القصير رهيب ورده

إقتباس الرسالة الأصلية كتبت بواسطة القيصر رهيب سبحـــان الله الأحد و الاحده مايرتاحون إلا فــي بيـــتهم ,, قلبي تولع بالرياض حب ورثته من الجدود ياصفحة ناصعة البياض حبك أبد ماله حدود ,,

طيب يمكن الاثنين والاثنينه مرتاحين


ما اقول إلا زي كل ابو دايم :
آآآآآآآآآآآآآآآآآآآآآآآآآهـ يالرياض

مشكور اخوي القيصر ع المرور ورده


..
..

هلاليه سنعه

أي مواسم
لا الله يرحم والديكـ
قولي ع الاقل تعوضونها بالايام المقبله أو الاسابيع أو الشهور
لكن مواسم لااااااااااا حرام عليكـ
انتي بتذبحيني كذا

إقتباس الرسالة الأصلية كتبت بواسطة هلاليه سنعه انا هين من حيني يومني صغيره منيب احب السياكل طموحي دباب بس ماتحقق الا مرة وحده وعقبها لالسياقة الحريم .. كنت احب السكيتي والتزلج في ربوع الحوش ومغير اتمسك بالجدران وزياده على كذاصعارير على كيف كيفتس

لا زين أثر أنا طموحي صغير وأنا مدري

تعيشين وتاكلين غيرها

إقتباس الرسالة الأصلية كتبت بواسطة هلاليه سنعه اما على الاكل هذا مشكله نبي شئ سهل ويشبع بنفس الوقت بس والله فيه اكلات كثيره خفيفه وسريعه اذا تبين لطشت لتس من المفضله اللي رحمتهن ينتظرن من يزينهن وادزها لتس بالخاص ..

على ايدتس
عطين كل شيء

إقتباس الرسالة الأصلية كتبت بواسطة هلاليه سنعه ثانكس خيتو على المووضوع اللي عيشنا اكشن يعطيتس العافيه ورده ..

لا ثانكس على واجب

ربي يعافيكـ يالغلا


..
..

الهنوووف

إقتباس الرسالة الأصلية كتبت بواسطة الهنوووف هلا وغلا بالي تحبنا

أحبتس واحب امتس وابوتس وخوالتس بالمختصر أحبهم جماعتتس
<< علوش على غفلهـ

إقتباس الرسالة الأصلية كتبت بواسطة الهنوووف مايقهرني الا هالشباب اذا قالوا كل شي للعوائل

أنا (كان) ودي اتكلم عن ذي
بس قلت كفايه العيال شوي ويصفقوني من كثر ما اسوي مقارنات بيننا

إقتباس الرسالة الأصلية كتبت بواسطة الهنوووف والله حنا البنات مثل الشباب ويمكن اردى مافي مكان نروح له اسواق ممله وزحمه وازعاج وتعور الرجلينطويله

هذا اذا طلعنا من البيت أصلا
من بيتنا لبيت يعني (عزيمهـ)

إقتباس الرسالة الأصلية كتبت بواسطة الهنوووف

إقتباس الرسالة الأصلية كتبت بواسطة الهنوووف بس حاولي ترتبي غرفتك دولابك

والله لو اجلس ارتبها يبي لي دهر
المشكله ارتب اليوم العصر مايصير المغرب إلا كل شيء حوسهـ مرهـ ثانيهـ

إقتباس الرسالة الأصلية كتبت بواسطة الهنوووف نزلي موضووع واجلسي بربسي فيه

احس مليتوا مني من كثر مواضيعي
كل اسبوع رازهـ موضوع
وحتى ليتهـ موضوع دسم وإلا حلو
كل واحد أردى من الثاني

إقتباس الرسالة الأصلية كتبت بواسطة الهنوووف اذا تحبين الطبخ اطبخي بس ماظنتي

أمممممممممم
ممكن أحب الطبخ

بس وش اطبخ
هنا المشكلهـ

إقتباس الرسالة الأصلية كتبت بواسطة الهنوووف واحسن حل ان الواحد يتكيف مع وضعه عيشي جوك لو كنتِ متضايقه اخلقي لك جووو وتنبسطي

أنا متكيفهـ مع وضعي منذ مبطي
بس خلاص مليت من وضعي ابي اغير

إقتباس الرسالة الأصلية كتبت بواسطة الهنوووف والرياض واهلها يحبونك واحلى شي لما نرجع ونشوف المملكه والفيصليه نحس اننا بالرياض

ياحبي للرياض وأهلها

أحس باحساستس هذا
يازين وانتي مقبلهـ على الرياض تلقين بخشتس الفيصليه والممكله
وربي ينشرح صدري
يجيني شعور غرييييييييييييييب

إقتباس الرسالة الأصلية كتبت بواسطة الهنوووف مشكلتك مشكله مع الرياض بس اقترح تتزوجين واحد من عندنا بس اخاف تكرهين الرياض لان المتغربه عن اهلهااا تكره الديره الي هي فيها حتى لو كانت تحبها

انتي خلي الرجل يجي ويحلها الحلال انا اكرهها وإلا لا
بس ما ظنتي


هنوفا شرفني مروركـ قلبو



..
..

هامور البورصة ورده

إقتباس الرسالة الأصلية كتبت بواسطة هامور البورصه ابي أفهم انا انتي تبين الريااض ولا تبين تصيرين بدوويه

والله ان حصل كلهم ما أقول لا

بس اذا كان فيها اختيارين بس
فأفضل الأولى لان قلبي تولع بالرياض

إقتباس الرسالة الأصلية كتبت بواسطة هامور البورصه يا بنت الحلال وش تبين بالرياض حر وزحمه وقلة حياء قسم بالله لو بيدي اهاجر من بكره اهااجر مافيها الا السماجه بس تبين الصدق ما اسمج من الريااض الا قصيمكم نفس الشي القصيم وش فيه بعد

هذا أنت سألت وجاوبت على نفسكـ
عشان كذا ابي اروح للرياض لاني أحووووووووووووووبها

إقتباس الرسالة الأصلية كتبت بواسطة هامور البورصه بعدين الحين انتي مافيه امل تغيرين هاللون يعني جد والله لون تكارنه غيريه لو مره حطي موف عنابي شي يعني بناتي مهوب تغيرينه تحطينه فسفوري

تدري وشو الامل اللي ممكن يخليني اغير اللون

هو اذا رحت للرياض
نذر علي إن رحنا للرياض اني اغير لون خطي وأحط اللي تبي

بس انت ذكرني اذا قلت لكم رحت للرياض
قل لي غيري اللون

إقتباس الرسالة الأصلية كتبت بواسطة هامور البورصه على العموم والله اني احب امزح معك وياليت ما تزعلين مني يالمشكلجيه

وش عند الاخلاق نازلهـ عليكم كلكم هاليومين
ترى ماتصلح تصير مؤدب انت الثاني بعد

لكن انا لو إني ازعل عادي اقول لكـ بوجهكـ
لان ماهنا أكبر من وجهي أنا وسيييييييع بقوة



الحين كل هالوجهـ السموح اللي يتقوطر برائه وتقول مشكلجيه

إقتباس الرسالة الأصلية كتبت بواسطة هامور البورصه والله استانسة وانا اقراء موضوعك ع الاقل اخذ وقت من هالعصر مع ان مالي نفس ادخل النت شكراً حتى ظلالي هلالي ،،ورده،،

وهذا يشرفني والله ويسعدني ورده

العفو هامورنا ورده
شرفني مروركـ

..
..

هلاليه سعودية

إقتباس الرسالة الأصلية كتبت بواسطة هلاليه سعودية .... .... ياحليلك ياحتى ظلالي هلالي يوميات شيء صراحه رحمتك حولي في أهل تروحي حتى لو خميس وجمعه للرياض وأن شاء الله يوافقوو تروحين (لا حياة مع اليأس ) تقبلي مروري : هلاليه سعودية .... ....

يا حبي لكـ انتي

حتى الهندي اللي بالشارع يرحمني
الشكوى لله

هو انا ماحاولت إلا نروح خميس وجمعه مافكرت بأكثر
لكن للحين ماطنت بالرووس

استعدني مروركـ هلاليه