نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

عـــ الزعيم ـــاشق · #5 26/03/2008, 06:09 AM

إقتباس

الرسالة الأصلية كتبت بواسطة نــا ا ا ا ا ر 9


	أولاً على البركة إن شالله والله يوفقك .. بخصوص الأبتعاث الأولي على حسابك ثم التحويل على حساب الدولة لا أعلم عنه كلياً .. وأتمنى إذا حصلت على هالمعولمة تفيداً فيها لأني ناوي أروح إن شالله .. ثانياً بخصوص الدراسة تختلف وجهة نظر كل شخص .. لكن الأغلبية يتفقون على أمريكا .. بحكم أفضلية المعاهد والجامعات لديهم .. وبخصوص كندا هي أرخص تكلفة بين هذه الدول الثلاث .. ولاتفرق كثيراً عن أمريكا .. والله يوفق الجميع .. ننتظر رأي الأخوان ..

أبشر من عيوني .. أول ما ألقى المعلومات الكافية بأحطها هنا بهذا الموضوع وعندما أنتهي من كل شئ بأسوي موضوع كامل ليستفيد الجميع منه بإذن الله

أنا ماتهمني التكلفة كثر ماتهمني الدراسة والمعيشة .. لذلك فلنحذف كندا ونبقى على بريطانيا وأمريكا

يعطيك العافية على اهتمامك والله يوفقنا وياك ان شاء الله ..

إقتباس

الرسالة الأصلية كتبت بواسطة أحساس مغترب


	السلام عليكم أنصحك أخووي في أمرريكا لانها ارخص من ناحية المعيشه والأفضل في اخلاق شعبها وبالنسبه للتحوويل أخوي اخذ تقريبا 5 شهوور وحوولوه عنا في امرريكا وبالنسبه لوولد عمي اخذ تقريبا شهرر في بريطانيا وحوولوه بالنسبه لدراستك في السعووديه أن شاء الله يعادلونها لك خاصه وان جامعه الامير محمد بن فهد ماسكتها جامعات امريكيه من ولاية تكساس فلا يوجد خوف على مده الدراسه.

حلو حلو .. 5 شهور تقريباً راح أكون بالمعهد .. فترة جميلة جداً .. توقعت أكثر .. ولكن سؤالي : متأكد من هالفترة ؟ ومتى كان هذا الكلام ؟ لأني أخاف النظام تغير الحين

بريطانيا شهر واحد وتحول على حساب الوزارة ؟؟ فترة قصيرة جداً !! ولكن يظل خيار أمريكا في نظري الأفضل نظراً لأني لا أريد تضييع سنتين من حياتي الدراسة كما قلت

وبالفعل جامعة الأمير محمد كما ذكرت معترف بها في أمريكا ..

ماقصرت على المعلومات والله يعطيك ألف عافية

إقتباس

الرسالة الأصلية كتبت بواسطة H U N T E L A A R


	أرحـب عـاشـق . . هـا لـك نـيـة تـسـوي تـقـديم مـعـي ولا لا . . ان شـاء الله تـذكـرت بـس الـدراسـة بـالـخـارج مـوضـوع طـويـل ويـبـغـالـهـا رجـال يـبـيـض وجـه أهـلـه ويـسـوي كـنـتـرول عـلـى نـفـسـه هـنـاك لـكـن ابـفـيـدك . . أعـرف كـمـن واحـد يـقـربـولـي بـالـخـارج و أكـتـسـبـت خـبـرة مـنـهـم لأنـي نـاوي مـثـلـك أولاً \ الـى يـقـولـك افـضـل دراسـة غـيـر امـريـكـا هـذا نـصـاب . . أمـريـكـا جـامـعـات بـالـهـبـل و قـويـة شـهـاداتـهـا وعـنـدهـم عـلـم كـبـيـر لـكـن يـعـيـبـهـا فـيـزتـهـا صـعـبـة بـالـحـيـل اذا كـنـت قـبـيـلـي . . ولـد خـالـتـي قـعـد تـقـريـبـا 6 شـهـور الـيـن مـاجـات لـه الـفـيـزا . . مـن الـدمـام لـ الـسـفـارة بـالـريـاض رايـح جـاي و مـقـابـلات بـس لأنـه قـحـطـانـي . . فـحـط كـثـيـر ثـانـيـا \ مـن نـاحـيـة الـتـعـامـل جـمـيـع الـبـلـدان أحـلا مـن بـعـض لـكـن أهـم شـي أحـتـرم نـفـسـك حـركـات يـمـيـن يـسـار مـاتـشـوف نـفـسـك الا بـ مـكـتـب دائـرة الـهـجـرة خـلاص الـسـعـودي مـهـوب مـثـل أول مـعـزز مـكـرم عـنـدهـم ثـالـثـا \ مـسـتـوى الـمـعـيـشـة كـنـدا عـلـى الـعـرش خــصـوصـا مـديـنـتـهـا الـجـمـيـلـة فـانـكـوفـر حـتـى امـريـكـا أشـوفـهـا جـيـدة عـنـدك نـيـوزلـنـدا حـلـيـوة . . . . . . الـى أقـولـك ايـاه . . أمـريـكـا ثـم أمـريـكـا ثـم أمـريـكـا إذا الله مـاقـدر شـفـلـك كـنـدا أو بـريـطـانـيـا أو نـيـوزلـنـدا صـحـيـح مـهـيـب مـثـل الأولـى لـكـن عـلـى الأقـل تـجـي هـنـا مـهـنـدس و مـديـر عـلـى الـى يـطـلـع مـن كـلـيـاتـنـا و جـامـعـاتـنـا . أحـداث كـثـيـرة عـن الـمـبـتـعـثـيـن بـالـخـارج سـمـعـتـهـا مـن أقـاربـي لـكـن حـبـيـت أخـتـصـر .

هلا وغلا بحبيب القلب

وهل يخفى قمر الكلاسيكو

من ناحية موضوع الفيزا .. ماعليك أنا قصمنجي يطلعونها لي بدون تعقيد

بس السؤال هنا : كم مدة خروج فيزا الدراسة لأمريكا ؟ تاخذلها أبو شهر ؟

لأن بريطانيا حسب علمي من الدمام = 3 أيام ومن الرياض = يوم واحد ..

بالنسبة لموضوع الإحترام .. لاتخاف أنا مالي بالمشاكل ولا المشاكل تحبني

الله يرحم أيام قبل 11 سبتمبر كيف كان لنا هيبة في كل مكان

يعني تنصحني بأمريكا ؟

الله يعطيك العافية على النصايح .. اختصار أو تفصيل .. أهم شي إنك أفدتني

ماقصرتوا يالغاليين

تحيتي .,,.