 | إقتباس |  | | |  |
الرسالة الأصلية كتبت بواسطة H U N T E L A A R |  | | | | | | | | | الـسـلام عـلـيـكـم  . . ابـومـحـمـد بـشـرنـا عـنـك
الـشـحـاذة  يـعـلـم الله إنـى قـبـل مـا أدخـل إي مـحـطـة أشـوف فـي نـاس تـشـحـذ ولا لا . . أحـراج اذا مـا مـعـك إلا كـمـن ريـال
تـشـتـري فـيـهـا جـريـدة و بـايـسـن وتـرجـع الـبـيـت إلا و تـنـقـز عـلـيـك وش تـسـوى أو مـعـك 50 مـاسـكـة . . مـوقـف صـعـب !
يـا أخـتـى مـاكـثـر الله بـالـبـلـد إلا الـجـمـعـيـات الـخـيـريـة روحـى لـهـا مـاراح يـقـصـرون مـعـكـي أمـا تـجـلـسـيـن تـحـت هـ الـشـمـوس
بـعـز الـظـهـر عـلـى 10 ريـال والله مـاتـسـوى . . بـالـنـسـبـة لـ مـوقـف الـشـايـب بـ مـسـجـدكـم فـ أشـوف أن الـمـسـاجـد بـيـوت الله
و بـيـوت عـبـادة لـيـسـت أمـاكـن كـسـب أمـوال الـنـاس و أسـتـعـطـافـهـم . . عـن ابـي هـريـرة رضـي الله عـنـه أنـه سـمـع رسـول الله
صـلـى الله عـلـيـه وسـلـم يـقـول " من سمع رجلاً ينشد ضالة في المسجد ، فليقل : لا , ردها الله عليك ، فإن المساجد لم تبن لهذا " | |  | |  | |
هلا والله أبو خالد .. حياك يالغالي .. أبشرك بخير ونعمه يالله لك الحمد ورده
بصراحة ياوليد أحيانا تصير معي زي الي انت تقول .. أصير طالع من المسجد وأشوف حرمه جالسه برى المسجد ومعها ولدها بين يدينها .. أو لحالها .. لكن مايكون معي الي يكفي .. عندي بعض الأمور الي لازم اخلصها بعد الصلاة مباشره وصعب اروح اصرف وارجع وو الخ .. لكن المشكله الي يجيك مخباته مليان من خيرات الله ومع ذلك تشوفه يتثيقل بالصدقه على المحتاجين ! .. حتى وان تصدق وتلقاه منحرج من الناس يشوفونه يمر من عند هالعجيز ولا يعطيه شي .. يعطيه ريال ولا ريالين ومخباته مليان من هالعشرات والصرف والي ممكن يتصدق على هالحريمه بوحده منهن ولاهيب هازه ميزانيته ..
أما بالنسبه لسالفة العجيز .. فـ ماتدري ياوليد .. أصلا هالعجيز يبدولي انه مهب سعوديه .. شلون بتروح لواحد من هالجمعيات ووين تروح ووش تسوي ووو الخ .. كل الي تهتم فيه ياوليد كم ريال تحصله من هالمسلمين تاكل وتشرب منها .. ويمكن تسكن منها بعد ماتدري ! ..
شاكرلك مرورك وليد ورده
| | إقتباس | | | | | |
الرسالة الأصلية كتبت بواسطة هـــ الشماسيةـــلالي | | | | | | | | | |
S U L A I M A N
شكرًا وتقديراً لك أخي الكريم , وبارك الله في كتبت أسأل الله أن يجعلك ممن يدل على الخير
00000
حقيقةً أمام هذه الظاهرة أنا في شدٍّ وجذب ,,
فالعقل والمنطق يقول هناك جمعيات خيرية من الأجدر أن يعرض حالته عليهم وهم يتولون الأمور ويعطونه مقدار حاجته ,,
أما القلب والعاطفة فتقول ماوقف هذا الرجال أمام هؤلاء الناس إلا من حاجةٍ ملحة , وهل هؤلاء الناس ومايعطونه إلا لسد حاجته وبلِّ ريقه ؟! إذ أنه لن يبحث عن الزيادة والاستكثار بهذه الطريقة ,, ولا يمكن أن يقف ويُضيع وجهه ( إن صحّ التعبير ) إلا بعد أن عرض نفسه على الجمعيات ولم يحصل المراد ولم يجني الفائدة ؟! ,
لذا فسياستي مه هؤلاء على حسب مقدرته في جلب الاستعطاف والتأثير , وعلى حسب عاطفتي ومزاجي في ذلك اليوم ,, ولكن خشية من تأنيب الضمير أقوم وأنصح الجميع أن يضع له أمراً مستديماً لدعم الجمعيات الخيرية بأي فرع يختاره كـ كفالة يتيم أو وقف يتيم , أو تحفيظ القرآن , أو صدقة على الفقراء ونحو ذلك ,,
000 | | | | | | |
هلابك يالغالي .. حياك الله وأشكرك على الإطراء .. وأسأل الله ان يجعل الجميع ممن يدل على الخير أيضا ورده
بالنسبه لقضية المؤسسات الخيريه .. فـ ماندري عن المتسولين هل فعلا حاولوا يروحون لها ولا لأ .. ممكن فيه سبب يمنعهم يروحون لهالمؤسسات ممكن حاولوا يروحون وماقدروا يمكن مايعرفون الطريقه ممكن مايبون الا شي يكفيهم هاليوم وبكرى يحله حلال .. وممكن أيضا زي ماذكرت انت حاول يعرض نفسه على الجمعيات لكنه فشل ..
أولا وأخيرا يالغالي .. انت اذا شفت متسول .. ماراح تحلل شخصيته وهل هو عرض نفسه على الجمعيات ووو الخ .. الوضع يجي فجأه .. كل شي يجي جميع يعني .. جاك متسول يبي فلوس ماراح نشوف وضعه هل هو فعلا محتاج هل عرض نفسه على الجمعيات هل هل .. واحد من حلين يانعطيه يانمسك .. لكن في حال امسكنا .. وراح الرجال او الحرمه .. نمسك هالي امسك هذا ونقول ليش أمسكت ؟ اذا قال والله عاد مامعي ومن هالكلام اوكي .. لكن اذا والله خايف على التشخيصه زي ماذكرت في بداية الموضوع .. فـ هنا المشكله ومقصدي من بداية الموضوع ..
شاكرلك مرورك وتعقيبك عزيزي ورده
