يسعد مساك الكلاسيكي ..


أبت أصابعي إلا أن تضع بعضاً من " خربشاتي " هنـــــا ..
فالحــروف تشتاق لتعانق حروفكم .. والاصابع كلها فدوه لكم ..

هلا والله بالمخربش والخربووش >> نتمصلح يمكن لا فتحنا دكه تجي على انذار اهون من توقيف

إقتباس وبرئ كبراءة المشاغب ورده..

هاه وشو ؟؟ ماسمعت زين ؟ايه هييييييين

إقتباس ][ صــــابون القـــلــــــــــــوب ][

الصراحه رااااحه ..
يعني الصراحه من جد دواء القلوب ..مصارحه الطرف الآخر تكسر كثير من الحواجز اللي تكونت من مواقف سواء بقصد او بدون قصد ..
صحيح القلوب تصفى بعد المصارحه فأتمنى أن الناس تصارح بعضها بإسلوب رااقي
لكن الصراحه لها ضوابط ..كما قال اخوي هلالي من أرض اليمن ..
الصراحه عتاب رقيق مغلف بالحب ونرمي الى الأفضل ..
موتطيييح وجيه خلق الله وتقول انا صريح هذي مع احترامي تندرج تحت مسمى وقااحه
أنا عن نفسي قليل ما اصارح الناس لأن الناس اللحين لما تصارحهم بشئ يخصهم يفهمونك غلط للاسف .. ونكون خسرناهم مع ان القصد كان بطيبة قلب ..
صحيح عند الخطاء المخطي نقول بوجه انت مخطي .. لكن من ناحيه تخص شخصه ما اصارح ..

إقتباس ][ من قدكم يامشهورين ][

يستاهلون اخواني هلالي من ارض اليمن وراكان >> فاهمه غلط تحسبهم فازوا بشاعر المليون

والرسام لا تشيل هم عندي لكم صوره تقول للقمر وخر وانا اقعد مكانك.. بتطلع بالمجد من مواهب اطفال القصيم

إقتباس :: فـــرض الشخصيه !! ::

يسلم حرفك أخوي عادل ..

كثير للأسف فاهم الشخصيه غلط.. الصراخ والتكشيره عمرها ماحببت الناس بأحد
بتكلم من مثال مصغر لمجتمع كبير وهي المدرسه لما طلعنا تربيه ميداني للمرحله المتوسطه ..
بعض زميلات العمل فاهمين التعامل بالشده والصراخ بيضبطون الفصل .. بس للأسف يزيدون الامر سوء .. حتى اني مره مسكت وحده منهم على جنب وقلت لها ابتسمي حببي البنات فيك لا تصرخين عليهم هم في مرحله مراهقه يعني اسلوب الشد مايجي معهم ومضر في تكوين شخصيتهم ..
رفعة صوتك عليها تأثر فيها .. تجرحها .. خلك عاطفيه اكثر معهم مع الحزم اجمعي الاثنين في شخصيتك ..خلي تعاملك مهعم أرقى من هالأسلوب القديم
انا اوفقك الرأي مشرفنا العزيز >> مهيب مشاور الدعوى هذا المشرف لو يقول الشمس زرقاء قولي ايه ... الشخصيه اللي تعتمد على الشده واللسان الطووووووويل هذي ضعيفه تعتمد على الصراخ

إقتباس ][ قلوبنــــــــا بنظر الحــــــــــلاّق ][ ولكن توقفت اتامل ما قاله .. هل قلوبنا كذلك ؟ ام تلك نظرة العامل هنـــا ؟ او بسب تعاملنا ؟ قد اجد لديكم الاجابه .. !!

هنا عاد ماندري عنكم .. ابو هنود قال السعودييين ماقال السعوديياااات >> عاااش مصرف

إقتباس ][ أصعب من الصعب ][ من الصعب أن تضرب ولداً اثناء الدراسه .. ولكن الاصعب ان يكون الولد ابن المدير آآآآآه اسكت يامشرفنا لأكتب لك مجلد عن هالمعاناة ..اجل تخيلي معي يامشرفنا ( تراه تصيح عشان تضبط الدراما )انا اتغطى والبس عباية وانا طول اصبعك الصغير وبنت المديره طول النخله ولا تغطى بأي حق ذا ؟؟على كيفه المديره من زين خشته هي وبنته المروحه >> الله يهيديك ياعادل يوم تفتح لها الباب كبت عفش المديره من الصعب جداً ان تصدم شاباً .. ولكن الاصعب ان تصدم امرأه !! ايه والله تفدق ضلوعه الضعيفه من الصعب ان تضرب الكره بوجهك .. ولكن الاصعب ان تكون الضربه في عز الشتاء عزاه ياقلبي من الكوره عزاه .. مره من زماان يوم كنت طول اصبعك الصغير >> انا لله يالليل مطولك الموهيم اننا نلعب بالكوره باستراحه مسوين مرمى وحركات ودوري ومن ماتبي ..الموهيم حاطيني حارس من منطلق مقوله اصغر القوم خادمهم مالقوا حارس صكوني بمكانه ..مع اول هجمه جت بخشتي المشكله مابين خشتي والكوره الا كذا ...................................................... بس وش ذا الهجووم الغاشم >> مشرفنا عطهم ايقاف بالله اليزابيث هيرلي من هذا المنطلق اقوول مانب مسامحتس مردوده مردوده والله ماخليها صبرك علي صبرك والله ما اخليها آآآآآه يالشعور المؤلم دارت بي الدنيا وطق خشمي الى يومك عيا لا ينفش من الصعب ان تضيع محفظتك .. ولكن الاصعب ان يكون عندك اختبار وماتختبر الا بالبطاقه هذي صارت لي قبل يومين طول الليل وانا ادور بطاقتي وشلون ابدخل الجامعه بدونها دار راسي وروس اهلي وحنا ندور وندور وندور وندور وندور وندور >> ايه وبعدين اخلصي لقيتها ونمت وبالصبح دخلت بدونه >> ياصبر ايوب يلعن ام البثاره

إقتباس :: الآن .. لكم الحريه في الشكاوي .. والفضفه .. ياطلاب جامعه ::

انا ابسكت هنا .. والله لو بقووول وبقووول اني يبعوني كتابي بمعرض الكتب
وش نقول ولا من وين نبداء .. لو ابكتب بيقولي البثر تعدت مشاركتك الحد المعقول >> شوفوا النصب جوال ذا مو مشاركه ..
بعدين يقولون السكوت على أجر انا خلاص بودعهم مابقى شئ ان شاء الله من شان هيك بسكت واسكت كود احصل الاجر >>>شوفوا شيطاني >>> اها بس الاجر بصلاة الفجر طلعي اللي بتس ياخلفهم ..

إقتباس : : صدفه خيــــــــر من مليووووون ميعـــــــــــاد ::

يآآآآي ياحلو الصدف اللي كذا .. يعني يمكن اطلع للسوق واتعرف على بنت ونسولف ونسولف ونسولف وبالاخير تطلع ريري هكتور >> قولي والله << والله
بس تعااااال ارحمنا يامشرفنا وقل لنا من طلع .؟؟ ذبحتنا البلاغه طق فيني عرق

إقتباس في الختام اعذروني على الاطاله .. ولكن تعرفون اني مانعطى وجه في المواضيع ..

كل ابو دايم تعاال هونا مشرفنا وحط من ذا المواضيع اللي تفتح النفس ونكب فيها العفش ونطلع مكنون الماضي مثل المديره وانت خابر

يعطيك العافيه على هيك موزوع


بقايا ..