عووووووووووووودنا مع مشاركة سهل 888

هذي والله الساعه السيتزن مرحبتين بهلالي الجوف ;)
ياهلا والله فيك اخوي سهل ثمانيتين وثمانية
ومبروكة الساعة السيتزن وتقطعها بالعافية .. الا كم السوم <<== يحسبها للبيع

ابا عبدالرحمن هي كم سؤال
خذ راحتك عنوني .. وحياك الله بالكم والكيف

رأيك بالاحداث اللتي حصلت بالجوف هذه الايام وما صاحبها من قتل واغتيال واطلاق للنار !
احداث مؤسفة ..أحداث تدمي القلب وتدمع العين .
شي مايصدق ابد ابد يالغالي .. وحسبي ان وراها ناس جهلة متخلفين مايخافون من الله .. وماهمهم سمعة لا اهل ولا بلد ولا وطن .
وماقول غير الله يرحم من توفى ويجعل مثواهم الجنة .. ويعجل بمسكة الفاعلين ويجعل مثواهم النار .

وهل فكرت انك تحاول تقبض على القاتل بعد اعلان وزارة الداخليه عن جائزة نصف المليون !
بصراحه مافكرت .. لأن ماباليد حيلة .
ولو يطيح بيدي الجاني غير سيده للشرطه .. ومابي منهم لا نص مليون ولا حتى نص ريال ..
يكفيني بس ان القاتل ياخذ جزاه .. ويكون عبره لمن لايعتبر .

كنت لفتره بسيطه اعشق اليوفي همن حولت عاشق لميلان هثم الحين ما اشوف الا الريال يستاهل التشجيع هل خطواتي التشجيعيه سالكه بالمسار السليم والا يبي لي وزن
<< بحكم خبرتك بهالمجال
وزنيتك ميه ميه .. ولا حصنية بردمية ومافيك اي رجة <<== الأخ وين مرصص
اصلا يكفي تعرف انك تشجع الزعيم علشان تعرف ان مسارك سليم
ولو تكملها وتشجع ليفربول عالمياً كان تصير ميه ميه .. ولا ذيب بمحمية

رأيك بمستوى اجانب الهلال ,, وتوقعاتك للبطوله القادمه !
كانشلسكس وسوفو وبدرا للاعبين عالميين معروفين .. وماهو انا ولا عشرة زيي من يقيمهم .
ومستواهم بالتصاعد من مباراة لأخرى .. وان شاء الله يكونون بالقمة بتصفيات العين وماوراها من مباريات

وهل سيتأهل الزعيم للمربع !!
العلم عند الله
واتمنى طبعاً التأهل كأمنية اي مشجع هلالي رغم الصعوبة .. ومن ثم الفوز بكأس الدوري مدري دوري الكأس .

ما هي نظرتك حيال ظاهرة عزوف الجماهير الهلاليه عن الحضور للملعب ومساندة الهلال !
مع عدم وجود رابطة مشجعين كباقي الانديه والاكتفاء بـ ( هلااااااال هلااااااال اوه اوه )
صحيح انها مشكلة .. لكن ماعليهم لوم ..
مستوى فني لك عليه .. وغياب اجباري للنجوم .. وتذاكر غالية نار .. وكلمات بذيئة وتقشيم .. ونقل تلفزيوني على الهواء مباشرة لكل المباريات مع تحليل وتعليق ولقاءات من داخل الملعب قبل وبعد المباراة .. يعني من وين ماجيت تلقى لهم العذر .
وان شاء الله مع تحسن مستوى الهلال وعودة النجوم وعودة الروح ترجع جماهير الهلال للمدرجات .. وتهز الملعب هز كالسابق .
اما سالفة الرابطة فحلها عند ادارة النادي يالغالي .. واشوف ان وجودها ضروري وضروري جداً .

تفداك عرعر والحفر والقريات
واللي تعدو خط حزم الجلاميد
أوحي
يفداك قصر ابن عقيّل .. ورياض الخبرا ;)