|
هارد لك يالزعماء
والله يكون معنا في الاياب
المحور الأول :
هل وفق المدرب بأختيار التشيكلة المناسبة للمباراه؟وهل تم توظيف
اللاعبين بالشكل المناسب؟ وما رأيك في تغييرات المدرب كوزمين؟
وهل ترى ان القرارات التحكيميه وقرارات لجنة الانضباط ادت بالضغط على اللاعبين
وظهورهم بالشكل الغير مناسب؟
بالنسبة للمحور الأول
المدرب كوزمين ما وفق ابدا في التشكيله الي لعب فيها ببداية المباراه
من راي ان الاعب عبد الله الزوري ما كان المفروض يلعب اليوم
هو لاعب شاب وله مستقبله
بس هو متعود على المباريات الي بهالحجم والمستوى
وكان الفريق محتاج لخدمات التمياط او الشلهوب من البدايه
وحتى اللاعب عزيز
افتقده الفريق بدرجه كبيره
لكن المدرب تدارك الوضع
وصار يحاول يصحح الاخطاء الي حاصله
تبديلاته كانت موفقه وفي محلها
بس لكنه اخطا من جديد باشراك الكلثم
المفروض يدخل نواف عشان يحرك الوسط اكثر
ويبعث الرهبه في نفوس الاتحاد ويقلقهم
انا اشوف ان اللعيبه كانوا في امكنهم الممتازه
بس ما ادري ايش الي كان ناقصهم
الكوره ابد ما كانت توصل لياسر
بشكل عام الفريق ما ظهر بالمستوى المطلوب
ولازم كوزمين يركز في تدريباته على اللعب الجماعي
وعلى كيفية التمرير بشكل صحيح والتسديد من خارج من الجزاء
لانه هذه هي الوسيله لاختراق الدفاع الاتحادي
اما الحكم فهذا موضوع ثاني
قراراته ماكانت صائبه
وماوفق في ادراة المباراه
كان منحاز وبشكل كبير للاتحاد في قرارته
ولجنة الانضباط لازم يكون عندها حل
لسوء تصرفات اللعبيه الاتحاديه
وما يكون الحكم منحاز ومنصب على فريق معين
المحور الثاني :
ماهو رأيك في التنظيم الدفاعي للفريق,وهل تقدم بعض لاعبي الدفاع كان سبب في بعض الثغرات
ومامدى فاعلية وترابط خطوط الهلال (خط الدفاع - خط الوسط - خط الهجوم)
الدفاع اليوم ابد ماهو دفاع الزعيم المعروف
بصلابته وقوته
وتماسك صفوفه
اللعيبه كان عندهم خلل في السيطره
وتفاريس ما ظهر بمستواه اليوم
وهو اثر بكذا على الدفاع كامل
حتى الدعيع كان له يد في دخول بعض الاهداف للمرمى
وتقدم الاعبين اثر كثير
وكان فيه بطء شديد منه للعوده من الهجوم للدفاع
واحنا خسرنا
بسبب هالتاخر
اليوم الفريق ما كان فيه تناسق وانسجام بين صفوفه
الدفاع ما اتقن مهامه
والوسط ماكان نشط
ولا يساهم في توصيل الكرات للهجوم
والهجوم ما كان في محاولات ابدا لتخطي المراقبات والتسديد من خارج المنطقه
المحور الثالث :
ماهو تقييمك لأداء لاعبين الهلال ومن هو اللاعب الذي ترى أنه كان من نجوم المباراة ؟
ومن اللاعب الذي ترى أنه لم يقدم المستوى المأمول؟
اللاعبين قدموا القليل من مايملكون
هم لاعبين زاخرين بالمهارات
لكن الحظ والضغط النفسي اثر عليهم
اليوم كان مستوى الفريق بشكل عام اقل من الجيد
والاعب الي اشوفه من نجوم المباراه
صراحه صعبه
لان الفريق كله ماظهر بالمستوى المطلوب
لكن اقدر اقول خالد عزيز هو النجم
ولو كان حاضر من البدايه لغير الكثير
والفريدي اقدر اقول انه ماظهر بالمستوى المامول
لاهو ولا تفاريس
وتفاريس اثر بشكل كبير اليوم على الدفاع كله
المحور الرابع :
ماهي رؤيتك الخاصه عن ماحدث بالمباراه (( مساحه حره للعضو ))
المباراه ابدا ماهي من مستوى الزعيم
الزعيم اذا بغى الشي حصل عليه بمستواه وروحه
لكن اليوم الروح المعنويه والنفسيات المرتاحه ماكانت حاضره
وغياب التايب اثر كثير
ونقل المباراتين لجده له تاثير بعد
اذا كان الزعيم يرغب في الفوز والتاهل
فعليه التغلب على المشاكل النفسيه والفنيه عند بعض اللاعبين
وعلى كوزمين
اشراك التمياط والشلهوب وعزبز من البدايه
عشان يحركون اللعب ويضغطون على الاتحاد
اللعيبه لازم ينسون مباراه اليوم
ويفكروا في الي جاي
واحنا بعد
جمهور الزعيم
لازم مانتخلى عن زعيمنا
ونوقف معاه
مانتخلى عنه
وهو محتاج لمؤازرتنا
وتشجيعنا
| 