السلام عليكم


بسم الله نبدأ

اول شي احب اقولك انك الله يهديك خليت الموضوع يتفرع كثيييير,,,تطلع من موضوع وتدخل موضوع

____________________

إقتباس أولا : ليست المره الأولى التي يهزم البرشا بالأربعه وليكن في معلومك أنني أكثر أنسان أتقبل الهزيمه كما أفرح الفوز.(لأن هذا حال الكوره فوز وخساره).

شي كويس انك تتقبل الهزيمة ولا تعطيها اكبر من حجمها بحيث انها لا تتعدى خسارة وكل فريق يخسر,,,بس موضوعك يدل على غير هالشي


لان الموضوع ماله هدف بهالوقت وواضح انك كنت مضغوط جدا باسلوبك بالموضوع والعنوان,,,يمكن من الهزيمة او من شي ثاني الله اعلم


الفيفا سلم الجوائز قبل اكثر من شهرين وانت توك تتكلم عن هالموضوع والناس تكلموا في هالموضوع من زمان وملوا منه بعد,,,بس ارجع واقول توقيتك غريب

______________________________________

إقتباس ميسي أصبح أسطوره منذ أن صعد على منصات الفيفا واستلم الجائزه.

هذا وهو اخذ الثاني,,,اجل لو اخذ الاول وش بتقول اتوقع تقول انه ما مر ولا بيمر على كرة القدم افضل منه

إقتباس ولاتقول لا ومدري أيش(شوف هنري لم يحصل على جائزة الأفضل وهو من الأساطير(مع منتخب بلاده ) تقدر تنكر؟)

ياخوي اولا هذي احد الاشياء اللي طلعت منها برا الموضوع لان تشبيهك وتمثيلك غريب الصراحة لكن برد عليك


هنري الان عمره تقريبا 31 سنه يعني عمره الرياضي اكثر من نص عمر ميسي عشان كذا تقدر تحكم على اللي سواه هل هو اسطورة ولا لا لكن ميسي ماله الا سنتين بالملاعب بس

اوضح لك اكثر: هنري له الان يلعب اكثر من عشر سنين وقدم الكثير للارسنال وفرنسا بغض النظر عن هل هو اسطورة او لا لكن الواحد من خلال العشر سنين اللي قضاها بالملاعب يقدر يحكم عليه
^
^
^
ان شاء الله يكون واضح الكلام

______________________

إقتباس على فكره هنري حقق الدوري مع الأرسنال ولم يحصل على الجائزه! وعلى نفس المنوال فانيستلروي مع المان؟ ولاتنسى دروجبا مع تشلسي؟

معليش ياخوي بس اذا بغيت ترد على اي موضوع كان لازم تقرأ الموضوع زين

انا لما تكلمت ان اللاعب اللي ما تحبه كان السبب الرئيسي بعد مشيئة الله طبعا في تحقيق الدوري,,,كنت اذكر لك تأثير اللاعب على الفريق

ما كان قصدي مثل ما فهمت انت,,,انه اي لاعب يحقق الدوري مع فريقه لازم ياخذ افضل لاعب بالعالم

ولا لو على كلامك كان يقسمون افضل لاعب بالعالم 7000جائزة واول من بياخذها اوشيه

عشان كذا اقولك ركز باللي تقراه وخلك هاديلانك فسرت كلامي بطريقة غريبة وانا متأكد لو انك هادي ومركز كان فهمت اللي اقصده



الا وش رايك اوشيه يصلح يصير اسطورة من وجهة نظرك ومعاييرك؟ امزح ترى بس بغيت الطف الجو

____________________

إقتباس أما بخصوص السرعه فأن ماقلت ميسي اسرع من نجمكم لكن ميسي يتحكم بالكره مع السرعه بطريقه أفضل من نجمك وبالنسبه للسرعه مافيه أمل لاعبك يكون أسرع من هنري الذي لم يحصل على الجائزه.

على ما اظن انك قلت ميسي اسرع من نجمنا لكن ارجع واقولك انك تطلع برا الموضوع كثير

ولا لو على نظامك بقولك هادي صوعان اسرع من هنري وهادي صوعان لم يحصل على الجائزه


______________________

إقتباس أما حكاية تفريط برشلونه في المركز الأول فأنا أنصحك ترجع تشوف المباريات مره ثانيه ميسي لم يقصر وكان يسجل ويصنع الأهداف لكن عندنا حارس والله لو ينتقل لفريقك فسوف يتراجع في ترتيب دوريه. ولاتنسى أنه كان سبب خروج البرشا من دوري أبطال أوربا

ياخوي بالله طلبتك اذا بغيت ترد لا تطلع برا الموضوع,,,حنا موضوعنا عن لاعبنا اللي ما تحبه ولاعبكم اللي بتخلي الناس ما يحبونه بسبب مواضيعك

انا وش علي من حارسكم,,,يعني لو حارسكم بوفون ولا كاسياس ولا فان دير سار كان صار ميسي الاول؟

ابي اسألك كم هدف سجل ميسي الموسم الماضي؟ واذا تبي تزيد عليها اهداف هالموسم ترى ما عندك مشكلة
_____________________________


على فكرة ياخوي لا تنسى تركز على النقطة الاساسية بالموضوع ولا تطلع برا الموضوع

وترى فيه اشياء كثيرة اقدر اطلع فيها برى الموضوع لكن انا ودي يكون حديثنا عن نقطة وحد ولا ودي بالتفرع




ولا تنسى ان الاختلاف في الرأي لا يفسد للود قضيه وابيك تاخذ كل كلامي على انه من واحد من اخوياك وليس منه واحد ضدك او بينك وبينه مشكلة عشان يكون الموضوع هادي وهادف




واعذرني اذا فيه شي يزعلك بالموضوع,,,وانا اسف مقدما اذا فيه شي يزعلك


في امان الله