الجزء الثاني

المشهد السابع

الساعه الان 8 الصباح ، كنت جالس انا وابو طلال وابو صقر وماجد مقبل برا الخيمه ، وباقي الشباب راحوا يكملون نومهم " الجيل التالي " ، المهم وصل ابو طلال اتصال من مولع بالهلال " متعب " يسلم علينا ويعاتبنا على اننا ما قلنا له ، وبعد اخذ وعطى حلفنا الا يجي ، ووافق بس يقول بـ يجيب معاهـ بعض الشباب ،

قمنا انا وماجد في ترتيب المكان وبناء خيمه لـ الضيوف " اللي ما نعرف كم عددهم " ، بعدها سمعنا صوت واحد يصيح بـ قووووووة ، والصوت طالع من خيمه الشباب ..!!

رحنا نركض انا وماجد ، وابو طلال كان جالس يتقهوى ويوم سمع الصوت " فّز " وناوي يروح لـ الخيمه ، بس كل ما قام طاح في مركى ولعب في الجلسه الله يهديه " كل هذا حب في الشباب وخوف عليهم " ، وصلنا للخيمه الا وسلطان ويسلم " المشاغب وليو ميسي " اهم من اصدر الصوت حاولنا نشوف وش المشكله ، ونحلها تدرون وش سبب الصوت ..؟؟

كان سلطان ويسلم نايمين جنب بعض ، ويسلم من الشباب اللي اذا نام في مكان يصحى في مكان ثاني ، حصلناه " متقلب الى ان وصل لـ فراش سلطان " وتشابكوا بـ الشعر " للمعلوميه سلطان ويسلم شعرهم كثيف " ، حاولنا نفك بعضهم عن بعض ، بس ما قدرنا .. اخر حل اضطرينا له هو المقص .

وصحوا الشباب وهم يضحكون قعدنا نسولف شوي في الخيمه .. وفقدنا ابو طلال وطلعنا وحصلناهـ باقي يأكل من الفطور " هذا اللي قبل شوي خايف على الشباب " .


المشهد الثامن :

اوكلنا المشاغب وماجد مقبل على شراء ذبيحه اكراماً لـ مولع بالهلال واللي معاهـ ، مع ان ابو طلال ما كان حريص على اننا نسرف ونهايط فـ حسب كلامه " ان متعب موب غريب " بس قلنا لا .. بعد الحاح من هنا والحاح من هناك وافق ابو طلال .

راح ماجد وسلطان لـ بعض اللي يبيعون الغنم .. ويا ليتنا ما ارسلناهم قاعدين يدورون على الخروف الزين " من ناحية الشكل فقط " .. وبعد ان غشهم السوداني بـ تيس ما يسوى 200 ريال وباعهم بـ 700 ريال وصلوا لـ المخيم بـ التيس " حي " مو مذبوح .



هذا هو التيس " ما ادري هو تيس هو عنز .. اللي هو اهم شي يقول امبااااااع "


المشهد التاسع :

مشهد ازهاق الانفس و عملية التعذيب وزحلطة التيس .

يالله بسم الله بنذبح التيس ، وين ابو طلال ..؟؟ ابو طلال .. ابو طلال ..؟؟ " انحاش " ،
يالله يا بو صقر تعال

ابو صقر : هاه وشو ..؟؟
ماجد مقبل : انت اكبرنا .. سم بـ الله
ابو صقر : ماجد انا اقسم بالله حدي سمك مقلي ايش لي بـ الدم وما الدم
جرح يشكي يحدث نفسه : ايه والله لو متعب فيه ان ما يذبح التيس الا هو ، والله لـ اخليه يتوب يأكل لحم " <====@ شرير

بريماكس : وخروا وخروا انا اعرف اذبحه <======@ قالها بـ ثقه مطلقه .
اوكلنا المهمه لـ بريماكس اللي طلب ان ما احد يساعدهـ فيها .

بعد 10 دقائق الا وتيس يمر من قدامنا ومشغل التيربوا ، وبريماكس وراه " امسكووه امسكووووه " ، ويفز ابو طلال " ويقولن من قوة الركض الحذيان ما حصلوها لا من مسافة كيلو " ويالله يالله مسكناهـ .


المشهد العاشر :

الساعه الان 10 الصباح ، و ذبحنا الذبيحه الجميله ، قرر خالي من الهم و بريماكس!! وابو صقر وابو ناصر وعفره انهم يطلعون في جوله قصيرهـ بـ السيارهـ ، طبعاً قبل لا يطلعون قالوا لنا ، ومن منطلق اعطائهم الحريه وافقنا على خروجهم .
بس ما قالوا لنا عن السلاح اللي مع بريماكس!! " تاجر الاسلحه " وكان السلاح عباره عن رشاش من عيار 50 مصنوع من البلاستيك ، وهذي الصورة تبين لنا دلاخه من خرج من المخيم ، فـ قد تبين لنا ان من خرج من المخيم هم 6 ..!! لان اللي في الصورة 5 .. ونسوا اللي صورهم .



اعتقد ان الصورة " مشروع ذب ناجح "


وهذه صورة فضائية لـ المخيم من بعيد







المشهد الحادي عشر :


الساعه 12 الظهر حر يقطع القلب نفسي بخشمي دق علي مولع بالهلال طبعاً حصلني انتظار <== عاش الجو صرفت الي معي

ورديت هلا مولع هلا هامور شتبي مولع <== يقطع ابو الاخلاق مولع يااخي انا مضيعين ماندري وينا فيه قلت خلاص لا تخاف شوي

وبدق عليك سكرت الجوال رحت لـ جرح يشكي محمد مولع بالهلال مضيع قالي والله قلت شراايك نسوي فيهم مقلب قال لا حراام قلت ، اقول لا يكثر خلنا نضيع بهم المهم دقينا عليهم وقالو لنا وينهم فيه وضيعنا بهم ماجبنااهم الا الساعه 2 طبعاً جاء مولع معصب والله لصككم انذارات وجايب معه المشاكس المهم كان ابو طلال يطبخ الغداء جبنا الغداء استغفر الله ماينوكل ناكل مجامله لـ بو طلال المهم " من زود محبة ابو طلال لـ متعب حلف الا انه يسوي الغداء "

يوم جاء العصر جانا الكلاسيكي ومعه ...



الكلاسيكي ... بيوصل لـ المخيم ومعاه ..؟؟





من هو ابو مساعد ومن هو راعي السلق لق ..؟؟



هذا واكثر مع ليو ميسي