نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ][ رابطة عشاق برشلونة ][ ][ 2007

PUYOL Carles · #5 28/02/2008, 03:55 AM

هارد لك ومبروك وميغسي بوكو والحمدلله على التعادل

مباراه ممكن يكون طعمها مر بالتعادل .. لكن منطقيا حلوه وسكر وعسل على قلوبنا .. ماراح اقول فالنسيا محظوظين .. اقولها ومقتنع هم يستاهلو يطلعو بشي من المباراه .. حتى لو الفوز .. لكن مومعناتها احنا مانستاهل .. احنا عملنا كل شي .. لكن اصطدمنا في اوقات كثيره بالحارس .. وايضا فالنسيا قاتل بتنظيم دفاعي جميل يعتبر ..

فالنسيا قدم 90 دقيقه ممتازه .. وقفل منطقته بشكل جيد .. ومن الخطوط الأماميه .. راؤول البيول كان الفارس المغوار لخط الدفاع .. وبانيقا ومادورو كانوا جنود في خط الوسط ..

لاعبين كثار ظهروا بصوره مغايره من جانب فالنسيا وكانوا حاضرين بدنيا وذهنيا بشكل قوي .. ممكن اهم واحد كان مستواه غير العاده موريتي .. وهيلقيرا ..

كومان لم يرد ولن ولم يعطي أي بوادر امل لفتح الملعب .. وحبس المواهب الا عنده لأداء الأدوار التكتيكيه اللي كان حاسبها ..

لن اقول تكتيكنا فاشل وتكتيكه ناجح ..

حنا استطعنا اختراق الحواجز الدفاعيه مرات عديده وهاالشي جيد .. ولكن لم يكن هناك حسن استغلال للفرص ..

هي جمله واحده فقط طبقها فالنسيا بشكل كامل وصحيح واتى منه الهدف .. واستغل غياب التركيز في تلك اللحظه وايضا المساحه .. التحرك الا عمله فالنسيا في الهجمه ممتاز .. وكم لاعب خرج من التكتل الدفاعي وهجم في هجمة الهدف .. كان شئ يحسب الى كومان ..

الشي السلبي في الفريق من الناحيه التكتيكيه اليوم .. كثرة التمرير الخاطئ .. وبعض الاغلاط في الجمل الجماعيه .. اكيد ضغط فالنسيا كان له دور بحدوث مثل هالأخطاء .. لكن بعضها كان واللاعب فاضي .. وهذا الشئ المزعج .. عموما فيه لاعبين قدموا مجهودات كبيره مثل زامبروتا وتوريه .. تشافي دائما مبدع .. وايتو الرائع .. وميسي اكيد .. كل الفريق ماقصر صراحه .. لكن افتقدنا فقط للتوفيق .. واتى الهدف ممكن بصوره غير شرعيه .. لكن هذي حال كرة القدم .. مابيدي شئ .. كله مكتوب ومقدر من الله سبحانه وتعاله .. سواء عجبني والا ماعجبني .. عجبهم والا ماعجبهم

.. اللهم لااعتراض على كل حال وراضيين بقسمته ونصيبه اكيد ..

تبديل ديكو وهنري اعتقد كانوا صحيحين .. لكن في هذي المباراه بالذات كنت اتمنى يكون قودي موجود مكان بويان .. مباريات اقصائيه .. احتمالية اللعب المقفل والشد العصبي وارد .. ونحتاج لاعب خبره .. ويتحرك تحركات مزعجه وقوي بدنيا اكثر من موهبة بويان .. الكرات العاليه تفوق فيها فالنسيا تماما ..

تبديل اريزمندي كان جيد من جانب فالنسيا .. وازعجنا كثيرا .. بقوته البدنيه ..

عدت على خير هالمباراه .. واكيد البعض بيقولو فيه عندنا حظ .. و ممكن توصل الى غش تحكيمي .. لكن احب اقول .. الكوره دواره .. ممكن بكره احنا ننظلم .. واكيد احنا انظلمنا هالسنه في اي قرار تحكيمي سواء أثر أو ماأثر على الفريق .. المباراه بشكل عام الحكم مشاها صح .. حتى لو في تدخلات بدنيه كثيره وبعضها غير شرعي ممكن .. لكن كانت ضمن اطار طبيعة المباراه ..

عموما اعتقد الا صار اليوم ممكن يكون للانصاف في حق الفريقين .. هدف تعادل في وقت قاتل جدا .. لكنه كان مستحق وبجداره .. عطفا على الفرص اللي خلقناها ..

الحين التركيز على مباراة اتليتيكو مدريد .. اتمنى تمر على خير .. الهدف اللي تم تسجيله اليوم يرفع من روح الفريق بشكل كبير .. وان شاء الله نفوز ..