//
//


ما شاء الله تبارك الله . . عميدنا أخيرآ فكر أنه يجي و يسير علينا بعد طول غياب . .

ولا وبعد الله من زين الوقت إلي مسير علينا فيه . . الساعة 8 : 03 الفجر . .

. .

بس عاد وش سالفتكم أنت و فرصة ضايعة . . كلكم طولتوا الغيبة ثمن جيتوا لنا

بموضوع عن السرقات . .

لا يكون بس أنت خال فرصة ضايعة ؟؟ >> ( الخال هو هو أخ الأم )

. .

لا من جد السرقات صارت كاثرة هاليومين حسب كلام الناس . .

بس حنا أشوى و لله الحمد ما حصلنا شيء

. .

إقتباس السلام عليكم

وعليكم السلام ورحمة الله وبركاتة >> بدري .. بعد كل هالمقدمة توه فكر يرد السلام


. .

إقتباس مسألة انه يكون عدد من السرقات في مختلف المدن .. نقول شي طبيعي ..! اصابع يدك مهيب سوا .. وكل شعب فيه الخير وفيه السافل ..! لكن مسألة ان السرقات تكون بشكل كبير وفي كل المدن ومن مختلف الاعمار والجنسيات ؟!! وما شفنا حل ولا شي ؟؟!! هنا اكبر مشكلة ؟!

الحل و أنا أخوك بسيط و لا يبغالة إختراع صاروخ . .

. . شغل السيف . . وقطع من اليدين . .

وخل هالحرامية يعرفون أن الله حق . .


. .

إقتباس حوادث السرقة انتشرت بشكل كبير .. سرقة السيارات المحلات الجوالات وغيره وغيره ..!! الواحد صار ما يرتاح في اي مكان ويقول الله يستر بس .!! سواء كنت في البيت في الإستراحة حتى في الشغل تشيل هم .!!

أسباب أنتشار السرقة أعتقد أنك ذكرتها لكن لا مانع من إعادتها . .

1ــ عدم توفر الوظايف . . يعني واحد ما عندة و ظيفة و طفران . . بإعتقادك وش راح يسوي

في هذي الحالة ؟؟ . . أكيد بيروح يسرق !!

2 ــ ضعف الوازع الديني . . يعني واحد لا يصلي و لا يصوم و لا يعرف ربة . .

هذا من بيكون خوية ؟؟ أكيد بيكون خوية ابليس و العياذ بالله . .

لذلك يصبح ما يفرق بين الحلال و الحرام . . ولا بين الحق و الباطل . .

و برضة للأسف ضمائر بعض الناس صارت ميتة . .

3 ــ أعتقد أن عدم شكر النعمة إلي كنا فيها من أسباب هذا البلاء . .

لكن ما أقول إلا يالله يارب تصلح حالنا وتهدينا . .

إقتباس صار الواحد يخاف حتى وهو في بيت الله ..!! صار الواحد ما يرتاح في اي مكان حتى في بيت الله ؟؟!! صار الواحد يشيل هم حتى في بيت الله اللي هو أساس لراحة البال والنفس ؟؟!!

المشكلة السرقات مب بس بالمساجد . .

ألا حتى الحرم المكي ما سلم من السرقات . .

وياما ياما سرقوا شباشبي و أنتم بكرامة . .

عشان يبوني أشتري من البسطات حقاتهم إلي خارج الحرم . .

وطبعآ هذا غير سرقة الجوالات و الشناط و إلى آخرة . . ويا قلب لا تحزن . .


. .

إقتباس احد الاخوان سرقت سيارته وراح يبلغ عنها ..! قالوا صف سرى مع هالناس كلها تبي تقدم بلاغ عن سرقة سيارة ؟!! بعد ما سأل عن عدد البلاغات اللي تقدمت لليوم هذا بس ..! قالوا له 35 سيارة ..!!

فرصة ضايعة تقول أن العصابة إلي سرقوا سيارة خالها . .

سرقوا 6 سيارات في ليلة وحدة بس . . و هنا أترك لك المجال للتعليق . .


. .

إقتباس احد الاخوان ينقل سالفة عن ولد عمه .. اللي سرقت سيارته من قدام بيته واول ما بلغ الشرطة .. قال اني اشك انهم ارهابيين ..! لاني من يومين وانا اشوف شخصين يدورون بالحارة واشكالهم من الارهابيين ..! حبيت ابلغكم عشان اذا صار شي ابري ذمتي ..! وشكلهم ناوين فيها عمليه والا شي ..! ما كمل على بلاغه 4 ساعات الا الشرطة متصلين عليه يقولون له لقينا سيارتك ..!! وهو من الاساس ما يدري من سرقها ولا شي ..! بس حب انهم يلقونها بأسرع وقت ..! يعني لازم نبلغ عن اي سرقة ونقول ارهابي عشان يجيبون لنا السيارة ؟؟!!

( ) + ( ) !!


. .

إقتباس الله يحفظنا وإياكم من كل شر ومن كل من به شر .. دمتم في حفظ الله ورعايته ..

اللهم آمين . .


. .


عمومآ عزيزي صدى الأمس . . موضوعك ورغم واقعة المر . . إلا أنه كان في غاية الروعة . .

و ما زادة روعة على روعتة هو طلتك البهية علينا بعد طول غياب . .

. .

لك مني أرق التحايا و أعذبها . .

وتقبل مروري بصدر رحب . . وشكرآ . .





القيصر بكنباور ورده




قفلة :

إقتباس عميد المجلس العام

إقتباس صدى الامس احد يبي يعترض ؟؟! انا احب نفسي وبحط لي قلب ؟؟!!

إلا يالغالي كلنا نحبك و تستاهل قلوب . .

بس يا خي كل ما أقرى كلمة عميد أحس أنك إتحادي

وشكرآ مرة أخرى


//
//