راكان _20_;

حياك الله اخوي راكان .. الموضوع موجه للجميع , ,



قرقاص

يا هلااا والله بأبي جنى

إقتباس هذا التهور من النوع المرحب فيه في منتدى المجلس العام خصوصا من عضو افتقدنا مواضيعه فترة طويلة

ما عليك زود طال عمرك

إقتباس الحمدلله هذي وحدة من فوائد غياب الخدم اتقان الطبخ وهذا الشي ستجنين ثماره مستقبلا اذا وفقك الله بابن الحلال لأن مفتاح قلب الرجل معدته

يا ابن الحلال لو إنها على الطبخ كان هانت , فمن خلال خبرتي بشؤون المنزل تلك الفترة ,, أرى أن المشكلة العويصة في التوابع وليس الطبخ ,

إقتباس ماحد راح يحس في معاناتك كثري !!! تدرين ليش لأني مريت بنفس الحالة لما كنت طالب بالجامعة وفي اليويك اند اسافر لأهلي واذا جاء يوم الجمعة وقرب الرحيل احس بالغلقة واقوم افتح قناة السودان واتابع ملخص الدوري هناك رغم ان الصورة ماتكون واضحة وقت الهجمة بسبب الغبار اللي يصير داخل منطقة الستة عشر

يالله هانت وجتك أم جنى ,, عقبال ما تهون عندي ويتصلح النت
مع الفراغ الواحد يتابع أي شي , حتى اني اكتشفت قنوات جديدة ما عمري شفتها قبل كذا وتوني أدري إنها على النايلسات

إقتباس اما بالنسبة للخدم فهم شر لابد منه في بعض البيوت الكبيرة لكن اللي ماله داعي شخص هو وزوجته وماعندهم الا طفل واحد والزوجة ربة بيت يعني ماعندها دوام وساكنة بشقة او دور تجيب خادمة ليش !!!! فيه حريم يحسبونها وجاهة !! ومادروا انها عاهة !! الخادمة تقيدك في بيتك خاصة اذا كانت من النوع الملقوف واللي تذب عينها واذنها في كل مكان !!!

أنا معك في كلامك اخوي قرقاص , خاصة لما يكون البيت صغير يعني شقة أو دور لأن حتى المرأة تضطر إنها تتقيد كثير ,, لكن البعض ما يقصد فيها وجاهة بقدر ما تكون البنت فعلاً محتاجة لخدامة خاصة لما يكون طفلها غثيث وصياح ولا تروحين وتخليني . فما تقتدر تسوي شيء !!

إقتباس بالنسبة لي ماعندي خادمة ولاأفكر أجيب من كثر اللي نسمعه عنهم وعن مصايبهم:bigeek:

خلاص عندك طفلين المفروض تجيب خدامة تساعد أم جنى وتخفف عنها ,, الله يكون في عونها وش تسوي ولا وش تخلي ,, تقابل هالبزران ولا تطبخ ولا تنظف ولا تقابلك

إقتباس وفي انتظار الجزء الثاني

قادم بإذن الله وفي انتظار تواجدك الآخر
وألف مليووون شكر يا ابو جنا على التواجد والتفاعل الجميل ,



فرصه ضايعه

يا هلا والله وغلا بفروصتنا

إقتباس ياهلا وغلا ماستنا ... جعله دوم ماعندكم خدامة عشان تكتبين لنا معاناتك .... أجل للحين أنتي في بيت جدتك ...

أبشرك رجعت بيتنا ,, بس بعد ما ضبطت "نتهم" ,, مشكلتهم ابسط من مشكلتنا
بعدين استغفري ربك على هالدعوة ترى ربي بيقلبها عليك

إقتباس والله يالتوقيت كان مالأمه داعي .... تعرفين في عز البرد وأيام الأختبارات الواحد ماوده يتحرك من الدفايه ووشلون عاد يغسل المواعين :(...

والله معاناة مع غسل المواعين , خصوصاً مع الصقيع إللي جانا ..
تخيلي على ا لرغم إن السخانة مشغلة لما أغسل المواعين واطلع يدي من الموية على طووول تجمد والله احس اصابعي شوي وتتكسر وبرزت العروق وصار لونها أزرق صرت احط عندي بادية فيها موية حاررة كل ما اغسل شوي اغطس يدي فيها ,

إقتباس ننتظر باقي الأحداث والخدامات شر لا بد منه ... تعودنا على الراحه الجسديه بس معهن مافيه راحة نفسيه

ابوي يقول احس براحة نفسية في البيت ,, والله مدري عنهم مقدمين ولا يلعبون علينا , مدري ليه تأخرت

إقتباس لا تبطين علينا واعذريني على ردي المحيوس ... بس كتبته على عجالة لأني عارفه لو طلعت منه ماراح اكتب رد وعاد الماسة متى تكتب موضوع

لا عادي يالغلا كل شيء منك حلووو , والموضوع الثاني بينزل إن شاء الله بس الردود وقفتني شوي
والله يعطيك ألف عااافية يالغلا على التواجد الذي أسعدني وننتظر تواجدك الثاني بعد الجزء الثاني




الكــلاسيكي
يا هلاا بك كلاسييكووو زميل المهنة

بعدين الخدامة هذي هي وظيفتها .. يعني قاعدة تاخذ راتب من شغلها ,, لكن انا هذي مو شغلتي ,,
بعدين هي كانت مدللة معها وحده تساعدها !! بس من سوء حظنا كل الثنتين باااح
وكل شيء عشان خاطر الواالدة يهووون

كلاسيييكووو سعدت كثيراً بتواجدك