نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

قلبي مملكـة والهـلال يملكـة · #1 09/02/2008, 01:55 AM

السلام عليكم ورحمة الله وبركاته ..
مبــــروك الفـــوز والمستــوى ..
صراحـة مادري وش أقول و وشلون أعبر ..
يعني كلمـة مشكوريـن .. ماقصرتوا قليلة بحقكـم ..
كل شي قدمتوه اليوم تشكرون عليه .. لا من الحارس ولا خط الدفاع ولا الوسط ولا الهجوم ... ماشاءالله ..
رغم انه حصل أخطـاء من بعض اللاعبيـن وهذا شي عادي ومستحيل اي فريق راح يلعب مباراة كاملة 90 دقيقة بدون أي خطأ ..
لكن اللي شفناة اليوم صراحـه ( هـلال ) غيــــر ..لا مستوى ولا نتيجـة ..
اليوم أشوف فيكم : لعب جمـاعي من زمان ماشفنـاة .. صحيح اننا المباريات اللي فاتت بالدوري نفوز بس غالبـا بدون مستـوى
بس اليوم ماشاءالله مستـوى ونتيجـة رغـم الظروف اللي مرت بنـا قبل المباراة الا إن اللاعبيـن والمدرب أقدروا يتعاملون مع هالمبـاراة
بشكـل صحيح وحصلوا على النتيجـة والمستـوى ..
الدعيـع : مشـكور وماقصـرت صراحـة قدمـت مستوى اليـوم تشكر عليه خصوصـا الشوط الثاني .. ومن هالمستوى وأحسن ان شاءالله ..

يـاسر : ماشاءالله تبـارك الرحمن وش أقول وش أخـلي .. كلمة شكـرا قليلـة بحقـك وبالمبـاراة هذي أثبتت لبعـض الجماهيـر إنك
قـادر على حسـم أي مباراة مهما كان حجمهـا .. ونبي مثل هالمسـتوى وهالحمـاس بالمبـاريـات الجايـة .. شد حيلـك ..

التـايب : لعبت اليـوم وأبدعـت كالعـادة .. مشـكور وماقصـرت ..

الزوري : اليـوم أثبتت إنـك نجـــم ... مشكــور .. ونبي مثل هالتمريـرة بالمبـاريات الجايــة ..

تفاريس : الصخرة الدفـاعيـة .. اليوم خلصـت كم كورة خطرة على المرمــى .. ومستواك معـروف من قبل هالمبـاراة .. مشكور وماقصــرت ..

المفـرج : سـلامــات .. ماتشـوف شــــر ...

المدرب كوزميـــن : ماشاءالله هالمدرب ( ذكـــي ) الله يخليـه لنـا .. تبديـلات ولا أروع اليوم .. يسلموووووو ..

البـــاقيــن : يعطيـكم ألـــــف عـــافيـــة .. ماقصرتـــوا .. صراحـة ماندري وشلون نشكـركم على هالمستــوى ..
يالله شدوا حيلكـم هالمبـاراة ماتكفينـا نبي الكأس

<< من زمان عن البطولات

...

وصراحـة مادري وش أقول أكثر من كـذا .. مشــكوريـن وماقصرتـوا مرة ثانيــــة.. وبيض الله وجيهكـم .. وعقبـال الكأس إن شاءالله ..

أسمحولي على هالموضوع .. ( حوسة

) شوي معليـش كتبته بسـرعـة بدون ترتيـب .. لكن وش نسوي لازم نشكـر اللاعبيـن
صراحـة فرحونــا فرحــة من زمــان عنهــــا

....

تحيـات أختــكم : tavares smile