الموضوع:
تعادل الارسنال 2-2 .. تعال شف اللاعبين وش سوو بعد المباراه !!
مشاهدة مشاركة بصفحة مستقلة
#
14
23/02/2008, 11:12 PM
هلالي للابد !
زعيــم متألــق
تاريخ التسجيل: 31/03/2003
المكان: نادي الهلال
مشاركات: 1,256
إقتباس
الرسالة الأصلية كتبت بواسطة
دارت فيني الايام
تشوف انت
اقسم بالله قهرني ياسر يوم جلس يطقها سواليف وضحك مع لعيبة القادسيه
ياخي حس تكفى حس بالفنيله الي انت لابسها
مباراة الاهلي ماقلنا شي بكيت وهذا زاد حبنا فيك
ياناس ياعالم جالسين بالمدرجات ننتفض من البرد ونص اللعيبه مافيه قلوبهم احساس
طاقينها سواليف
تراه مو مضيع اللاعبين الا بعض الاعضاء الي يجلس يدافع عنهم
حنا مع حب اللاعبين بين بعض وعلاقاتهم ولكن مع احترام الجمهور
يعني انا جمهور حارق دمي وجالس اصارخ واشجع وبردان والقى ياسر يضحك ومستانس ويعزم خويه مب قهر لي ؟؟
اما مواضيع الاعضاء حدث ولا حرج
امس متعادلين وواحد منزل موضوع هدف ياسر ضد الاهلي بصوت فلان !!
ياولد الدوري بيروح وانت للحين تفكر بهدف ياسر الاهلي
للاسف مثل هالعقليات هي الي خربت كيان الزعيم
إقتباس
الرسالة الأصلية كتبت بواسطة
الكبيتانو
والله لعيبتنا يلعبون عشان الفليسات والشهره والتميلح قداام الشاشات ...
امااا اللاعبين العالمييين يلعبون من اجل الكرة فقط ومن اجل الفنيلة
وعلى فكره ترى لعيبتناا عندهم اشباااااااااااااااه لاعبين .................
هذا الكلام
لاعبين عالمياً كبار ومشهورين ومع ذلك ظهورهم نادر بالتلفزيون والجرائد والمجلات وبالعكس فيه لاعبين اعتزلوا وحنا مانعرف عنهم شي
لكن عندنا هنا تعال شف سياره اللاعب فلان لبس فلان حلاق فلان غرفه فلان تلفزيونه مدري ايش
يعني انا كمجهور هلالي وش استفيد من هالشي !!
إقتباس
الرسالة الأصلية كتبت بواسطة
حبيب روح الزعيم
وشلون تطالبون بشباب ودماء جديدة والامور كلها واسطة في وااسطة اولهم ( مسفر القحطاني، عبداللطيف الغنام، عبدالعزيز الهليل، محمد العنبر ) والأسماء كثيرة
وما نقول الا الله يعين ويستر
الواسطه موجوده بالزعيم من مبطي
والدليل كل لاعبين الفريق الاول موجودين عيالهم واخوانهم وعيال عمهم بالاولمبي !!
اما الغنام والهليل انا اختلف معك فهو نجوم الغنام محور ولاعب كبير والهليل مدافع عالمي ولكن ماعطي الفرصه
إقتباس
الرسالة الأصلية كتبت بواسطة
فهومي
والله الفرق بس
لاعبينا ضامنين الراتب وماضن يعشقون فريقهم
وان شاء الله يعوظون في المبااارااة الجايه
كل الناس تعشق الراتب
لكن وين الاخلاص والامانه هنا مربط السؤال !!
حسن العتيبي امس قدم مباراه من اروع المباريات فيها من الاخلاص لفريقه الجديده ماقال والله هذا الهلال لازم افلتلته لان الموسم الجاي انا معهم
بالعكس لعب عشان فنيله القادسيه وكان نجم المباراه
إقتباس
الرسالة الأصلية كتبت بواسطة
mo7amy
يـــعـــطـــيــــــــــــــكــــــ العــــــــــــاافـــيـــه
يعافيك
هلالي للابد !
مشاهدة الملف الشخصي
البحث عن كافة المشاركات التي كتبت بواسطة هلالي للابد !
