صباحكم لوز ... وهـ يازينها من نفسيه بعد ... بما ان عندي اختبار بالكليه ولاهوب اي اختبار ... اختبار انجليزي ... بأ أفرغ اللي براسي

واللي مايعجبه تقييمي ... يدق خشمه بطاحونه ... الصدق انا مستغرب ان بعضكم ... ماش ماعجبه مالودا اليوم

والله اشوف مالودا لاعب ومتحرك بالملعب ... يمكن الهجمه اللي تاخر فيها ... وكانت هدف محقق ... لكن مايمنع اننا نبخس حقه (( هذي جامده الكلمتين ))


لكني مستغرب من لامبارد ... تمريرات ولا احلى ... اوفرات قسم قسمات انها مقصيه في وجه بيكهام ع اوفراته وتمريراته ...

لكن مايمنع ان لامبارد ضيع اكثر من هدف ... اشلي يالبى قليبه ... صح انه فحط كم فحطه البارح ... بس لعيون عائله كول

كلش يهون (( صورة ذاك الحقنه اللي مطلع سنونه )) ... مشكله جهازي مايدعم الصور ... عشان كذا جالس اطلع كل اللي بقلبي

من بقى بعد ... ايه باقي صديقي السنايدي ... فيريرا والله يا انا اسعبل معك ... ماشاءالله هو لعب ... هو وجه ... هو اناقه ... هو مرح

في خطواتك ... هاللاعب هذا يذكرني ... بالطالب الجديد ويكون مملوح والطلاب يبون يستغلونه ...لكن بادبه وتواضعه يخلي الكل يحترمه ... لاعربجي ولا غيره


اما سالفه التغييرات ... اهنيك يبو جرانت ع هالتبديلات ... بس تبديل بالاك ... مال امه دخل في عالم التكتيك ... مادري ليش عندي

احساس ... ان البلوز بياخذ الابطال ... لكن مباراة السبت ... ما اعتقد ان المان راح يوقف بوجه البلوز ... خصوصا عقب هالتعادل

وغير كذا يلعب ع ارضه ... لكن عندي توقع نايم شوي وتقدرون تجمدون عضويتي بعد هالتوقع لكن اول مره احس بهالأحساس وهالتفائل

ان فاز الهلال ان شاء الله يوم الجمعه على الوحده .... خذوها من عندي الدوري للبلوز ...

اما ريز1 ... والله تمنيت عقب التعادل يجي فاول لليفر حول منقطه الـ 18 .... اقسم بالله يا احس ان ريز1 بيفتح بـ قناع تشيك شو1رع

اكاد اجزم ... ان يقلب تشيك 3 مرات ع ورى من قو المزعه ... لكن نطحتك بالراس هههههههههههههه والله ولا كلايفرت في عزه مايسويها

والله ياريز1 معطيني دفعه معنويه ... اني انثر ابداعاتي بالأنجليزي ... تحيـ1تي للجميع ... وبالتوفيق