04/04/2008, 01:17 PM
|
 | استشاري سابق للرياضه العربيه والعالميه | | تاريخ التسجيل: 04/08/2005 المكان: الظهران
مشاركات: 8,260
| |
السلام عليكم
شباب ما يصير الوضع كذا ليه الرابطة نايمه
والشي الثاني حرام اتعب واترجم 8 اخبار ولا احد يعقب على اي خبر 
ونفس هالشعور تتعرضون له اذا ترجمتو خبر ولا احد عقب عليه
انا ما ابي احد يشكر والا يمدح ابي واحد يعقب على الاخبار
عتاب صغير لكم وانا اولكم 
بخصوص الاخبار لا احد يدقق واجد لانه ابريل
وهالاجانب عندهم عادة ابريل انهم يفقشون فيه على راحتهم
امحق عادة 
الوكاد ان فيه ناس عندنا معتبره كل السنة عندها ابريل من كثر الفقش
المهم انا راح اعقب على الاخبار اللي تحس فيها مصداقية شوي
×××
خبر بوفون مهم جدا واتمنى من الادارة انها تريحه لاخر الموسم ولا ينعدم مثل كامورانيزي
اي نعم الدكتور ابخص والمدرب ابخص بس وجهة نظر
ما ودي نخسر جيجي وخلو بيلاردي وجه البومه ياخذ فرصة اكثر
×××
والاهم هو طلب رانييري للثلاثي المرح وياليت يجي ميرانتي لو فانرتنتستس ( اسمه غبي ما اعرف اقراه ) وده يرجع لبلده
لابد يرجعون هالمبزرة وياخذون العلوم من حقين الخبرة اللي في جوفنتوس ويتبرعون لهم بشوي DNA لين يتفشى فيهم
يعني يا زينها لو الادارة جابت صفقات جديده + المبزرة يرجعون , ولع يا يوفي نار 
×××
ارجع لخبر رونالدينو ويمكن الكثير يعتبره كذبة ابريل لكن تذكرت العام الماضي , فيه خبر ان رونالدو ( الضرس ) بيترك مدريد وبيجي لليوفي , ومربط الفرس هي شركة نايكي اللي بتتكفل بجزء من الصفقة
اليوفي ترعاه نايكي فيمكن تقط معهم برونالدينهو لو صح الخبر
وصراحة , ودي يرجع اليوفي لطريقة لعبهم ايام زيدان
صانع لعب صريح ومساعد له ومحورين
لكن من يغطي مكان زيزو ؟ رونالدينهو ما اتمناه لانه مزاجي وحقق كل البطولات . دييجو كتيير مهضوم لكن ريال مدريد الكاشات مهوب مخلينه الحاله
فان در فارت يظل الاكثر قربا لجوفنتوس وان شاء الله الحبايب الغاليين فالنسيا ما يتأهلون علشان يصفى لنا الجو
×××
الظهير الايسر اتمنى فارجاس وقروسو سوا لان جروسو شايب ( 30 سنة ) يعني ماراح يعطيك واجد , لكن ابرجع باخر الرد لمولينارو
تسلمون خالد & عبدالعزيز على الاخبار وما قصرتو يا قيادة الرابطة
×××
طيب انا خلصت الفلسفه وانتهيت <== يا حبي للفلسفه
وارحب بكل اللي يبغى يناقشني باللي كتبته فوق
واختم الرد بهالشي
هل تتوقعون ان مولينارو راح يكون ظهير ممتاز ؟ يعني هل راح يغطي عيوبه ويتطور ؟
هل فيه قابلية للتطور ؟ عني انا ما ادري ليه بديت ارتاح واحس انه لو يطول شوي راح يبدع , ليه ما ادري !!
تذكرت خالد عزيز اول ما لعب بالهلال ايام اديموس كان ادج واحد والجماهير تصفر ضده واذكر مباراة للهلال × الرائد في كأس ولي العهد في العصر كانت الجماهير تقول ( عزيز عزيز ) يعني تهتف وتشجعه والخدف طناز فيه وبلعبه
وبعدين تحول عزيز وبقدرة قادر الى افضل محور في المملكة
هل تتوقعون ان مولينارو فيه مواري تطور ؟؟؟؟؟؟
لكم المايك |
