نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - :: عاجل : المجلساويه يسحقون العالميه بـخماسيه 5

ابو طـــــلال · #201 16/02/2008, 05:02 AM

^^^^

كل شي مكتوب بالتقرير

بس خل عنكم .. نجم اللقاء ( الحكم )

شكله اول مره يحكم بحياته .. ماعمره حكم ولا حتى بلعبة الضومنه .. حسيت انه مايبي المباراة تنتهي .. وغبى الصافره .. ومدد الوقت لأكثر من عشرين دقيقه بدل ضائع .. وفايزين 5 / 1 .. ويقول يالله اشواط اضافيه !!

يوم علمناه ان المباراة انتهت .. قال تكفون واعدوني

.. حسبته يبي يعشينا .. اثاريه يبي موعد يحكم لنا بأقرب فرصه ...( استانس من التحكيم ..

)

حكمنا الرائع شكرا لك .. بس تكفى حللني ..انا والهاوي .. وكله من الهاوي الله لايوليك على مسلمين

بس مااقولك الا هالاهداء : رايق .. حكمنا يابعد عمري .. رايق .. يابو جنز جناااان

الهاوي يقول .. شكله كان مصمم ازياء قبل مايتوجه للتحكيم

اشكال غريبه شفتها بالمباراة ... الناس متابعه للمباراة .. وانا والهاوي ماغير نقز هالسيقان ونتحمد الله .. عصاقيل .. وناس تلعب حافيه .. وحكم يسألني كم باقي ويخلص الشوط ؟؟

* سبب اصراري تبديل ماجد مقبل ليس في خفظ مستواه لاابدا .. بس ودي يجي جنبي بالمنصه ونسولف ..

* مباراة الإياب .. قررنا نلعب بخمسه .. وانتم ب13 لاعب .. علشان يكون معكم فرصه للتعادل

* المشاغب ... لاتتوقع تصريحك بيمر مرور الكرام .. ستحاسب وبقوة .. وخل خشمك ينفعك .. تراك جايب هدف بالصدفه .. واحد عطاك انبراشه محترمه وقايم تبي تردها له وبالصدفه إلا والكوره بخشتك جت هدف .. لاتشغلنا وتقول فنيات وتكتيك .. حتى وانت تكتب ( انا احبكم ) تصيح وعيونك تدمع من قو الشوته اللى بوجهك

* متعب اسميه تيماوي المجلس العام ..

* قرر ماجد مقبل اصدار حقيبه تحمل اسمه وشعارها ( أنا استغلكم ) وقيمة الحقيبة 50 ريال .. ويجي معها بطاقة سواء بعشره ..

* ننتظر تسجيل لاعبين جدد .. والمجال مفتوح للجميع .. ومن الان سجلوا اسمائكم عند الكلاسيكي ..

* للأسف مهما قدمنا للاعبين فهم يجحدون ... المشاغب يتهجم على الإدارة .. وينكر فضلها في بروزه .. لماذا لم يذكر ( القلم ) اللى اعطيته اياه بعد تسجيله للهدف .؟؟ صحيح انه من غير غطاء بس برضه كان يكتب

* جرح يشكي .. طيلة المباراة ماتكلم .. ماقال ولاكلمة .. ولافتح بووئه في شي .. حسيت انه ياكل مايلعب ..!

* هلالي الشماسيه والله ياهو رفس له واحد .. من قلب ..

* ماجد مقبل وقف حائط بشري .. بس بشكل غريب .. كنه يسوي دعاية ( فازلين ) الوقفه مايله ..

* عادل الكلاسيكي .. خبرك فيه يوجه اللاعبين من مكانه المخصص .. تسج عنه شوي تلقاه مع احتياطي الفريق الخصم .. ينسى نفسه من الحماس ..كل شوي مرجعينه لمكانه

* الهاوي حصل ذنوب ذيك الليله مير الله يتوب عليه .. عيـار وذبيب .. وانا احب هالسوالف بس مخليهن ( عندي عيال ) ويقولون الطنزه طقتن باليد

* عادل زعيم افريقي .. وقعنا معه عقد خمس سنوات

* مباراة الإياب بعد بتكون بتاريخ 5/5/ 2008 وعاشت الخمسات

* تم وبحمد الله افتتاح وتدشين موقع اللاعب الفذ (معاذ اليوفي ) شبكة معاذ الالكترونيه

* سليمان .. اسير .. فارس .. السامي .. الغريب .. شوفو متى تبون المباراة .. وبحكم اجنبي .. والعبوا ب 13 لاعب .. وحنا بسبعه .. ثلاثه منهم عميان .. وانثن فيهم عرجه .. ومع ذالك الفوز لنا

شكرا .. والبقاء للأقوى ..