نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - أختي كانت تتصور ويخزن عالهاتف مو الذاكرة جوال6300 وباعتو في مشكلة ولالا ارجو المساعدة

الهلالي 11 · #5 19/03/2008, 09:51 AM

هلا وغلا اخوي

اول شي بصراحة هذي المشكلة الكثير يعاني منها ...

لكن اسمحلي بقولك كم شي !!

اول شي اغلب الاجهزة فيها خاصية انك تحدد ذاكرة التخزين ...

يعني تقدر تقوله ان الصور اللي اصورها خزنها على الميموري على طول ...
او يخزنها على الهاتف وبعدين تنقلها براحتك انت تحدد الذاكرة !!

الشي الثاني الله يسامحك ...

لو انت قبل ما بعته سويت فورمات للجهاز وش كان بيضرك ...

الواحد اذا كان يخاف من هذي الامور
المفروض يكون الواحد حريص انه يفضي جهازه قبل لا يبيعه !!

عموما اخوي انا بصراحة خبرتي بهالامور موب كثيرة !!

لكن دام انك تقول ان الميموري كسرتوها ...

اتوقع الامور كذا ممتازة ...

لان على الاغلب الجهاز نفسه اصعب من الميموري ...

يعني عملية التعامل مع سوفت وير نوكيا ...

اصعب من مجرد ذاكرة !!

وفيه كثير محلات اذا اخذو جوال مستعمل ...

هم يسون له فورمات او سوفت وير جديد من النت ...
عشان يبيعه على انه نظيف .... اذا كان فيه مشاكل

اخوي توكل على الله وان شاء الله خير ...

هي اولا واخيرا تعتمد على الرجال ...

اذا كان مش مضبوط ممكن يحاول يدور بملفات الجهاز !!

اعتقد الحالة الوحيدة اللي ممكن انك تكون سهلت عليه المهمة !!

اذا كنت مسوي نسخة احتياطية للذاكرة !!

عشان كذا شف اختك ... اذا كانت مسوية نسخة احتياطية لذاكر الهاتف ...

احتمالية اللعب بالجهاز ممكن تزيد !!

هذا اللي اعرفه وان شاء الله اذا فيه ناس فاهمين اكثر مني يفيدونك

الله يستر على اختك وبنات المسلمين كلهم ...

المشكلة هالايام فيه بنات كثير ما تفرق معهم تطلع صورهم ...

وهذا اللي زاد الفضول عند الشباب بارجاع الصور ونشرها او الاطلاع عليها !!

وما يقدرون ان فيه ناس محترمة يهمها سمعتها وبالغلط بقيت صور بالجهاز ...

عموما لي انا شخصيا ...

كل اهلي الحمد لله مانعينهم يخزنون او يصورون او يرسلون وسائط اي صور شخصية لهم ...

حتى انت اخوي زي كذا المفروض جهاز اختك ...

تخلونه مع احد من العائلة محتاج جوال ...

او تبيعه لوحده مو محل !!

عموما صار اللي صار ...

وان شاء الله ما يصير الا كل خير ...

انت تطمن بس وخلها على ربك ... دام النية صافية كل شي تمام

انا اعتذر اني كثرت كلام وردي اطول من موضوعك

لكن بصراحة هالموضوع اتضايق منه كثير ولو باخذ راحتي ....

يمكن اكتب كثر اللي كتبته مرتين !!

تحياتي لك ... والله يستر عليك ...