بصراحه اتعجب ياجمهور الهلال صرنا نفرح اذا قدم الهلال مستوى!!!
والهلال اصلاًغريب عنه ها الشي ؟؟؟

الغريب ان الهلال مايقدم مستوى....ذا الشي الغريب ....

اما كونه ابدع فهذا هو الاساس.... هذا اولاً

أما الشي الثاني الي ابي اقوله للأخت مملكه.

هل يحق لنا ان نحكم على المستقبل بنظرة الماضي؟؟؟

صحيح لكل انسان رأي خاص فيه بس لا حضي( خاص فيه) يمكن يلقى من يأيده في ها الرأي وألاكيد انه بعد بيلقى من يخالفه في رأيه.

المهم وش الهدف من طرح الرأي او الفكره...
الاكيد ان الهدف هو المصلحه العامه للهلال ومن ثم لعبدالله الجمعان او اي لاعب غير الجمعان ويمثل الهلال ...
وكانت انتقاداتك تجاهه سليمه100% ولكن مو في مباراة العين .....بالعكس قدر الجمعان في هذي المباره انه يتفادى ها العيوب الي كانت فيه وشي رائع ان الاعب يقدر يعرف عيوبه ويتفاداها.

و لو لاحظتي ان سبب ابداع نواف وكانشليسسكي في هذي المباراه بعد توفيق الله هو عبدالله الجمعان بسبب فتحه الطريق للاعبين الوسط بسحبه لأكثر من مدافع معاه وتخفيف الضغط والتركيز على لاعبين الوسط المتقدمين من الخلف وذا واحد من عيوب الجمعان السابقه الي ذكرتيها قدر يتفاداه..
(وهوالحركه بدون كوره وانه ينتظر الكوره لين ماتجيه)

(العيب الثاني الي تشوفينه وهو انه مو قادر يسيطر على الكره)
انتي لو لاحظتي زين كان شفتي ان الجمعان يعتبر اكثر لاعب هلالي تعرض لضغط وذا بسبب انه لوحده بالهجوم بين اربعه الى خمسه من لاعبين الدفاع والوسط المتأخرين لفريق العين ومعا كل ذا الضغط الرهيب قدر يستلم الكوره ويسلمها بكل دقه اما للشلهوب او للتمياط وخير دليل كانت ظربة الجزاء الغير محسوبه ولاحظي وشلون قدر يستلمها من التمياط وسط مضايقه كبيره ويثبتها لا وقدر يلف جسمه بعد لولا انه تعرض لأعاقه ... عمل جبار بصراحه سواه الجمعان في خمسه وسبعين دقيقه
ولا تنسي ان الجمعان كان موقوف ....

انا بصراحه ماقول انا الجمعان هووحده سبب ابداع الهلال... في هذي المباراه بالعكس الفريق كان بأكمله مبدع من خط المرمى الى خط الهجوم كل لاعب قام بدوره وكل لاعب كان مكمل للاعب الاخراكيد اننا نطمح للأفضل لأننا نعرف ان ها النجوم عندهم ابداع اكبر من الي شفناه والجاي ان شاء الله احلى واحلى....وأما الاهداف فهي توفيق من الله... بس الفريق كان ككل كتله واحده متماسكه... ومن الظلم اننا ننكر مجهود لاعب ..الجمعان مثله مثل نواف مثل سامي مثل الدعيع الشلهوب احمد خليل.....الخ. كل من لعب لهذا الكيان الشامخ كل من مثله هدفه هو خدمت هذا الكيان.

احنا الواجب علينا نقول للمحسن احسنت وللمسيء اسأت.....واننا نحاول نشجع كل من حاول انه يحسن من نفسه....

اتأسف جداً جداً لك اختي المملكه ولكل الاخوان المشاركين على ها الاطاله

وبالتوفيق للزعيم ولنجوم الزعيم ومحبينه ومن بطوله إلا بطوله بأذن الله ....