نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - تعادل الارسنال 2-2 .. تعال شف اللاعبين وش سوو بعد المباراه !!

قلبي مملكـة والهـلال يملكـة · #2 24/02/2008, 01:31 AM

تعليق على موضوعـك بس بالنسبـة لمباراة الأرسنـال اللاعبيـن يبكون موب علشان التعادل
علشان اللاعـب اللي جتـه اصابـة أثرت عليهم وأثرت حتى على المدرب

... الله يبعد
عن لاعبيننـا الإصابات << مملوحيـن بلا اصابـة بالإصابة وش يغدون

....
نرجـع للموضـوع :::
بالنسبـة للهـلال أمـس ... صراحـة ماأعتبره مباراة كأنـه ( حلـم ) من شيـن مستواهم

..
من متى الهلال يلعب بالشكل هذا

؟؟؟؟
المدرب مايلام ...صحيح ان الفريق كان محتاج ( ياسر والتايب ) بس الى متى نوقف نتايج فريق
الهلال عليهم؟؟ من متى والهلال يوقف على اسم أو اسميـن ؟ كل السنوات اللي راحت والجمهور
يقول الهلال مايوقف على لاعب وش جانا الموسم هذا حملنا ( ياسر والتايب ) حمل الفريق كله !!!!
لو المدرب حط التايب وياسر أساسيين أمس ولا سمح الله واحد ماقدر يشارك قدام
الشباب وش تبي تقولون ياللي تطالبون بياسر والتايب بكل مباراة ؟؟ وش راح
تكون ردة فعلكم ؟ أقل شي تبي تقولونه ليش يلعبهم مع القادسيـة أساسيين وعنده مباراة
مهمه مع الشباب << وش تبونه يسوي يعني !!!!!!

مستوى أمس يقهر

... الواحد كأنـه مغصوب يدخل يلعب

..
وين الجمهور اللي يقول عطوا اللاعبيـن فرصـة ؟ هذا المدرب أمس عطاهم فرصـة وش استفدنا ؟
هذا اللي انتم شاطريـن فيه اذا فزتوا طيرتوا اللاعبيـن فووووق ونسيتوا المدرب وإذا انهزمتوا
ولا تعادلتوا نسيتوا اللاعبيـن وحملتوا المدرب كل شـي !!!!
المدرب وش دخلـة ؟ المدرب سوا اللي عليـه دربهم وعطاهم خطـة وش باقي يدخل هو يلعب ؟؟

زي الشلهوب << مباراة كاملـة أمس مع فريق موب ذاك الزود وتعتبر هي أسهل مباراة بالنسبة للباقي لنا ماشفنـا أي شي يذكـر !!!!!

مسفر << من مباراة النصر أبي شي زيـن مالقيـت حتى التمـاس موب مضبوط !!!!!

الخراشي << شوط كامل ماشفنا منه الا ( سقوط ) بمنطقـة الجزاء !!!! لكن ماتلام من بدايـة الموسم
مع الأولمـبي وفجأه تلعب أساسي بمباراة مهمه زي أمـس

....

زيـن انتهت تعادل بعد لو الحارس موب الدعيـع كان جايبيـن العيــد من زمـان ....

....

فريق الهـلال حاليـا خمس لاعبيـن ( الدعيع .. تفاريس .. عزيـز .. التايب .. ياسر ) إعتماد الفريق
ككل على هالخمسـة اذا غابوا راحت النقاط والمستوى ....الشكوى لله من متى الهلال كـذا

...

استهتـار بالخصـم + لعب بدون روح + ثقـة = تعـادل أشبـه بالهزيمـة < وهذا اللي شفناه من لاعبيننا ومدربنـا أمـس

.....

الدوري ماضـاع الى الحيـن بـس باقي أمل ( بسيــــط ) موب زي أول