السلام عليكم

الحمدلله على السلامة .. احلى رجعة .. بس جيت على الجرح

فالنسيا حالتهم حالة .. اول شي الفريق كان ماشي صحّ مع كيكي .. كنت انتقد كيكي لكن الحين تأكدت ان اللي سواه مع الفريق كان شي ممتاز .. جا كومان بس التغيير بنص الموسم وطريقته تختلف عن طريقة كيكي لذلك الفريق صار اسوأ .. و زاد الطيّن بلّة لما إستبعد الثلاثي .. مهما كان اي لاعب لما يكون بفريق ويشوف ثلاثة من أساطير الفريق يُعاملون كذا بتحزّ بنفسه وبيخاف على مكانه بالتالي ماراح يقدر يعطي بهالجو السيء داخل النادي !!

سولير يتحمل النسبة الأكبر .. زرع مشاكل داخل الفريق .. كان يبي من اللاعبين انهم يشهدون معه ضد البيلدا و كاني .. وهالشي يأثر على تفكير اللاعبين بكل تأكيد .. صفقة مادورو وش تبي من الحياة يعني جبت بانيغا مادورو تدفع فيه 15 مدري 20 مليون ليه طيّب ؟!! .. يعني عاجبك هلغييرا في الدفاع ؟!! .. ادري ان كومان مسؤول عن التعاقدات بس انت كرئيس لما تشوف المدرب يضيّع فلوسك على لاعب بمركز مليان لاعبين لازم تتدخل هنا وهالشي ما شفناه من سولير !!

اللاعبين احملهم جزء بعد من المسؤوليّة .. وين الإحساس بالفريق ؟؟!! من متى المستايا صار استراحة للفرق ؟!! .. مركو مخجل للفريق بصراحة .. هبوط حاط بمستويات اللاعبين .. لكن لازلت مصرّ ان النسبة الأكبر على الرئيس اللي شتت الفريق للأسف !