السلام عليكم . اول شئ احمدوا ربكم ان النفس طابت ولا كان ماتشوفون ردي المشــ كله معي واحد بالمسن وقاعد اشكيله حالي يوم يروح الرد ويقعد يضحك لا ومن زد القهر السمايل حقه منكسر سنه  المهم ماعلينا ،، اللي صار صار مرحبا فيك يالهنووف ومرحباً بعودتك يامرحبا ترحيب يكتب بالانـوار ... والنور عم المنتدى مع حظـوره وينتس صرتي غايبه اكثر من شهرين المجلس كله مستاق لك اجل صارلتس اكثر من عشره شهور مانزلتي موضوع حشى ماصار موضوع هذا صار حمل اما هاللرساله اللي تقولين هذولا يايولي ناس مسوين يفعلون خير ياكثر اللي يرسلولي ويقول لازم ترسله لعشره واذا ما ارسلته يبي يموت ولدك وانا يجين شك اقول ارسله ولا لا بس ادري ماعندي ولد واقول لا مانب مرسل ايقالي مصدق اللحين اذا تبي ترسل ارسل بس لاتقول لازم ترسلها ومن هالكلام الفاضي بعدين ابسالتس اللحين انتي اللي مرسله هالرساله ولا جايتك ؟ لان المحادثه هذي انتي اللي مرسله الله يهديتس لاتكونين انتي ترسلين بعد  / اما هالمواقف قسم بالله كلها تعور القلب ،، ياليتتس ماحطيتهن بس انا بالنسبه لي الموقف الاخير ممكن هو اللي ياثر علي اما صلة الرحم فالله يرحم الحال وبس والله يصير شئ مايتوقع !! يعني ابذكرلكم سالفه تعور القلب وبنفس الوقت تضحك ، بتقولون كيف ؟ تعور القلب يعني الى هالدرجه وصل قطع التواصل ،، وتضحك انتم اقروا وشوفوا هذولا اثنين الله يهديهم اصدقاء نرمز لهم 1 و 2 ،، المهم 1 كلم عليه (خويه 3) ويبيه يمره ، راح 1 و 2 لم خوي الاول 3 .. وصلوا يمه وسلموا على بعض طبعاً 2 و 3 اول مره يتشافون يعني مايتعارفون !! يوم عرفهم على بعض 1 وش اطلعوا ؟ طلع 2 ولد خال 3 مالأسباب التي جعلت هذا الشر في مجتمعاتنا؟ لان الناس تناسوا عظم صلة الرحم . وفضله بالدنياء والاخره . هل القطيعة تعتبر حل من الحلول التي تأتي لحل المشكلات بين الأسر؟ لالا لا .. لو كانت مشكله ولا شئ وهذا شئ وارد بين الاسر ممكن تحله بشتى الطرق غير القطيعه ،، القطيعه ليس حل من وجهتي نظري . هل الهاتف يسد عن صلة الرحم والزيارة؟ شئ ما هل مشاغل الدنيا لسبب مقنع لحدوث القطيعة ؟ لا . هذا سبب مضحك صراحه ،، مهما كانت الظروف لازم تصل الرحم والمعذور اللي مايقدر يروحله يعني مشلول وزي كذا بس الطيب المعافى ماله اعذااااااار مثلي انا / العمل الجماعي تمام التمام بس لايصيرون اللي معكم زوله تنق الشقرديه وترتاح ،، والعمل الجماعي لازم يكون منظم وكلن له شغله .. والاهم انك ماتستحي يعني اي شئ يكون بالعمل ،، تطلبه من الجميع مثل الاموال وزي تسذا / اجل رحتوا للشرقيه ،، اخوياي اطلعوا للشرقيه بس انا رحت مع ربع لمكه وزحمه صراحه الشيعه مالين مكه ملي كلما رحنا لفندق قاالوا محجوز لايران قلت والله ماصارت وتاقف على فندق اللي مقابل التوسعه نسيت اسمه يمسونه دار التوحيد =======> من شقه خرابه بالشاميه الى اقوى فندق بمكه والله مانب سهل وغرف الشاميه من ضيق الغرف نحط السراير كل واحد فوق الثاني الهنوووف موضوعتس طويل قسم بالله وعجاز اعقب على كل فقره فلــذلك تقبلي مروري النحيف الحلو اللي مافيه مثله بصدر رحب مـــع السلامه ،، وتاخرت علىا الطلعه بسبت موضوعتس لاني ابرد قبل لا يطير الموضوع 
اخر تعديل كان بواسطة » بريماكس في يوم » 24/04/2008 عند الساعة » 09:47 PM
السبب: مافيش حاقه تجي كدا !!
|