hellllooooo

اسمحو لينا على الغياب .. ظروف طارئه .. وراح تستمر شوي .. اسبوع زمان كدا ..

انس مبروك ..

بالنسبه للمباراه القادمه ..

استمرار غياب ماركيز .. ايقاف بويول .. وأوجاع في الظهر لـ توريه .. واصابة ميسي ..

هذي أهم النقاط حول اوضاع الفريق حاليا ..

في مباراة اتليتيكو مدريد .. جربنا الثلاثي .. روني - هنري - ايتو .. وكان فاشل مع مرتبة الشرف ..

ماادري هل صدفه كان الفشل .. او ظروف المباراه .. وانه الفريق ماكان في يومه ببساطه ..

لكن برأي .. علشان نستفيد من قدرات اللاعبين بالشكل الأمثل .. مانلعب بالثلاثي الا ذكرته ..

انييستا على الطرف الأيمن يظهر بصوره جيده .. لكن لاتقارن أبدا بالصوره اللي يظهر بها لما يلعب على الطرف الأيسر ..

جيوفاني مفيد لأداء الأدوار الخفيه والقتال على الكره والدفاعيه بشكل عام .. سواء على الطرف الأيمن او الأيسر .. وان كان على الأيسر يظهر بصوره افضل ..

اشوف ممكن نلعب بلاعبين بالوقت الحالي في مركز ميسي .. بوجان .. اللي اثبت كفاءته على الطرف الأيمن بشكل كبير .. وممكن نجرب قودي .. او حتى روني ..

افضل حل للمباراه القادمه برأي .. نلعب ببوجان .. اللاعب سبق ولعب في هالمركز .. ومتعود عليه .. واثبت نفسه .. والمباراه على الكامب نو .. فـ العامل النفسي افضل من جانب برشلونه ..

على مجريات المباراه .. ممكن ريكارد يجرب قودي .. او روني في مركز الجناح الأيمن .. وكل يدلو بدلوه .. او نرجع الى خيار جيوفاني .. مع التشديد على الأداء الجماعي اكثر .. واعطاءه الثقه اللازمه ..

وممكن ايضا المباريات القادمه نجرب خيار روني او قودي في مركز الجناح الأيمن ..

طبعا انا من بعد المباراه الأخير انسدت نفسي ولاتكلمت .. هو عموما المباراه لم يكن بها الكثير .. نظرا لاصابة ميسي .. اللي أثرت على كل من في الملعب صراحه .. لاجماهير سيلتيك لا برشلونه لا اللاعبين .. الكل خرجوا تقريبا من اللقاء ذهنيا لوقت لابأس به وكان كفيل بقتل جو المباراه ..

قرار اشراك سيلفينيو كان رائع صراحه .. السيلتيك لايملك الامكانيات الفرديه الكبيره .. والمباراه على الكامب نو .. وحجم الملعب يفيدنا أكثر .. وبالتالي اعطانا حلو هجوميه اكبر ..

سيلفينيو هالموسم رائع .. ومادري وش الا تغير عن المواسم الماضيه .. او حتى عن الموسم الماضي .. يعني ان كان على جيو .. جيو كان افضل منه .. واذا كان على التنافس .. ماادري وش تغير يعني .. ليش لما جا ابيدل حس على دمه ..

الصراحه سيلفينيو هالموسم يلعب بروح كبيره .. واتوقع لو فكر ريكارد بشكل جيد .. راح يستفيد منه بشكل كبير .. وممكن في يوم من الأيام يظهر في لقطه مؤثره مثل بيليتي ..

زامبروتا تحسن بشكل كبير .. وان شاء الله القادم افضل .. والله يبعد عن الفريق الاصابات بس .. ونشوف الفريق شحلاته ..

الغواصات الصفراء .. ماراح يغيب عنهم أي لاعب مؤثر .. كل مهاجمينهم المزعجين موجودين .. لكن ثقتي بـ تورام وميليتو كبيره ..

لا اعلم هل سيعود ابيدال للتشكيله الأساسيه هالمباراه .. او كيف .. انا واثق بالوقت الحالي من الاثنين سيلفينيو وابيدال .. وان شاء الله يكونو على حجم الموعد .. وزامبروتا زادت ثقتي فيه الفتره الأخيره .. واحس رجعت له الشراره لبذل الجهد الأكبر لمصلحة الفريق ..

أمور خط الوسط .. اتوقع .. اذا توريه ماتخطى ازعاجاته بظهره اللي ماادري من وين طالعه .. ممكن يلعب انييستا مكانه .. خصوصا وانه ارتاح المباراه الأخيره ..

خيار الزج بـ ادمي راح يكون غير صائب في نظري .. الا اذا الفريق كان منظم بشكل اكبر وقاتل على الكره كمجموعه وكفريق واحد .. فياريال يجيد اللعب على الأطراف والعمق بنفس الكفاءه .. بيليقريني ماراح تغيب عنه فكرة استغلال ادمي .. مثل ماعمل أقييري في المباراه الأخيره .. والتعليمات اللي تم اعطاءها الى ماكسي واقويري باستغلال العمق ..

بينتو .. ان شاء الله الموسم القادم تلعب ..

اتمنى الفريق يتخطى حاجز فياريال .. ونتخطى المباريات القادمه كلها بشكل ايجابي يارب ..

ونتمنى بكره الابن العاق .. يكون بار .. ويوقف الريال ..

المهم تقليص الفارق بأي شكل .. اليوم بكره .. المهم نظل قريبين من الريال .. ونستغل اي فرصه للتعثر ..

اعتقد مباراة السيلتيك ماكان بالامكان الحكم فيها على خط الدفاع بشكل كبير .. لكن اظل اقول خيار اللعب بتورام .. واستغلال خبرته .. شئ مهم .. هاللاعب من اذكى المدافعين الا شفتهم في حياتي .. ولازم نستغله في المباريات القويه .. ممكن نشوفه ثقيل احيانا او شئ خصوصا بالسابق .. لكن اعتقد هالموسم تورام تعود على الليقا .. تورام عنده مهارات في التحكم بالكره .. وتأقلم بشكل اكبر مع برشلونه .. وصار يعطي كل ماعنده في كل مباراه يلعبها ..

الله يستر من القرعه .. الأنديه الانجليزيه صراحة قويه جدا .. تملك كل شئ هالموسم .. لاعبين واجهزه فنيه على اعلى مستوى .. وان كان تشيلسي الاقل من ناحية الكفاءه الفنيه .. الأنديه الانجليزيه مزعجه لبرشلونه .. اي فريق يملك لاعبين اقوياء بدنيا .. يتعبو برشلونه ..

اتمنى الانديه الانجليزيه تقابل بعضها وتكسر في روحها واحنا نقابل فريق اسهل .. عموما الكل صعب .. فنربخشه وشالكه برضو موسهلين .. لكن ان شاء الله البارسا قدها وقدود ..

سلام .. .. وواصلو على جهدكم .. احبكم