عوووووووووووووودنا مع مشاركة الإعصار

والله هالموضوع هو ضربة شهر فبراير .. وضربة عام 2003 كله
وابشرك ان هالضربة من تحت الحزام وعلى حين غرة .. وحتى ان الحكم شافها بعد وسكت

شف يابو عبدالرحمن راح أخش في الاسئلة على طول بدون مقدمات عشان مانطول عليك لاني داري الاسئلة بتكون كثيرة
خش ياعم .. وانا وشوله جالسن هنيا على هالكرسي الا علشان تجون تصفقوني بكم سؤال وتطلعون

- كيف يذكر هلالي الجوف دخوله عالم المنتديات .. وكيف كان توجه في البداية ؟ هل كان الأمر مقتصر على الرياضة فقط أم كان هناك اهتمامات أخرى ؟
اذكره كحـــلم ..
ماكان لي بصراحه اي اهتمام بالمنتديات لمدة سنتين من دخولي عالم النت .. حتى اني كنت ماعرف شي ابد عن المنتديات .. واتصفح بالصدفة اذا عطاني صديق او قريب بالماسنجر رابط لموضوع له واشوف الموضوع واقفل .. او اذا جاني رابط لموضوع عن طريق الايميل اشوفه واقفل وعلى حسب العنوان .. وكنت استغرب من تحدث الناس عن المنتديات وعالمها واهتمامهم فيها .. حتى جت اللحظة ودخلت هالعالم .
توجهي بالمنتديات رياضي بحت .. لأن اهتمامي بالرياضة قديم ومجال عملي بالرياضة .. يعني هواية ومهنة .

- في بدايات هلالي الجوف بشبكة الزعيم كان يتواجد بكثر في منتدى الملاحظات لطرح الانتقادات والآراء .. هل كنت تتوقع في تلك الفترة بأن تصل إلى منصب في ادارة الشبكة بهذا الوقت القياسي ؟
واشوفني لهالحين متواجد بكثرة بمنتدى الملاحظات .. يمكن ابي اصير الامير بندر بن ثامر
لاوالله يالغالي .. طبعي ملقوف وصريح وماعرف المجاملات .. وصراحتي هذي ياكثر ماتسبب لي مشاكل بحياتي الخاصة او العامة مع الاهل او بالعمل ..
تصدق .. كل يوم اتهاوش مع العسكري اللي واقف عند دوام الاهل ينظم السير .. تدري ليش ؟
لأنه والله ماهمه السير وماينظم شي ابد وماغير متنح ببنات خلق الله ههههههههه ومدري انا منقهر منه والا غيران من موقع شغله ;)
اما المنصب .. فوالله ماسعيت له ولا حلمت فيه ..
لكن ذكرتني بصديق عزيز كان متابعني ببداية دخولي للمنتدى وهو معلمي الحقيقي .. حتى ان الرقم السري كان عنده .. وهو اللي حط لي اول توقيع .. لأني ماكنت اعرف احط توقيع الله يوفقه وين ماراح .. المهم ذاك الصديق استغرب تسجيلي بالزعيم .. وفرح كثير وقال لي راح تصير مشرف بالزعيم وتشوف .. رديت عليه بكل براءة وقلت ووشو الاشراف ههههههه ومن جد ماكنت اعرف معنى مشرف .
احسب الناس زي بعضها .. مادريت ان السالفة مناصب ومسئوليات .

- ماهي الوصفة السرية التي يقوم بها هلالي الجوف ونحن نرى هذه الشعبية الكبيرة والمحبة - الله يديمها ان شاء الله - من قبل الاعضاء
اممممممم الوصفة طال عمرك ..
تجيب ربع توله من عكرة سمكة حديثة الولادة نشأت وترعرعت بالربع الخالي وتخلطها مع خرطوم ضب من سلالة عريقة عاشت بسهول سيبيريا وحبذا لو يكون له علاقة نسب بالنمر البنغالي .. وتاخذ من هالخلطة ثلاث جرعتين على حسب المزاج ثمن تطلع على قمة حفرة وتحط راسك وتنام .. واذا قمت بعد امس تلقى لك هالشعبية واكثر هههههههههههه
والله يالغالي ماقدر اقول الا ان المحبة من الله ومتبادلة .. وفي شي اعتقد له دور بمحبة الاعضاء .. وهو التواصل معاهم من خلال شكرهم بالمواضيع الرائعة والمتعوب عليها .. ومشاركتهم بالمناسبات والتهاني .. ومحاولة السؤال عنهم بحالة غيابهم عن المنتدى لاقدر الله .. ومحاولة تذليل اي صعوبة تواجههم بالمنتدى كمسئول .

- ماهي مرئياتك حول مستقبل الشبكة .. أو لنقل كيف تتوقع أن يكون حال الشبكة عام 2006 مثلاً !
مالقيت الا عام 2006 تراني متشائم من هالعام <<== متأثر بعدنان ولينا
المستقبل بعلم الغيب يالغالي .. لكن واتوقع والعلم عند الله اذا استمرت الشبكة على هالمستوى وهالتطور الملحوظ ان بتصير مؤسسة اعلامية لها مكانتها بالاعلام السعودي .. بس ينقصنا شوي حاجات وانت اعرف مني فيها .

- بحكم اشرافك في اللجنة الإخبارية .. هل تعتقد بأن هناك مواهب وقدرات سيكون له شأن على المستوى الإعلامي في المستقبل القريب ؟
أكيد في مواهب بالشبكة وبكل المنتديات تستحق الدخول لعالم الصحافة .. وسيكون لها شأن كبير لو دخلت بالمجال الصحفي وخريش وعلى سبيل المثال لا الحصر الموهوب ونجمة الابداع وعساس والمملكة .

- ماهي السلبيات التى تراها في المنتديات بصفة عامة وماهي طرق معالجتها من وجهة نظرك ؟
نقطة سلبية واحدة تثير اشمئزازي .. وهي مبدأ ان لم تكن معي فأنت ضدي .
وطريقة علاجها .. الايمان بأن الاختلاف بالراي لايُفسد للود قضية .
في نقاط ثانية هامشية نستطيع التغلب عليها كمشرفين مثل الاندساس والتسحيب سواء بالموضوعات او بالعناوين .. والمواضيع المكررة والردود الخارجة عن صلب الموضوع وكثرة الصور بالتواقيع .

- لماذا تتحاشى الكتابة في منتدى الجمهور .. ؟
<== تكفى ياللي كل يوم لك موضووع
ياحبيلك وانت تسأل وتجاوب
ابد .. اكتشفت اني متابع وماني كاتب .. ورحم الله امرءً عرف قدر نفسه .

- من هو الشخص أو العضو الذي يستطيع تغيير حال هلالي الجوف إذا كان :sad: ليكون ؟
للأسف لايوجد
لا بالمنتدى ولا بالحياة العامة .. اذا قفلت قفلت .. خلاص مهنا طب .

( أقام المسجد عندنا الظهر .. راجع لك قريباً .. بس خذ نفس طووووووويل هههه )
تقبل الله مقدماً .. وحياك الله اخوي احمد باي وقت .. البيت بيتك
والحمدلله اني ماعرف المعسل علشان اخذ نفس طوووووووووويل ;)