السلام عليكم ورحمة الله وبركاته
المملكة .. فكرة موفقة وجميلة .. لطرح قصائد تستحق القراءة ..
قصيدة للشاعر صالح السكيبي .. غزلية .. طرحها في شاعر المليون الموسم الأول .. ولاقت رواجا كبيرا ..
لدى اللجنة أولا والجمهور .. وقال عنها الدكتور غسان إنها ( من أروع ماسمع في الشعر النبطي ) !!
استمتعوا جميعا .
هذا ثمر قلبي تدلى قبل يآتي .. موسمه
....................................... .مدي يدينك واجمعي فرقاك .. من عذق العتب
أنا ثملت من الفراق .. اللي خذا وجهي سمه
.............................................. شوفي ملامح غيبتك تقرا قبل .. لاتنكتب
في وجهي الشاحب .. وفي آهات صدري ونسمه
......................................... في ناظر عيون ٍ هميل الوجد منها .. ينسكب
يا نور لحظات ٍ غدت من دون وجهك .. معتمه
...................................... وينك ؟ بدا هذا الحنين .. بجوف صدري يحتطب
ياحب ٍ اجتاح الضلوع وفج قلبي وقسمه
.................................. نصفين .. وأزريت اجمع النصفين وغيابك .. سبب
حب ٍ بقى لو واقعه مره بحاليه صدمه
................................ عشق ٍ حيا رغم العطش في روض روحي .. معتشب
ليت الغلا ذنب ٍ تجناه الخفوق .. ويندمه
........................................ وليت الصبر جرم ٍ اليا طاولت همي .. يرتكب!
إلى متى ؟ وأنا أهين الوقت وارجع .. واحشمه
........................................ وأنا على رجم الوصال اشرف وانادي وارتقب
يـ ام العيون الفاترات الناجلات .. المغرمه
.................................... يا من رموش عيونها تشكي سبب .. عكش الهدب
يامبسم ٍ له ضحكة ٍ تنطق بشي ٍ تبهمه
................................................. يانبرة ٍ لامن حكت كل المعاني تنقلب
ياللي خذيتي خافقي .. قبل اعرفك .. واقدمه
.............................................. ياللي غيابك لحن ٍ تغنيبه أعواد القصب
عودي على قلب ٍ طواه الهم .. والشوق هزمه
.................................... قلب ٍ معك غنايمه ضاعت ولا ادري .. وش كسب؟
أنا انتهيت .. وشوقي بصدري بدت له همهمه
....................................... جمر انتظاري سَمدت ناره .. وانا صرت الحطب
حتى ثمر قلبي تدلى قبل ياتي موسمه
...................................... هزي طرف جذعه تساقط لك من عذوقه عتب 
وللحب شجنٌ !! {النمر15} 