نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ]||[ تــجــمــع اعـضـاء الـمـجـلـس الـعـام فـي روضـة خــريــم ]||[

leo messi · #9 18/02/2008, 07:34 PM

باك

والله ياسالم ورحت انت واخوياك ضحيه لـ ذبات ( مغــاط )

هههههههههه مدري ليه حسيت انهم على هالتركيز ووضعية الانبطاح .. ان طريدتهم والفريسة (( هي قواطي شل سوبر ))

أما الطرفاني أبو شماغ .. كنه بزر قراوى قاعد يناظر (هايدي) .. !!
لا ومن زين الطبايع معه قارورة موية صحة.. الا ورا ما طلب (عصير طبقات ) بعد؟!! أنا من شفت هالخلاقين اللي هو لابس وأنا غاسلن يدي !! وبعدين وش في سيقانه كذا كنها (رجلين اصطناعية) !!
وعلى ربطة هالراس اللي يشوفه يقول ( حفـّـار قبور) موب رايحن يقنص !! بالله موب كنه ((ابو عيسى )) ذاك المنلحس ((صديق على الكندرة)) اللي يقول ما علي من الناس انا وبس!! لا خويكم ابو شماغ ذا لحاله (حادث) !! بس علموه المرة الجاية اذا جاء يطلع (قنص قواطي) خلوه يلبس (فروة .. ودسوس يدين .. ويجيب عربة يجرونها كلاب) !! لعنبوك اللي بالاسكيمو (القطب المتجمد) مالبسوا زيه !!

أما ابو شعر ذا اللي ماسكن (ام صتسمه = الساكتون) .. بالله دققوا في رجلينه !! من شفته فاتح رجوله كذا وأنا داري ان (القوطي) سليم ما فيه ولا (رصاصة) !! على فتحة هالسيقان .. اللي يشوفه يقول في يغوص في المحيط الاطلسي ولاحقه قرش مطفي الانوار !!
أنا من شفت (منشاب) الساكتون ملفلف عليه (شطرطون أحمر) وأنا داري ان ذا الساكتون ما تذبح (حوقلة) .. " الحوقلة طبعا هي أنثى الحبارى <<---- يريش بهم يبي يحسسهم انهم صدق حقين قنص " !!

طبعا ثالث واحد انبطاحا من اليسار .. ما أدري ليه طالع معهم !! أحس انه هو راعي الساكتون وذالهم !! لا معه لا دربيل ولا لبس حق الاسكيمو .. ولا موية صحة !! والمشكلة هالنوعية يطلعون معك ويبلشونك .. " يالله تكفى دوري ابرمي " والله تراني اعرف!!

وكل ما اوفيت لك شوي .. جاك يسمعك .. (يالله تكفى متى يجي وقت رميتي ) !! ويحوم كبدك في الطلعة كلها !!

أما الاخير .. هو وهالدربيل اللي يشوفه يقول (هتلر) موجود وراء الشجرة اللي قدامهم !! وهو يبي يحدد الهدف !! عشان ينتفونه !! تدرون وش العن شي يا ناس ؟! أنك تحس انك في الصاعقة

.. وهذا اللي ينطبق على خوينا .. !! الحين هو يناظر في دربيل والا يطل مع (عين سحرية) .. بس شماغه وهو على الكتف .. تحس ان خواله فلسطينين ..و أتوقع بعد شوي يبي يقوم يرجم القواطي بـ(حصى) !! ويبي يشب بكفر ويذبه !!

أنا ما غبنّي الا ذا اللي في السيارة !! مسوي مسيطر على المنطقة في (الكنود) !! وحسيت انه اخو راعي الساكتون !! وجالسن في السيارة لانه ما يحب (الشمس) !! وحسيت انه مشغل اغنية (( زماني يا زماني يا زماني .................. اعلمه الرماية كل يومن فلما اشتد ساعده رماني)) ومشكلة هالنوعيات .. ذوقهم غريب .. ترا عادي بعد شوي يقول لهم يا جماعة مشتهي (مشكل فلافل بدون طحينة وشوي شطة) !! هالنوعيات عليها (طلعات غريبة) .. وتراي ما أفهم اذا ما صارت (ميدالية مفاتيحه) بوصله !!

..

عسى منتب معهم بس

!!

عواااافي مغاط على الذبات الحلوة

وان شاء الله نشوفك بالمجلس قريب ..!!

انتظروا الجزء الثالث .. فيه سحب على سيارات << يسمع بالاثاره

.