نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

ابوكاب911 · #163 31/03/2008, 01:24 PM

إقتباس

الرسالة الأصلية كتبت بواسطة شوت ياهلال


	والله للأمانة موبايلي مستحيل توصل ولو لنسبة 15% من جودة الاتصالات السعودية وخصوصاً في التعامل يعامولننا كأننا نشحد ياحبيبي موبايلي مو قايمه الا على فلوسنا وش هالمعاملة , انا ولله الحمد كنت بحول خطي تبع الاتصالات الى موبايلي ولحسن الحظ ماحولت بس يوم وقعوا موبايلي مع الهلال قلت لازم نخدم النادي ورحت طلعت رقم ذهبي مميز بـ 10.000 ريال مافي الموضوع انه ضاعت الشريحه ورحت ابي اطلع بدل فاقد قالوا ادفع خمسين ريال مقدم قلت يا شيخ خليها على الفاتوره قال لا هالحين مقدم قلنا طيب دفعت قال عليك فاتوره روح سددها طيب كم الفاتوره قال 200 ريال ياخي طيب طلع لي شريحه ولا تشغلها لين ما اسدد قال لا لازم تسدد الاول طيب اعطيني شبكة سعودي قال ماعندي طيب اعطيني انترنت وجهاز كمبيوتر قال ماعندي روح سدد وتعال ولما دقيت عليهم قالوا بالنسبه للشبكه ووسائل الدفع احنا مالنا دخل هذا وكيل والوكلاء ماعندهم طيب ياخي هل يعقل تخلي وكيل يلعب بسمعتك ؟؟ وبالنسبه للسداد قبل لا يعطوني الشريحه قالوا هذا النظام قلت اعطيني السوبر فايزر ومن الغباء لما حولني على السوبر فايزر السوبر كان فاتح الخط ويكلم والموظف قسم بالله العظيم بالحرف الواحد قال ( طيب محد قال له لا يسدده مشكلته مهيب مشكلتنا ) بالله هذا اسلوب يعاملون فيه عميل شاري رقم مميز بـ 10 آلاف ريال ؟؟؟ علماً انه في نفس الوقت كنت توي راجع من السفر ومعمم جوالي دولي تبع الاتصالات السعوديه وكان عليه فاتوره عالية جداً فوق العشرة آلاف وانفصل الجوال كلمت 902 والله يوم يرد يقول بالحرف الواحد ( برنامج التميز فلان الفلاني السلام عليكم , كيف اقدر اخدمك طال عمرك ) وش هالفرق قلت له رجع جوالي انفصل وهو معي عالخط قال لي خلاص معاك شغال الآن اي خدمة ثانيه .. يعني والله فرق شاسع والتميز اللي في موبايلي مامنه اي فايده بينما التميز اللي بالاتصالات السعوديه اول شي معطيني بطاقه اي مركز خدمة ما امسك سرا ولا اخذ رقم بمجرد ابراز البطاقه يخدموني ومع احلى كاس شاهي غير الهدايا اللي ترسل كل شهر هدايا بقيمة لا تقل عن 500 ريال يا اما اقلام ماركات عالمية وغالية يا اما اشياء اثرية يا اما قطع مكتبية تنحط عالمكتب ولما جاء نظام الجيل الثالث كل مره يرسلون لي الهدايا يرسلون معاها شريحة جيل ثالث ويجيني المندوب تبعهم الى عندي يسلمني اياها بيدي اما البطاقات والشغلات هذي تجي عالبريد يعني والله فرق بالتعامل اما بالنسبة للإرسال لو بعدد المناطق اللي ينقطع فيها الارسال الخاص بموبايلي يا كثرها على سبيل المثال بين مكة والطائف الطريق اللي بينهم يقطع ويجلس تقريباً ربع ساعه مافي ارسال وانا ماشي بالسيارة بسرعة 120 كيلو متر بمعنى انه مفصول لأكثر من 30 كيلو متر وهذا وين هذا بالطريق اللي يوصل للعاصمة المقدسة علماً بأن شبكة الجوال ابراج فلّ بنفس الطريق يعني اتركوا الطرق الثانيه والقرى النائية اذا كان طريق العاصمة المقدسة بهالشكل وش ترتجون ثاني ناهيك عن التعامل "الوقح" من موبايلي ولكن كل هالمعضلات واجهتني ومع ذلك انا مشترك معاهم لعيون الهلال والله رقم موبايلي جالس كذا لا مكالمات ولا شي كل شوي طوط طوط رسايل موبايلي الهلال فقط والا والله لو مو الهلال اني ما اتشرف اشيله بجيبي بس لأجل عين تكرم مدينة لعيونك ياهلال

معليش عندي مقاطعه وولايه ومدينه وكل شي في كلام الاخ
او تقدر تقول سؤال / معليش ياغالي انت معطينك وكاله شركة الاتصالات تدافع عنهم او انت شغال فيها ؟
والشي الثاني كل هذولا الي يمدحون موبايلي مو عاجبينك ؟
الشي الثالث يعني ايش ردو عليك موبايلي قالو ايش تبغا ولا مو فاضين لك ؟ وقالو ازعجتنا لادق ع الرقم مره ثانيه ؟
الشي الرابع يعني انو يخدمونا من فلوسنا الاتصالات يعني خدمتنا ببلاش لوجه الله كذا ؟
الشي الخامس الاول كم كنا ننتظر الاتصالات عشان يرد علينا اخ محترم يقلنا خدمه او يعطينا خدمه ؟
الشي السادس معروووووفه شركة الاتصالات بنهبها وسلبها للمواطنين ؟
الشي السابع وحتى لو التغطيه ماكانت قد كذا نفرض ولو اني مجرب الشبكتين بصراحه كلها شغاله الحين عندي موبايلي تعد جديده ومعى ذلك بصراحه ابدعت في فتره وجيزه مو اني ادافع عنها لاكن والله الحق ينقال وشركه الاتصالات ذبحتني وذابحتني وراح تذبحني ؟
ومعليش وسامحني بس ممكن تجاوبني
وتحياتي