|
خذوه ... فغــلوووه .. وميزان العدل في الرئاسة مايل
بسم الله الرحمن الرحيم
أعزائي أعضاء منتدى الزعيم ..
مالكم بالطويلة ...
زهقتوا .. ومليتوا من كثرة عراقيل اللجنة .. والرئاسة .. والتحكيم .. وتعاون الأندية أو تواطيء الأندية ضد زعيمنا الهلالي .. 
رغم كل هالأمور .. والظروف .. المقصودة ( مع سبق الإصرار والترصد ) ومع بجاحة الظلم .. وسعة وجة الظالم .. ( الله يسود وجهة ..  )
كل هالحقد .. وكل هالعراقيل .. والهلال يحصل على البطولات .. فمن ثلاث مسابقات .. حصل على بطولتين وكان وصيف بالثالثة .. وباقي الفرق ( سفطت فنايلها وحطتها بالدواليب من بدري )  وحنا نلهث ( جمهور .. وإدارة .. ولاعبين ) ورى البطولة الرابعة ( بإذن الله ) ..
ندري .. والله ندري ان الناجح محارب ... ونؤمن بأن الشجرة العاليه تقذف ... ونعلم بأن القافلة تسير .. والكيف الحال ينبح .. 
لكن عيب على المعنيين في موضوعي .. والله عيب ..
رسالتي مو للجمهور الهلالي ... ولا للاعلين .. ولا إدارة .. كلهم والله ماقصروا .. كفوا ووفوا .. وبيض الله وجيهم
الرسالة للفرق الأخرى .. لجمهور الأندية المنافسة .. لأصحاب السلطة في رياضتنا .. للجميع :
ماهو ذنب الهلال وخطيئته ليحارب بكل هذه الشراسة .. 
لماذا الجميع .......... يتفق على عدم احقية الهلال في أفضليته !!
التشكيك في كل شي يخص نادي الهلال ويكون من صالحة ..
بطولاته كلها هدايا من الحكام ..........؟!!
القابة جميعها مسلوبة وغير مستحقة .....؟؟!
عدد بطولاته غير صحيحة .. بل أقل .. وحتى لو اقنعته واثبت ذلك بالأدلة .. يبداء بإستخدام كلمات مكرره .. مثال : ( نصها تحكيم )
واخرها التصويت اللى صار مزيف .. ومؤامرة .. وكذب .. رغم اننا لسنا بحاجة لإثبات شعبية وجماهيرية الزعيم .. فالعاقل يعلم والله ماشفناه .. لكن بالعقل عرفناه
أول كلمة ( رشوة ) في ملاعبنا .. هي ضد الهلال ..
أول كلمة ( مؤامرة ) ضد الهلال
أسرع قرارات عقوبة .. ضد الهلال ..
وعلى طاري العقوبة ... من أمن العقوبة أساء الأدب
طيب نقول هذا جمهور .. وطبيعي الجماهير تتنافس .. ويكون هذا نقاشها في المجالس والمدرجات والمنتديات ..
لكن الرئاسة ( بمن فيها ) .......... لجنة الإنظباط ( المنظبطة ) ........ التحكيم ( اللى مامثلوووه ).......؟؟<<<< نخليكم مع الجمهور ونكبر الوسادة ونقول ( هي خاربة .. خاربة .. خلينا نعميها ... ) و مايصدر منكم من ظلم دائم .. وقسوة .. ومحاربة ضد كل مايتعلق بالهلال ماذا نسمية ؟؟
بقول هالكلمة بالعامية : وش بينكم وبين الهلال ؟؟؟؟
الهلال اخذ البطولات برغم ظروفة الصعبة.. ومع كل حرب وظلم يتعرض له .. ينتهي هذا الظلم ببطولة كبيرة وغالية .. ويزيد الزعيم من بطولاته .. وإنجازاته .. وتزيد في انفسنا كجمهور الهلال إحتقار كل من كان سبب وراء هذه المسرحيات .. والأكذوبات ... وفي الأخير .. لايصح إلا الصحيح
عصابة !! والله عصابة ..؟!!
ابرمي عقالي بوجهة لاعبين ومدرب وإدارة الهلال .. وأقولهم .. تكفون نبي هالبطولة .. نبي نحمي تسبوودهم ..
عندي كلام كثير بعد البطولة .. >>>>> ناوي شر ..
يالله مع السلامة .........
جمهور جدة ..... تكفون يابعدي .. احضرووا .. وساندوا .. وأملو الملعب .. وانتبهوا من التداخل .؟.. والقوارير .. والفصفص .. وإذا احد رمى عليك قارورة موية لاترد عليه ولاتناظره انتبه ..
بس نزل راسك وقل ( وع ) .. تدري عاد .. حتى وع لاتقولها أخاف توقف اربع مباريات
جمهور جدة والله احبكم ...........
اخوكم الصغير ابو طلال >>>>>>قصدي اخوكم الكبير .. اخاف بعد يوقفوني اربع مباريات وينقلوني أكتب بمنتدى جمهور الإتحاد بدون جمهور 
م ص خ ر ه  | 