر

يا عيالـــ صدقون

قسم بالله إن الدوري الإنجليزي أقوى دوري بالعالم

بلا إيطالي بلا أسباني بلا هم

الموسم اللي راح 3 من 4 بالنصف نهائي

كلهم إنجليز

بس أخذه المهبول ميلان

بس الغريب ياعيالـــ

الموسم ذا ما لاحظتوا شي

ما يطلّع الإنجليز إلا الإنجليز

أرسنال طلعهم ليفربول

ليفربول طلعهم تشيلسي

تشيلسي إن شاء الله يطلعهم المان

يعني نهائي إنجليزي 100%

والله مهبل عيال البريميرليغ

المهم ندخل بالموضوع




يا اخي أشوف البرشلونيين صاجيننا بزامبروتا

ويقولون موقف رونالدو

وما دروا أنه هو اللس مصلح القول لسكولز

وتدرون وراهـ مصلح القول ...

علشان كرستيانو ضاغط عليه ومضايقه

يعني بالعربي

" لا يكثر "






بس بعضهم تركـ زامبروتا بعد مادروا إنه سبب نكستهم

وقعدوا يقارنون ميسي بكرستيانو

ما دروا إن كريس لحاله جاب 38 هدف هالموسم

يعني لو نجيب ميسي الموسم هذا وميسي الموسم اللي راح

ما جاء مثل كريس

يعني بالعربي



" إيفرا داعسن لكم "



بس يا عيالـــ

ما نتبهتوا لشي بالمباراة

جمهورنا يقلد جمهور البرشا



ياحليلهم

والله أنهم حايفينه مع إنه أول مرهـ



على العموم

أنا معكم إن البرشا مستلم المباراة

بس وش الفايدة

ما غير ياخذ الكورة ميسي

ويروح للخط

همن يبلش بروحه همن يعطيه ديكو

همن يروح للخط الثاني

همن يعطيه اللي بعدوهـ

وعلى هالسيرهـ

جيبوا لي هجمه خطيره للبرشا

ما غير يراكضون على غير سنع

يعني عندنا هجمات تيفيز وناني وباركـ

هذا وحنا مهاجمنا بعد


بس الصراحه أفضل لاعب بالمباراة

أعطيه لباركـ وتيفيز



خلفهم مسوي شغل دفاعي وهجومي

والله إنه ماقصر

مستقعد لهم على ركبه


وكل هذا

والبرشا يظهر بأفضل المستويات بهذا الموسم

والمانيو يظهر بأسوى المستويات بهذا الموسم

وصفطانهم





بس وش تقولون بهالشايب


قسم إنه مدرسه

خلوهم يشوفون ويتعلمون










وما ننسى إن هذا كله

بدون روني



وبدون فيديتش



وبالنهاية



وسيدا على موسكو






تصدقون ريكارد بغى ينسى جكيته من الدوكرهـ



وبغى ينسى ديكو مع الجكيت بعد

ديكو المهايطي

" قال أبطلع فيرقسون من التشامبيونزليق "



يا حليله خانه التعبير بهالتصريح



وبالأخير أحب أباركـ لتشيلسي التأهل للنهائي

والصراحه هذولا الفريقين اللي يستاهلون يلعبون النهائي

وياليت مدربهم يستخدم هالتكتيكـ بالنهائي



بس والله يا عنده لاعبين

لو أحط قوطي بيبسي محل مدربهم

ما خسروا

يا ساااااااااتر



رونالدو الأفضل دائماً



بالنهاية بالتوفيق للمانيو بالنهائي وبالدوري

وإن شاء الله إنه مع شايبنا كل شي تمام







بس ودي قبل ما أمشي

أقولكم أمنيتي

ودي هالمطفوق يجي للمانيو الموسم الجاي



سانتااا كرووووز

تعاااال واللي يسلمكـ

والله يا أنا أحبووووهـ



أدري إني أبطيت عليكم

بس ميخالف

تحملون لأنه مثل هالرد أنزله مرهـ بالسنه



سي يو