| أول شي هاردلك لكل هلالي .
وأعتقد إن الأجواء اليوم لها تأثير كبير على اللاعبين . يعني نقول الحمد لله على التعادل .
وبالنسبة للفريدي أعتقد إن مشاركته في المباراة غلطة كبيرة من كوزمين وحتى الدوسري اليوم ماظهر بالمستوى المطلوب.
وياسر اليوم مادري وش فيه يعني معقولة غيابه عن الدوري أسبوع دمر مستواه لهالدرجة ؟؟؟
وأعتقد اليوم كوزمين كان يلعب على التعادل خصوصاً في هالأجواء .
وأنا دايم أقووووووووووووول إن الهلال إذا لعب وهو يبي التعادل راح ينهزم وشفنا اليوم فرص الشباب بالجملة بس الحمد لله الدعيع الله يطول في عمره ويعطيه ألف عافية متألق في المرمى .
وبالنسبة للجمهور أشوف إنه أكثر من جيد جداً ماقصرو حضروا وساندو الزعيــــــــــــــــــم .
وإن شاء الله الوعد في جدة يا إتحاديين .....
اليوم نقدر نلتمس العذر للهلال نقول ياسر ماتأقلم مع جو المباريات نقول المطر له دور كبير في النتيجة نقول إستعجال المدرب في إشراك الفريدي والدوسري نقول ونقول بس أعتقد النهائي مع الإتحاد الزعيم ماله أي عذر إنه يضيع الدوري وخاصة إن الدوري ضاع من موسمين متتاليين وبنتائج كبيرة و هذي تعتبر مباراة ثار بعد ماخذو الدوري منا في الموسم اللي راح .
ويله يانجوم الزعيــــم فرحونا يوم الأحد .
الزعيم × الإتحاد
2 1
بإذن الله إن الفوز للزعيــــــــــــــــــــــــم .
اخر تعديل كان بواسطة » السلطاني في يوم » 10/04/2008 عند الساعة » 04:15 AM
السبب: تعديل شكل الصفحه
| 