| تعشاه الذيابه
قمت افكّر في علوم ٍ دوم بلسـان البريه
..................... واكتشفت ان العلوم اللي تشابه ماتشابه ..!!
يـكذبوون ان قالوا : " ان الذيب ماياكل خويّه"
........................... والله ان الذيب مايسلم من انيـاب الذيابه
ويمكن انه لو يجووع وحوله الدنيا خليّـه
.......................... يْتعشى كتفه اللي ماسلم من حد نااابه
شووف ظهري كنه اللي عاش عصر الجاهليه
......................... وراح عمره من حرابه في حرابه في حراابه
وشف جرووحه كنها حروف الكتاب الأبجديه
.......................... تروي احداث الزمان اللي قبل عصر الصحابه
وشوف صدري كنه اللي عاش بالدنيا الهنيه
........................... تبتسم له دنيته من مولده حتى شبابه
مابه الا طعنةٍ من سيفي اللي في يديّه
.............................. سيفي اللي ماتطيح يديّ من قبضة نصابه
يوم شفت ان الخوي عينه على غفلة خويّه
.............................. ويوم شفت ان الطعون اللي تشابه ماتشابه
قلت ابطعن صدري ورزقي على رب البريه
............................. وقلت اشرّف صدر ماتجرأ تعشاه الذيابه ..!
| 