كبيـر يـا ناصـر وقـدرك مثـل ميقافـك كبـيـر

بالله .. لا يزعلـك تفريـط الـعـرب وافراطـهـا

إن شفت خير ابشر بخير .. إن شفت شرّ ابشر بخير

كـم هجمـةٍ حسنـا مخططـهـا وتــم احباطـهـا

وليـا وصـل حـد التلاعـب بالامانـه والضمـيـر

ماننـزل لمسـرح دنائتـهـا وقـبـح اوساطـهـا

مـن فجّـر الذمـه بكلمـة زور ومجامـل أمـيـر

مـا ينفعـه يـوم القيامـة ضحكـهـا وهياطـهـا

من عـاد يوفـي فـي الإدارة دام خاينهـا المديـر

خـلاص ملينـا مـن ارياهـا وكـثـر خراطـهـا

حسبك من الدعوى شرف .. وأنته شريف وهو حقير

تفـدى مواطيـك الخبـول اللـي تـعـدّ نقاطـهـا

والله ما زدنـا بـك الا حـب ( يالبحـر الغزيـر )

يـوم انهـا حـدت مشارطهـا وشــاط شياطـهـا

خبيـر يـا ناصـر ولا تبغـى شهـادة مـن خبيـر

كهـرب قصيدتـك الاخيـرة شـب فيهـم واطـهـا

نجمك سطع بين النجوم وصـرت بالشهـره جديـر

فكـرك حـوى ذرب العلـوم وصاغهـا واحاطـهـا

خلـك علـى دربـك وحنـا معـك للخـط الاخيـر

قـدام لا تستكمـل السـاعـة جمـيـع اشراطـهـا