الموضوع: || رابطة عشاق الشياطين الحُمـر || Kings of Premierleague .. Kings of Europe ||
مشاهدة مشاركة بصفحة مستقلة
  #10999  
قديم 30/04/2008, 02:30 PM
Hilal Mu Hilal Mu غير متواجد حالياً
زعيــم مميــز
تاريخ التسجيل: 15/05/2004
المكان: الرياض
مشاركات: 5,989


مبروكين على التأهل

صراحة امس التوتر كان موب طبيعي خصوصاً يوم انتصف الشوط الثاني

لكن الحمد لله وزي مايقول المثل يامدور الهين ترى الكايد احلى

أمس فريقنا كان مركز بشكل خيالي خصوصاً المدافعين والوسط

السير نجحت خطته أحسه يقول بلا متعة بلا هم

أهم شي اخذ دوري الابطال قبل لا أروح

نجم اللقاء كاريك كان قاطع الكور عن البرشا وتمركزه بشكل صحيح وتمريراته صحيحة بالمليمتر ياحبي بالمليمتر

سكولز مدارس

وش هالهدف المجنون

اول مامسك الكورة وانا اقول شوووووووووووووووت وخويي يشجع البرشا يقول لا تشووووووووووووووووت

ناني أمس كان رائع بس لو ركز في كم كورة كان من الممكن نخلص على البرش من بدري

رونالدو أمس ماعجبني ابداَ

أتوقع البلنتي اللي ضيعه الا الان مأثر فيه وكان عصبي وماسكه طقاق

لكن ماينلام طول الموسم وهو في مستوى واحد

فاندارسار يكفيني صدتك لتسديدة ميسي الشوط الاول

حارس يريح اللاعبيين ويعطي الثقة للمدافعين بتواجد فيردي اللي كان كله رفعه يطلعها براسه

فديتش صراحة مأثر غيابه الله ياخذك يادروجبا

أمس أكثر شي كنت أفكر فيه وكنا فاقدينه هو روني

مكانه فاضي واخر الدقايق أقول لو أنه فيه كان قعد يراكض ويلاحق الكور ويكسر

لكن تيفيز ماقصر ناشب لهم في البلعوم

أما الحكاية جي سونغ بارك

يقهرني فيه كنتروله سي جداً

بس توقعي لسبب إشراكه السير إنه يملك لياقة كبيرة وتلقاه في كل الملعب

لا يكل ولا يمل

مبروكين وعقبال الكاس

لكن الحين لازم ننسى ابطال اوربا

ونحط حملنا كله بالدوري وبإذن الله نكسب اللقائيين ونتوج بالدوري وبعدها بالابطال