نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - من الآن .. حتى يونيو .. آخر تطورات إنتقال دييجو إلى ريال مدريد ( أخبار , نقاش )

skroo · #11 18/03/2008, 10:46 PM

السلام عليكم ورحمة الله وبركاته

الله يعطيك العافية على هالموضوع

وما قصرو الشباب في الترجمة

اذا اللاعب بينتقل من فردبريمن فاتوقع الاتي

90% لريال مدريد
10% لجوفنتوس

ولعدة اسباب :

1- القوة الماليه والشرائيه لريال مدريد افضل من جوفنتوس بمراحل
اليوفي نادي مديون ولازال متأثر بالهبوط والكالشيو بولي وعنده مليون التزام اهمها ترميم الملعب الجديد

على عكس الملكي الاغنى في العالم والسيولة عنده زي اللوز , مثل بنك الراجحي ماشاء الله لا اله الا الله
يعني جوفنتوس العام كانو يكاسرون على المليون والمليونين

وش بيسوون اذا جاء الريال وزاد العرض 5 مليون

2- وضع ريال مدريد مستقر لانه ما تعرض لهزات كثيره , واكثر شي هز ريال مدريد في اخر السنوات هو الصيام 3 سنوات عن البطولات والخروج من دور الـ 16 في دوري الابطال
لكن اليوفي غير مستقر وجالس في وسط المافيا وتوه طالع من الهبوط و ولازال فيه ثأر بينه وبين بعض الجهات

3- مدريد عناصريا شبه متكامل على عكس جوفنتوس اللي ينقصه كذا لاعب في كذا مركز

4- ريال مدريد له تاريخ مع اللاعبين البرازيليين على عكس جوفنتوس اللي ما في تاريخه الا 3 بس !!ايمرسون وخوليو سيزار وواحد قبل هتلر الظاهر !!

5- يمكن اليوفي ما يتأهل لدوري الابطال هالموسم ( الله لا يقوله ) على عكس الريال اللي ضمن التأهل تقريبا

6- سابقا كان فيه مدير محنك اسمه موجي قدر يجيب فييرا من الارسنال , والريال ما قدر يجيبه رغم ان بيريز مصرح وقايل ( فييرا مولود علشان يلعب بريال مدريد ) لكن موجي راح وجا مكانه واحد طلع ريحة بوفون ودل بييرو وكامورنيزي وترييزقيه وندفد لين جدد معهم !!
يعني اليوفي ادارة غير متمكنة كرويا على عكس الريال

هذي وجهة نظري الشخصية واعتقد انكم متفقين معي فيها

والولد فنان واتمناه حقيقة في السيدة العجوز

فرد بريمن يتصدر الفرق الالمانية تهديفيا بالرغم خروج كلوزه , والسبب بسيط جدا : فيه صانع لعب اسطوري اسمه دييجو !!

تعقيب اخير

إقتباس

الرسالة الأصلية كتبت بواسطة the&&loRd


	ههههه تبي يخترب مستقبل اللاعب شوف اذا وصل الـ 30 يقدر يروح الى ايطالياا

اخوي ترا الكالشيو والليقا والبريمر مثلث المتعه في كرة القدم
وكلامك عممته على الدوري الايطالي وهذا غلط

لاتنسى ان زيدان ماطلع من الايطالي الا يوم وصل 29 سنة وراح لليقا
هل نعكس المعادلة ؟ لا اطلاقا لانها غير صحيحه من الاساس

شكرا لكم جميعا واعذرونا على الاطالة ورده