الموضوع: سالفتي انا ولاب توبي الخرباان
مشاهدة مشاركة بصفحة مستقلة
  #2  
قديم 20/04/2008, 02:19 AM
الصورة الرمزية الخاصة بـ S K Y
S K Y S K Y غير متواجد حالياً
زعيــم مميــز
تاريخ التسجيل: 30/04/2007
المكان: الـريـاض
مشاركات: 10,811
إقتباس
هاااذ الله يسلمكم جاان الكرم والحنيه على غفله وعطيت الاب توب لأخوي الصغير يلعب فيه


وش هالكرم والحنيه .. والله لو يطلبني اخـوي الاب توب لـ اشوته باص عيون أدخله كبري في أقرب واحد عندي
مابقى الا سود الأيام تحرمني الرقاد .. < شطحه
مابقى الا البزارين يستخدمون الاب توب
يومنا صغار نحلم نشوف لاب توب على الطبيعه لو من ورا القزاز .. يجيني هذا ويتمتع بطفولته عندي لا لا معصي .. سيكل ابو 3 كفرات ويخب عليه
واذا صار الولد المدلع حق البيت نجيب له كمبيوتر العائله .. الأحمر بعد مو الأزرق على شان الاحمر أرخص في ذيك الأيام
<< متحجر


إقتباس
رحت توضيت وصليت وصلحت لي سندوتشه وكأس شاهى عشان امخمخ على النت


ناس تصبح على سندوتش وكاسه شاهي وناس تصبح على كيس فصفص وعلبه ميرندا .. غدت شفايفي كنها كفر مبنشر

إقتباس
وجيت بروح لأخوووي اسئله وش اللي صاار بس لقيته نايم قلت اوريه خليه يقوم واتفاهم معاه


الاب توب مكسور وخليتي اخوك نايــم ؟؟
والله لو انا مكانك لـ امحطه بالنبيطه حقته اخليه ينتع وهو يقوم .. اجل كاسر الاب توب ويتهنى بالنوم معصي والله بس الظاهر اخوك هذا المدلع حق البيت
دايم كل بيت يطلع فيه واحد مدلع وواحد داشر وواحد دلخ كل يوم يتسطر حتى لو ماسوى شي ههههه

إقتباس
يووم رجعت الظهر والقاه قاام قلت له وش اللي صاار قال انه طااح مني غصب علي


كان سددتي له واحد كف على عينه وقلتي معليش يدي طاحت غصب عني << يحرشك على اخوك

إقتباس
كل يوم اشحذ كمبيوتر احد مره ابوي ومره امي


أحلى امك عندها كمبيوتر
تصدقين مره كنت جالس جنب امي .. وضغطت أمي زر Esc بالغلط وتسكرت الصفحه .. قلت لها خرب الكمبيوتر .. بغت تصيح تقول لي معليش ياوليدي مادريت .. كم قيمته ؟؟
ياحبي لها أميمتي

إقتباس
وماجيت الايوم الجمعه واشغله يمكن 7 ساعات متواصله بطلع حرتي فيه


بس 7 ساعات ؟؟ .. عذبتيه
تدرين عندي الاب توب يشتغل يومياا تقريباا 13 ساعه متواصله .. ااطلع وأروح وهو شغال لأن شغلي على النت متقطع اجلس ساعه وأرجع نص ساعه واخليه .. مافيني كل ماجيت شغلته يعني ارجع وألقاه شغال جاهز على المواقع اللي ابيها
والجهاز المكتبي يشتغل بالأياام .. يعني يجلس يومين ثلاثه متواصله لأني أشتغل عليه تحميل تورنت 24 ساعه وتحميل مباريات وكلام كبير وبعض الأحيان يتلقف عليه أخوي الصغير ( رابع إبتدائي ) ويدخل شبكه الزعيم يشيك على أخبار ياسر والشلهوب < ازعجونا ذالمبزره بياسر والشلهوب ( وعدته اذا نجح من سادس بتقدير ممتاز أسوي له عضويه وأخليه يشارك ) < هدايا الجيل الجديد

إقتباس
ايه ذكرت سالفه ثانيه بس بعدين بموضوع ثاني


لو يطلع فيها أخوك ترى بتوطى في بطنه < حاقد عليه

،،

الاب توب هالأيام صار ضروري واللي يستخدمه مايقدر يتركه حتى لو عنده جهاز مكتبي لأنه مريح وتقدر تنقله لأي مكان في البيت ( تغير جو )

شكرا على القصه الممتعه وتقبلي ثقاله دمي < اليوم رايق بثاره معليش
اضافة رد مع اقتباس