نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - إختيار الأسماء*رفقاً بالقوارير*الفار المسكين*كل هذا وأكثر في مواضيع لــوريـن ..عالم من إختيارك

الزيرابوعزيز · #10 09/02/2008, 09:31 PM

إقتباس


	السلااام عليكم ورحمة الله وبركااته..

وعليكم السلام ورحمة الله وبركاته

إقتباس


	كــيــفــكم؟؟ إن شاء الله تمااام,, وكيف الإجاازهبعد القلق السنووي المعتاااد (( الإختبارات)) وكيف النتاايج أكيد حلووه.. وإذا لا فــ زي مااقلت بنت الزعيم .. اهم شيء الاخلااق وحب الووطن..

الحمد لله تمام
بس انا الحمد لله مخلص دراسة من مبطي بس كلما دخلت عندكم هنا رجعتوني لأيام الدراسة

إقتباس


	مااأطول عليكم.. ولو طوولت فتحملووني .. هذي نتيجة الكبت طواال تررم كاامل.. ورااح اطلع حق الحرمااااان اياام الدراااسه.. وبعد كم يووم رااح يرجع الحصاار لآخر السنه بس ان شاء الله يجيب فايده .. ونجيب نسبة ترفع الراااس..

كبت

ليش تعتبرون الدراسة كبت خذوها بسعة صدر

وعودوا انفسكم ان سعة الصدر والوناسة بالدراسة <<< العبوا على انفسكم

علشان ما تملون من الدراسة الى تنتهون منها

إقتباس


	الفقرة الاولى: إختياار الأسمااء:

انا اقتراحي ما مر على احد قبل << اتوقع
كل شيء الانسان حر فيه الا الاسم يصحى على نفسه ويلقا اسمه محماس مثلا

انا اقترح ان الاهل يسمون ولدهم او بنتهم اسم مؤقت الى ان يبلغ من العمر 15 سنة
بعدها يخيرونه اذا معجبه اسمه تمام واذا بغى يغيره ما فيه مشكلة
مو مثل الحين لا زم يكون عندك سبب قوي علشان تغير اسمك بالاحوال المدنية
وبعد ما يكبر مثل واحد اعرفه اسمه رجا واذا جلس بمستشفى جت السستر وقالت
الاخت رقااء الدور عليها

عاد الادمي يستحي ولا يقوم ويجلس يلعن بالسستر
صعبة تقول رقاء هي فين ويقوم هو وشنبه اللي يوقف فوقه الطير

المهم هو غير اسمه لفهد بعد عناء وواسطات وشرح الاسباب
انا اقول انها تكون عادة عند الناس من يبلغ 15 كل الناس يعرفون ان اسمه مؤقت اذا غيره ما احد يستغرب والاحوال تسهل الموضوع على الكل

إقتباس


	الفقره التاانيه: قصتي مع الفاار المسكيين:

معركتكم تتكرر في كل بيت

طيب وش وجه الشبه بين البنات والفيل
كلهم يخافون من الفار
طيب الفيل عرفنا ليش يخاف من الفار
علشان الفار نجس يدخل باذنه ويفجر راسه ويحوس مريره
طيب البنات ليه يخافون

بس الظاهر البنات يخافون من اشياء كثيره غير الفار يعني اي حيوان شكله غير مالوف او حشرة غير نظيفة وشكلها مقرف

إقتباس


	الفقره التاالته: رفقاً بالقوارير:

صدق الرسول الكريم بس الله يهديهم بعض الناس بعضهم
يعامل النساء والزوجات بجفاء وشدة <<<لاعبين عليه وقايلين له افرض شخصيتك عليها
اي شي بالتفاهم والحوار افضل
وافضل شي مثل قولك عن شعرة معاوية اذا شدت المطفوقة

انت ارخ شوي واذا انت شديت هي لازم ترخي
وهذا التعامل مو بس مع النساء حتى مع الاصدقاء شفت خويك شاد بالكلام ممكن زعلان من شيء ماتدري انت عنه ولا لك اصلا دخل به انت ارخ شوي معه ولا تقابل الشدة بالشدة لكي لا ينقطع حبل الوصال

إقتباس


	سؤاال:: ليش كل وااحد يقوول رأيوو على طوول تقولون لووا علمااني ولاليبراالي.. [[ احس الكلمة هذي عندكم اسهل من شراااب الموويه مع انها كبيره لانهاا تكفييير والتكفيير موموضووع سهل..]].. <<تستنى في الردوود يااعلماانيه..

عاد تصدقين اني راد على الموضوع كله علشان هالنقطة
العلماني والليبرالي يعترف ويقول انا علماني وانا ليبرالي ويفتخر ولا يكفر نفسه
ولكن فيه ناس تأثروا بفكرة من افكار العلمانيين ويتناقلها ويدافع عنها وهو بقرارة نفسه
انه مو علماني ولكن هالفكرة هي صح عنده
واحيانا ما يدري انها من افكار العلمانيين ويجي يناقشها ويدافع عنها وهو لا يملك من العلم
الشرعي او من الاخطار المترتبة على هالفكرة وكل ابن ادم خطاء
وممكن اليوم يكون مقتنع بها وبكرا يغير رايه ويجب على الناس اذا سمعوا فكرة او قرأو عنها انهم يبحثون عن خلفياتها ورأي العلماء بهذه الفكرة وبعد ما يبحث عنها يناقشها
مع الاقربين ثم مع الاصدقاء ويستفتي قلبه فيها
كثير من افكار العلمانيين تكون منمقة ومزخرفة ولكن ليس كل كلام يسمع له
فيجب الاستماع للرأي الاخر رأي الشرع والمشايخ بمثل هذه الافكار
والنفس امارة بالسوء ستقبل اي شيء فيه سوء بدون تفكير لا اريد ان اطيل بهذا الجانب ولكن بما انك قلت ان العلمانيين يعتبرون كفرة فالحمد لله ففيك خير كثير
واقرأي تعريف العلمانيين واصولهم ومعتقداتهم فالحمدلله نحن شعب يقرأ ويكتب لسنا عوام
فيجب على الشخص القراءة والبحث عن اي شي يهمه والكتب ماليه الاسواق والانترنت
فلست مضطرة لسماع كلامي او كلام اي شخص من الناس
اما من يلقي بالاتهامات جزافا فهو ناقص عقل

إقتباس


	للطلاااااب:: طوول أياام السنه الله يعلم با أعماالوو.. ولماا تجي الإختباراات يناافس المطااوعه في العبااده.. ((( اعـــرف اللهــ فـــي الـــرخــــاء ..يــعـــرفــك فـــــي الــــشـــده.. )))

انا في هذه النقطة ما اقدر الا ان

احسن خاتمة للموضوع وللاسف فهي منتشرة واتمنى الوعي من الشباب والفتيات ايضا