نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || رابطة عشاق الشياطين الحُمـر || Kings of Premierleague .. Kings of Europe ||

hilalemooot · #6 07/03/2008, 05:10 AM

يالله حيهم يالله حيهم .. اقلطوا اقلطوا

سعود بعد تسبدي .. كلامك درر .. بس ما تلاحظ ان هالبطولة بالذات ما تعترف بالقوي واللي يسجل اكثر .. لاحظ ميلان الموسم اللي راح .. تقريباً تكتيكة كان مشابه للتكتيك اللي ماشين عليه .. ومحد كان مرشحة .. وكنا حنا الافضل تقريباً بشهادة الغالبيّة العظمى من ناحية المستوى .. لكن طلعنا فشوش بالنهاية

صدقني يا سعود فكرت فيها مثلك وقلت هالفريق مستحيل يحقق شي على هاللعب .. بس لما فكرت فيها وشفت الفرق الثانية اشوف ان مانشستر هو الوحيد اللي يلعب فيها بعقل بالإضافة لـ رومـا تقريباً .. اللعب الهجومي ما راح يكون حلّ .

بعدين انا ما أستغرب تعمد فيرغسون اللعب بخطة دفاعية .. يسويها الخبل

الرجال شكله ناوي يجرب الفريق لما يجلس تحت الظغط .. مباراة ميلان تذكر ظروفها .. لو كان عندنا محور صاحي زي هاري ما انتهت النتيجة كذا .. البلى ذيك المباراة فقدنا ثلاثة من خط الدفاع و زيادة عليهم محاورنا دفاعياً ماهم قويين كفاية

انت تعرفني متشائم

بس صدقني يا سعود اشوف بفريقنا مواصفات الفريق اللي راح يكون بموسكو بإذن الله .. بالنسبة للخطة اتوقع فيرغسون بيستمر عليها .. 4/3/2/1 .. افضل خطة في دوري الأبطال .. واللاعبين راح يتعودون عليها .. و إذا تعودوا عليها يا ويل الفرق ويلاه

نقطة ثانية بعد .. ترى فيرغسون ممكن مو مقتنع بالخطة .. يمكن كيروش مدخلها براسه .. تراه يسمع كلام كيروش واجد

.. ايام جيّة فيرون فيرغسون غيّر الخطة لـ 4/5/1 بفكرة كان بطلها كيروش .. مشكلة فيرغسون يثق فيه بزيادة

.. كلامي هذا ما نتقص فيه من كيروش .. بس رايي ان كيروش ينفعنا كشاف لاعبين ومطور لاعبين اكثر من انه يحط خطط .. عموماً لا تخاف .. فيرغسون هالموسم ناويها .. الجمهور يبي هالبطولة .. الإدارة تبيها .. اللاعبين يبونها .. فيرغسون قبلهم كلهم يبيها .. ليش ؟؟ .. علشان ذكرى تحطم الطيارة حقت ميونيخ .. انا متفائل .. الشايب لا حطّ براسة شي بيجي .. انا ماني خايف الا من شيئين مهمين لو وقفوا معنا محد بيوقف وجهنا .. نفتك من الإصابات + شوية حظّ يوقف معنا هالمرة .. البطولة تحتاج توفيق و حظ كبيرين قبل اي شي ثاني

نقاش ممتع سعود

شباب الله يعطيكم العافية كلكم