إقتباس الرسالة الأصلية كتبت بواسطة skroo س\ غادر يوفنتوس بعد الهبوط 6 لاعبين ( كنفارو - ايمرسون - فييرا - زامبروتا - ابراهيموفتش - تورام ) برأيك الشخصي , من كنت تتمنى بقاءه ؟ ياليت ترتب اللاعبين حسب الاهمية مع شوية فلسفه

أهلا وسهلا خيو skroo

برتب في البداية اللاعبين بالأهمية من الأهم إلى الأقل أهمية:
1- زامبروتا
2- ابراهيموفتش
3- باتريك فييرا
4- كانافارو
5- تورام
6- ايميرسون

الأسباب:
زامبروتا الغائب الأكبر

ظهير أيسر وأيمن في نفس الوقت انطلاقاته سريعه وبنيته الجسمانيه قويه
مره تلاقيه يساند الهجمه ومره يرجع للدفاع
يعطيك اوفرات انت وضميرك
والجهة اليسرى (الظهير الأيسر) اليوم في اليوفي تقدر تقول عنها شبه معطله
خصوصا إن هجمات مولينارو في الجهه اليسار خجوله جدا
حتى أن رانييري اللي ما يفهم حس بالوضع وصار يحط قريقيرا ظهير يسار



ابراهيموفتش
في مباراة غاب فيها تريزيقيه وياكونتا مره وحده ابتلش رانييري من يحط هجوم!!
فحط ديل بييرو وجمبه بالادينو اللي يلعبه في مركز الوسط !!
أنا أستغرب من رانييري كثير إذا يحط بالادينو في الوسط..
يعني عنده تخمه في لاعبين الوسط
صالح حميدتش كامورانيزي ماركيوني بالإضافة لنتشرينو وتياغو اللي ممكن يسدون هالخانه في حالة غياب واحد من الثلاثه السابقين
مع ذلك رانييري يقحم بالادينو في مركز الوسط مع وجود الثلاثة لاعبين هذولا وهم من أفضل اللاعبين
بالإضافة إلى أننا ما عندنا إلا مهاجمين اثنين فقط صريحين والثالث يلعب خلف المهاجم تقريبا!!
افتقدنا لإيبراهيمو لأنه لاعب قناص وسريع وصاحب مهارات فرديه رائعه
وديل بييرو في بعض المباريات ما تسعفه لياقته لإكمال باقي المباراة بالإضافة إلى الإصابات اللي تحدث للمهاجمين أو الإيقافات.


باتريك فييرا:
لاعب كبير وتحطه في نص الملعب تحس براحه طويل القامه واي كوره طويله يقطعها وتدخلاته ممتازه
في النصف الأول من الدوري كنا نفتقد للخانه هذي ولكن بعد ما جاء سيسوكو أظن مع الوقت راح يتأقلم مع الدوري الأيطالي ويكون مثل فييرا وأفضل خصوصا أن سيسوكو عمره 22 سنه


كانافاروا وتورام وايميرسون في بعض المرات انديتهم اللي راحو لها ما يلعبونهم أساسيين باستثناء كانافاروا والحمدلله دفاعنا جيد أشوفه وخاصة مع رجوع آندرادي.