والله صدقتوا ياشباب تلك المباراة الى الان اعيش على ذكرياتها ومن الصعب على كل هلالي ينسى تلك المباراة والله العظيم ياشباب في اليوم اللي اقيمت فيه المباراة الوالد اخذ سيارتي وطبعا انا جلست من دون سيارة لاني كنت اتمنى احضر النهائي تدرون ليه لانه اول نهائي للدوري بعد مسماه الجديد يقام في الرياض يكون الهلال طرفه المهم انا صحيت العصر من النوم وتوهقت ابغى لي سيارة اروح فيها للملعب المهم ولد عمي (ماجد) كان يبغى يروح معي للملعب لانه هلالي طبعا كان عندنا بالحارة واحد اسمه (محمد) واخوه فيصل (شبابي) المهم رحنا معهم انا وولد عمي ماجد للملعب طبعا على سيارتهم هم دخلوا مدرجات الشباب طبعا محمد نصراوي واخوه شبابي وانا وولد عمي رحنا لللمدرجات الزرقاء بدت المباراة وتقدم الشباب بهدفين في الشوط الاول بعدها طلعت انا وولد عمي نشتري شي يبرد على قلوبنا والضغط عندنا مرتفع لقينا محمد واخوه وجلسوا يتطنزون فينا المهم بعد هدف سامي الاول قلت ان شاء الله جاي الفوز حتى شوتت سامي الاخيرة قعدت اهاوشه اقول وين ياعم تشوتها والوقت مابقى عليه شي لما جت هدف والله ياشباب مادري وش صار فيني دموعي بدت تنزل لاشعوريا وقعدت احمد الله بالتعاد ل هذا وعندنا ناس الله لايوريكم انصرعوا بس والله العظيم ياشباب من فوزنا على الاهلي في الدور نصف النهائي شعرت بشعور غريب يقولي الكأس للهلال المهم صار موقف طريف ياشباب بعد ماطلعنا واخذ الهلال الكأس سيارة محمد خربت وهو موصلة معه طبعا لان الهلال فاز بالبطولة وانا وولد عمي ماجد جلسنا نضحك عليه هو واخوه وكل شوي يدق السيارة سلف ولا اشتغلت قال محمد الهلال اخذ الكاس والسيارة ماتشتغل والله قهر المهم بعدها صلحنا السيارة ورجعنا للبيت وانا وولد عمي فرحانين بالكاًس.
صدق لحظات لاتنسى في حياتي وحياة كل عاشق للزعيم واتمنى ان توعد هذه الذكريات
واسف على الاطالة .................
ملحوظة:
ياشباب لاتنسون ان المعلق الكبير محمد البكر كان احد نجوم ذاك اللقاء بوصفه الرائع للمجريات.