| أنت تدري وش مشكلة الفريدي؟!
الفريدي صار يفكّر بالكلام اللي ينقال له أكثر من " العمل وتطوير نفسه " !! ما ألوم " لا بندر بن محمد ولا محمد بن فيصل" !! لأن اللي قالوه " كلام أب لابنه " و " أخ لأخيه " !!
أجل إذا قال الأبو لولده .. إن شاء الله تكبر وتصير " طيار وإلا مهندس" !! هذا معناه إنه " خسف فيه الأرض" وإلا رفـّع به !! الوالد أدّى دوره التحفيزي !!
الجهد الأكبر " على الابن" !!
يعني الفريدي .. بهالعمر !! المفروض إنه " يعمل موازنة بين ما يقال " و بين " يشعر به فعليا " !!
مشكلة الفريدي " الانشغال بهالكلام عن "الواقع" !!
ولو اتجه الفريدي " لأقرب نجم له في الفريق " راح يجد عنده من الخبرة !! ومن الوعي !! ومن التثقيف المجاني .. الشيء الكثير اللي راح يفيد " الفريدي" وراح يخليه يسلك الطريق الصح !!
يعني بتقنعني إن الفريدي ما يدري " إن الغرور نهاية اللاعب" !!
والبرود " مقبرة المجتهد " ؟! و التعالي " أكبر وأحمق وأغبى غلط يرتكبه اللاعب" !!
إذن الجهد على الفريدي نفسه !! والجمهور ما يبي من اللاعب إلا إنه ( يلاقيهم بوجه بشوش ) !! موب عافط وجهه اللي يشوفه يقول " روني " !!
وباااارد اللي يشوفه يقول " معلق له هدفين .. وأدّى اللي عليه ويبي يريّح شوي " !!
هنا المشكلة !!
ودور الجمهور " يبيـّن له الصح من الغلط " !!
ودورنا نثقف " المشجع العادي " بكيفية انتقاد اللاعب بدون "تبعية عمياء" !! وترديد كلام الغير !!
عندك " ملاحظة اذكرها " !! كلام عام ما نبي !!
ودورنا أيضا .. نوصّل رسالة للاعب .. مستحيل يجمع الجميع على " حبّك أو الاعجاب بك " .. سامي " ودّع الملاعب " وفيه ناس إلى الآن .. يحاولون الإساءة له !!
إذن (المهارة الفنية للاعب ما تكفي ) !! اللاعب يجب أن يكون لديه (مناعة وفلترة .. فيأخذ النقد أنه أداة للتقويم وتعديل الانحراف ولو كان يسير !! ويأخذ الإطراء على أساس إنه " ردة فعل " الجمهور تجاه ما قدمت " !! لأن الجمهور ( هو الترمومتير للاعب ) !!
والناس ( ودهـّا تشاهد " روح " موب كتلة تتحرك " الجمهور يبي اللي يقاتل على الكورة !! يحارب للوصول لها .. يتعب عمره ) !! وشف ردة فعلها !!
وبما إن " محمد الدعيع !! وخالد عزيز !! والشلهوب !! وغيرهم من النجوم الكبار اللي تعرضوا لضغط وقدروا يتعاملون معه بحزم " !! ليه ما أخليهم " مرجعي " لأنهم نجوم "حقيقيين " !! فإذا ما استفدت من تجاربهم وخبراتهم !! فالذنب ذنبي !!
نقدر نناقش ( أحمد ) ونعلمه الصح من الغلط !! وفيه نجوم توجهه .. لو بغى !!
لكن ( الجمهور ملاييين ) .. مستحيل " نتحكم بأهوائهم وبطريقة تعاملهم من الأحداث " سواءا اللي تهم لاعب أو نادي بكبره !!
-----------
فالنجم هو اللي يصنع نفسه بنفسه !! ولازم ينمي جانب " الحصانة " والجمع بين " الانتقاد الحاد" وأخذ المفيد منه وترك خراط المبزرة لهم !! وبين " الإطراء الزايد عن اللزوم " !! لأنه (نهاية اللاعب إذا صدقـّه) !!  | 