10/04/2008, 01:11 AM
|
| زعيــم متألــق | | تاريخ التسجيل: 14/07/2007 المكان: عريس البحر الاحمر
مشاركات: 1,224
| |
هلا والله ولد عنزة ..
والله ياخوك التميمي يستاهل وهو شاعر يستحق ..
لكن انا ما فقع كبدي الا عامر بن عمر والكعبي .. وشلون يصيرون في المراكز اللي اخذوها ..
والله لو يجي خلف المزروعي براسه .. ويحلف ان نتيجة التصويت كانت كذا .. ما صدقته  ..
عموما ..
ناصر والتميمي شعراء كبار بقلوبهم ورجال قبل لا يكونون شعراء ..
والدليل التميمي وسلامه على ناصر بعد الفوز مباشرة ..
انا ما رديت على الموضوع بسبب هالكلام ..
انا رديت بسبب توقيع الحبيب " فزاع الاجيال " .. اوكي ..
افتخر بقبيلتك مثل ما تبي .. ان شاء الله تحط اسم القبيلة وشم بجبهتك ...
هذا شيء يخصك ..
لكن ما لك حق انك تتعرض غيرك .. او تلمح حتى لو بالهرج .. وكلنا فاهمين .. لأن الدلوخ والدروج هالايام هم من يظن انهم يستغفلون العالم وانهم ماهم فاهمين عليهم ..
تماما مثل القائمين على البرنامج طيب الذكر ..
ما عندي وقت اضيعه اني اقعد معك في اخذ ورد عن قبيلتك وعن اولاد عمك .. والا عن قبيلتي ..
اللي ما يحترم الناس .. لا ينتظر الاحترام منهم ..
بلاش شغل الهمز واللمز ..
واذا بينك وبين شخص شيء معين ..
خل التفاهم بينك وبينه .. وخل الملك فهد يستريح .. ووش سوا ووش فعل ..
قفلة ..
الى الاخوان اللي دائما يفهمون ويعرفون احنا وش نفكر فيه ..
بلاش شغل التفسيرات اللي على كيفكم .. مهوب كل ما اتفقوا اثنين او اكثر في رأي معين ..
يعني انه شللية وهالخرابيط ..
ما رديت المرة الماضية .. لكن عارف انها راح تتكرر ..
لأنه واضح انه كل تصرف يفسر على حسب الشخص اللي يصدر منه .. والمفروض انه يكون فيه نظرة واقعية ..
سواء لهالموضوع او الموضوع اياه اللي وصلتنا الرسالة اياها تتكلم عنه ..
ما كان ودي والله اني ارجع بعد هالوقت برد مثل كذا ..
لكن مدري وش عاد ورى الدحديرة ..
الله يرحم صاحب المثل .. كان عطانا شيء نقوله .. لكن خل القلب يحزن ..
مشكووور اخوي ولد عنزة ورده ..
ومعليش على الشطحة ..
|
