نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ’,’,’,’ قــصة الـمـغـامرة ’,’,’,’ (إضافةُ تقرير ِ أبي طلال)

الـمـشـاغـب · #4 17/03/2008, 10:59 AM

الصور وينها ما تطلع عندي؟

تطلع عندكم مثلي؟ ولا المشكلة عندي بس ؟؟

<<< والله قدييييييييييييييييييمة

---------------

طفيت الجهاز وشغلته والحمد لله طلعت معي الصور

هلا وغلا ماجد .. والله بطل بطل بطل بالثلاثة

أنت مبدع والمبدعون قليلو

نجي لفصفصة الموضوع :

إقتباس


	إلى إيزابيلا بونابرت التي عرفتها طفلاً .. وصادقتها شاباً .. وأحببتها كهلاً .. وسأتزوجها قريباً !!!

والله ولو كنت أديب .. أنا قلبي كان حاس أنك منتب هين بهالأمور

أجل ايزابيلا بونابرت يالخروف؟

ما شاء الله عليك متعدي نطاق المحلية وداخل في الغويط عند الخواجات

إقتباس


	الرياض الفاتنة .. يحضنها الغبار من كل الاتجاهات .. ويلفها الصمت المريع .. الذي تقتله للحظات .. زقزقة العصافير .. وحفيف الأشجار ..

ما أكذب عليك لو قلت أني كنت مستغرب هاللقب اللي تحت يوزرك من وين جاء

بس بعد هالسطرين .. أبحلف بالختمة أنك تستاهل لقب أديب المليون بعد

إقتباس


	1) اني لم أقرا حتى الآن الكتب التي اشتريتها العام الماضي من المعرض !

خخخخخخخخخخخخخخخـ

هذا وأنت أديب .. وش عاد نقول حنا؟

أنا كل ما رحت جرير ولا العبيكان لازم آخذ لي كتاب أو كتابين على الطاير .. أحياناً تمسك معي طواعة

وأشتري كتاب ديني

وأحياناً تمسك معي رومانسية وآخذ كتاب عن الحب

وآحياناً

تمسك معي أكشن وآخذ رويات بوليسية

ومرة مسكت معي طرب وأخذت كتاب عن كوكب الشرق أم كلثوم

<<< صاير قنوات art على هالتنويع

بس مع هذا .. ما أذكر أني قريت من هالكتب كتاب كامل .. والسبب مدري

إقتباس


	فقد دخلنا المعرض ... ومن وجد الحيلة فليحتل ,’,’,’,

الظاهر أنك لبست العباة يا أبومقبل

أمزح

إقتباس


	فقلت : " آايام هير سير "

أدوووخ أنا .. أمووووت أنا .. أذووووب أنا .. على هاللغة يا شيخ

إقتباس


	فقال لي ذلك الشاب بعد ان حس بأني اخترشت !! أنت تكتب في شبكة الزعيم !!!

ـههههههههههههههههههههههههـ

من حقك يا مبدعنا أن يكون لك معجبين ورده .. هذا اللي شفته أنت .. عاد وشلون باللي ما شفتهم ورده

أنا أتوقع لو تشارك بالانتخابات البلدية أن تحقق أكبر نسبة من الأصوات

وبتضمن المقعد

في وقت مبكر بشرط يقبلون الأصوات النسائية

إقتباس


	ولكني بصراحة خفت يكون هذا فياض عاد ما لها داعي ينشب لي في الحقيقة + ما هو ناشب لي في الخيال

ـهههههههههههههههههههههههههههههههههههههـ

قوووووووووووووووووية

يا حبي له فياض

وحشنا القاطع

بس مع هذا ذبة في الصميم يا أبومقبل

الله يرج عدوك

إقتباس


	عاد اذا شفتوه ابي ترحبون فيه ترحيب حاااااااار >>> يسمع بالترحيب الحار

دامه من معجبينك .. فلا توصي حريص ورده ورده

إقتباس


	آخر شي خربتها وقلت له : ذي (س) بوك فينش عاد هو استانس على الجمله هذي وبغى يخمني من الفرحة وطلعنا من عنده الى غير رجعة !!

ـخخخخخخخخخخخخخخخخخخخخـ

تعجبني يا لغة أنت

تقلد أبو يعقوب في الاستديو التحليلي بعد المباراة .. قال له المذيع شكرا أبو يعقوب ..
فأبويعقوب حب يظهر مهاراته في اللغة .. فرد عليه وقال : Thank you بدال ما يقول Welcome

إقتباس


	ويوم قلت لها بصورك ابتسمت وفرحت مو مثل بعض الأطفال لا جيت تصوره قالك انقلع هناك يا ورع

ما شاء الله عليها هالبنية

تصدق حبيتها يا ماجد؟

أتمنى الحين أني باقي صغير .. علي النعمة أن أخليها تصادقني

إقتباس


	شكراً لكم احبتي

الشكر لك أنت يالغالي على هذا الموضوع الجميل كعادتك

طولت علينا .. وتغيرت شوي من ناحية المجلس .. لكن بإذن الله ترجع مثل أول وتترك عنك

الأشياء الأخرى اللي لا تسمن ولا تغني من جوع

لا عدمنا ابداعك يا ماجد ... كل الشكر لك