بعد قصيدته الأخيرة في شاعر المليون ... خلف مشعان يرد على ابن فطيس !!!
ماني بمن ياتي على شان يدرون= انا الذي يدرون به قبل ياتي
نجمي سطع من غير بيرق ومليون=قليل في جيلي يسوي سواتي
ماجيت اهايط بس لا زم تعرفون=مازعزعت بعض السوالف ثباتي
لو شلت في قلبي مثل مايشيلون=ماكانت الطيبة من ابرز صفاتي
يامحمد ابن فطيس وش فيك مشحون=مااخطيت يوم اني حسبتك لقاتي
ابي اطفي الفتنه وابانشدك وشلون=اسلم من الضيعه واجمع شتاتي
الناس معها عقل ولسان وعيون=وقدامهم كزيت يمك وصاتي
ماجيتك ببيتٍ مع الشعر مدفون=جيتك على وضح النقا ياغناتي
ماني من اللي في قفا الناس يحكون=عيب على ألحق خويي حصاتي
اللي لياقفّيت عنهم يهدون=ماهم بكفو لرجعتي والتفاتي
سكرت اذاني عن وكالة يقولون=وذكرت لي بيتٍ يفسر سكاتي
الله يجيبك من بعيدٍ اليا دون=والله يحطك باللقا من تلاتي
للأستماع الى القصيدة صوتياًhttp:///Download/75468...-----.amr.html