ياشاعر الميون : ( الشعر .. دمه .. والفصيلة .. سعودي ) !
إهداء بإسم الشعر للشاعر ( ناصر الفراعنة ) وأخيه الشاعر ( عيضه السفياني )
ياشـاعـر المليـون هـَـوَّد .. على هُون ××× الشــعـر دمّه والفصـيله سعودي
أصله وفصله ياهل العِــرْفْ تـــدرون ××× المملكة واهل البيارق شـهـودي !!
حِنّا هــله ! فَََـتـْلْ وتــواصــيف وفـنون ××× وحنا الفوارس من زمان الجدودي
روح وجسد واحساس واوزان وعيون ××× وفــكرٍ ومعنى كلّها في حــدودي
شـواهــد وماهـي تخـاريـص وظنون ××× ومــدارسً .. كلٍّ يجــيهـا ورودي
قـبيــلةٍ وحــده ! تحَــتْ ظِـل مامــون ××× رايـة هـل التـوحـيـد آل السعودي
والا انت يـاراع المـلايـيـن مـرهــون ××× بالدرهم اللي " ناقصٍ" لو يزودي!
ما دامها بـ..(اللًّتْ والعجن ) والهُون ××× والعنصـرية والتعصّـب .. وقــودي
لا ردّه الله بـيـرقٍ خـان .. ويخــون ××× من عام الاول والخيانة تسودي !
يانـاقـته !! قولي له الشعرممنون ××× لولاك فـيهـا .. وَرّدوه اللحودي !!
قولي له ارفع صوتك الناس يصـغون ××× غَنّ الهجيني .. يم دارٍ تجودي
قِلْ .. ياوطن ! وابشر به بكل مضمون ××× تستقبلك واخوك " عيضه" وفودي
أختكم ( المملكة )
3/4/1429هـ